Massi

2012-01-30T17:22:00.005Z

Vitleysingur

Þá eru 2 vikur komnar síðan ég hætti að taka í vör. 10 dagar án alls nikótíns. Þetta gengur bara vel. Fór á fyllerí um helgina og tók engin feilspor. Allavega ekki hvað varðar tóbakið. Var vel fullur og fór í skemmtistaðasleik við einhverja píu á B5 sem ég hef aldrei séð áður og man ekkert hvað heitir. Örugglega einhver algjör hóra.

Tilefnið djammsins var langþráður Íþróttanefndarendurfundur. Þar sem helmingurinn af nefndinni er búsettur erlendis voru það ég, Kiddi og Sölvi sem mættum og drukkum saman. Gríðarlega gott kvöld. Nauðsynlegt að ræða mikilvæg mál með bjór til að væta kverkarnar.

(2. hæð) Ásgeir, Kiddi, Krummi (1. hæð) Sölvi, Ingibjörg og Óli Péééé

Það er búið að vera töluvert mikið um hreyfingu síðustu vikurnar. Held ég sé að slaga í 7 skipti í viku. Mjölnir, fúz, basket og ræktin. Hentar ágætlega þar sem maður er alltaf að fá sér harðfisk, skyr, egg, tyggjó eða banana þegar mann langar í lummu. Amma Díana hefur sagt mér söguna af því þegar hún hætti að reykja svona nokkurnveginn í hvert einasta skipti sem ég kíki í heimsókn til hennar og Afa Jóns.

Sagan er í stuttu máli sú að Amma hætti að reykja heillengi og þá þyngdist hún um 20-25 kíló. Svo byrjaði hún aftur að reykja og þá hrundu af henni kílóin. Eða mig minnir það. Þau bættust allavega á hana þegar hún hætti að reykja. Ég er því líklega dæmdur til þess, fyrst ég er hættur, að þyngjast um svona 20-25 kg af vöðvum. Ó, nei.

Partur af því prógrammi er að æfa í Mjölni og að drekka Hámark. Flestir strákar kannast við aukaverkanir próteins. Ég var að glíma við einhvern gaur í síðustu viku og var í guard position.

Ég var eins og gaurinn sem er undir á myndinni

Semsagt, ég ætlaði að vera hrikalega sniðugur og slamma gaurnum á hliðina með fótunum á mér. En þegar ég gerði það og hann streittist á móti þá kom áreynsla og ég prumpaði alveg frekar mikið á gaurinn.

Ekki að það sé neinn sérstakur partur í því að þyngjast um 20-25 kg af vöðvum. Fannst þetta bara frekar fyndinn hlutur til að lenda í. Kjánalegt. Gaurinn var alveg pollrólegur. "Jájá, þetta gerist maður". Svo bara áfram að glíma. Heyrði einhverntímann að þessir kraftlyftingargaurar væru stundum að skíta í buxurnar á mótum og væru því með bleyju oftar en ekki. Sel það ekki dýrara en ég keypti það. Ekki að það sé neitt markmið.

Fyrir utan æfingar er búið að vera fínt fjölskyldulíf hérna í íbúðinni.

Á þriðjudaginn var vídjókvöld þar sem ég, Pálmar, Sif og Ingunn tékkuðum á mynd sem að Sif sagði að væri alveg geðveik. Myndin heitir Death Ship og er hrollvekja frá 1980. Tagline myndarinnar er:

"Those who survive the ghost ship are better off dead".

Hverju orði sannara. Mæli ekki með þessari mynd.

Hún var in fact það léleg að þrátt fyrir að það hafi verið vinnukvöld þá vildi ég ekki fara að sofa eftir slík vonbrigði og við horfðum á korter af Nightmare on Elm Street og síðan alla Insidious á eftir. Vídjókvöldið var rosalega fínt samt sem áður, náðum alveg að hlæja svolítið af þessum gríðarlega grófu morðatriðum í Death Ship. Þetta var svona svipuð mynd og Final Destination, nema að atriðin þar sem fólk dó voru alveg vonlaust léleg. T.d. gaur sem var hífður með kaðli af bátnum upp í loftið og svo hent í sjóinn þar sem hann drukknaði bara án þess að neinn reyndi að bjarga honum. Alveg virkilega lame en mjög fyndið.

Á fimmtudaginn var síðan spilakvöld. Ég, Pálmar og Erik spiluðum á móti fjórum fræknum fjölskyldugarðsstelpum í Trivial Pursuit.

Eftir mjög óspennandi byrjun og miðju þá kom spennandi lokakafli þar sem við strákarnir stálum sigrinum. Frekar ljúft. Ég held satt að segja að Pálmar hafi bætt metið sitt í nammi-, snakk- og súkkulaðiframboði þetta kvöld. Hann er höfðingi heim að sækja þessi maður. Þar af leiðandi er ég líka höfðingi heim að sækja. Enda er vinsælt að sækja okkur heim.

Annars þá er maður búinn að vera frekar ofvirkur. Bjarki kíkti í kringluleiðangur með mér og horfði á Moneyball á laugardaginn í þynnkunni. Moneyball er bara alveg frekar fín. Kannski ekki alveg geðveik, en góð samt. Pitt mjög fyndinn í henni. Held ég hafi í fyrsta skipti á ævinni farið í ræktina daginn eftir fyllerí á laugardagskvöldið. Fór í Laugar. Held ég haldi bara áfram að fara á Nesið eða í Hfj. Það er svona temmilegt douchebag vibe í Laugum.

Ég fór edrú í teiti hjá Valgerði, kærustu Tóta Hauks, og rúntaði í gegnum bæinn með Bjarna Þór eftir á. Ótrúlega lítið um hözzl hjá mér og Bjarna í partýinu hjá Tóta og enn minna um slagsmál í bænum þegar við vorum að rúnta. Bömmer. Eldaði svo mat og tékkaði á spænskri hrollvekju með vinkonu á sunnudaginn sem heitir Tesis. Mynd sem gleymist bráðlega. Upplistun lokið.

Lag með Tool.

En hérna er annars myndband sem lýsir því hversu glaður ég er að eiga Subaru Impreza 4WD. Mögulega er ég líka að koma upp um ólöglegan dekkjagang hjá Pelmz.

later

2012-01-22T22:27:00.009Z

Lokun

Fór út í Fossvogskirkjugarð á sunnudagskvöld að heimsækja nokkra aðila sem ég hef ekki séð í langan tíma. Kosturinn við það að svona margt gerðist á sama tíma er sá að allir eru geymdir á sama stað. Gekk í nokkra hringi og sönglaði aðeins með lögunum mínum. Góð losun. Þurfti á almennilegri losun að halda. Mér til furðu þá logaði kerti við legsteininn okkar. Líklega ekki sá eini sem kíkir við.

Er búinn að vera í frekar leiðinlegri sálarkrísu þessa dagana. Mjög krefjandi og flókin aðstaða sem ég lenti í. Eða setti sjálfan mig í satt að segja. Veit ekki alveg hvernig ég hef átt að snúa mér og hvað rétt sé að gera. Er búinn að ákveða það núna þó ég sé ekki neitt sérstaklega ánægður með það. Langtímaávinningurinn fyrir sjálfan mig hlýtur að liggja í því að vera samkvæmur sjálfum mér og fylgja því sem ég tel vera rétt eða heiðarlegt. Til skamms tíma býður það upp á vanlíðan og vangaveltur um mismunandi þróun miðað við aðrar aðgerðir. Það verður að hafa það, ég á 4 svefntöflur eftir.

Hef mikið verið að hlusta á þetta lag með Chevelle í krísunni og mun líklega tengja það við hana seinna meir. Ágætt að binda minningar við lög. Ef sjúkdómur er að hrjá lífið, þá hefur tónlist alltaf verið ágætis meðal fyrir mig á meðan hann gengur yfir. Þetta lag er um lokun. Ég stend frammi fyrir einskonar lokun. Þó hún sé kannski ekki eins þröngvuð, óvænt og endanleg lokun eins og sú sem átti sér stað í tilfelli þeirra sem hvíla í kirkjugarðinum, þá er samt sem áður ákveðinn endanleiki í henni. Munurinn er kannski sá að ég get ekki séð aðilana í kirkjugarðinum eða talað við þá aftur. Þeir tóku heldur ekki meðvitaða ákvörðun um að hverfa frá.

Þetta lag er ekki fyrir alla. En það er nóg að það sé fyrir mig.

Ætla að túlka það á minn hátt. Fyrir mér er þetta lag í rauninni þrískipt.

Breathe, trust, bless me and release

Climb, hard, or never be seen

Closed off, rescue to breathe

Just bless me

Two sided time,

Your rebirth can't hurt,

Branch out behind, the pain

Fyrsta erindið er ringulreiðin, þessi örvænting sem maður upplifir þegar högg skellur á manni, einhver höfnun. Á maður að reyna að sannfæra hina manneskjuna á meðan tækifærið er til staðar eða á maður að fela sig og kveljast einn? Breytir það einhverju?

Á svona tíma hættir heimurinn að hreyfast eins lengi og þú leyfir honum það, á meðan aðrir halda áfram sínu daglega lífi. Koma svo, bæði fortíð og framtíð í boði. Leitaðu annað en í sársaukann, t.d. forðast hluti og minningar tengdar manneskjunni, og byrjaðu upp á nýtt. Það getur ekki verið alslæmt.

Closure has come to me, myself

You will never belong to me

Closure has come to me, myself

You will never belong to me

Viðlagið er lokaniðurstaðan í ferlinu. Ég hef fengið lokun, ég mun aldrei fá þig. Misskilningur í gangi þar til það er sungið í lokin finnst mér.

Had to turn, lay down

Your sting of disease

Phase you out, should've seen this coming

Go on confusing the soul

Hold my breath till you rupture

Three days aside,

Your rebirth can't hurt,

Branch out behind, pride

Annað erindið er það sem tekur við af ringulreiðinni. Ásökun, reiði, biturleiki, vonleysi. Ert farinn að taka þessu persónulega. "Þú ert eitruð og ert að rugla í sálinni á mér", "Hefði átt að sjá þetta fyrir", "Geturðu ekki bara fokking horfið". Ert ennþá í afneitun yfir því sem er að gerast þó að reiðin sé til staðar.

Næsta skref, ekki hugsa um stoltið. Fuck it. Einhver hafnaði þér, það gerist fyrir 50% af fólki í hvert skipti sem það eiga sér stað sambandsslit af einhverju tagi. Það er enginn að hlæja. Þú þarft að horfa fram á veginn hvort sem er, dílaðu við þetta.

Like a leech

I hold on as if we belonged

To some precious pure dream

Cast off, you've seen what's beneath

Now, fail, me

Forget closure (x4)

Í þriðja erindinu erum við komin á versta partinn. Þú ert að bösta afneitunina sem þú glímir við. Þú áttar þig á því að þú ert hálfpartinn að leita að manneskjunni út um allt eða hugsandi of mikið til hennar. Átt kannski minjagripi, ferð á sömu staðina, hlustar á lögin ykkar eða hvernig sem þú vilt tengja. Heldur upp á þessa hluti og heldur þar af leiðandi í vonina um að það verði aftur eitthvað meira á milli ykkar. Þér var hent í burtu eftir að manneskjan sá hvað þú hafðir að geyma og bjóða, en samt viltu ekki sleppa henni á móti? Vilt ekki viðurkenna lokun eða fá lokun. Á meðan þú getur það ekki ertu fastur.

Closure has come to me, myself

You will never belong to me (No)

Closure has come to me, myself

You will never belong to me, to me, no

Held að síðasta viðlagið, hvernig það er sungið, sé þegar reality hits. Þú veist að þú varst í afneitun, varst ekki tilbúinn að sleppa takinu alveg. Það var smá vonarglampi falinn innra með þér sem þú þurftir að slökkva. Eflaust ljúfsárasti parturinn í ferlinu, því hér sleppirðu manneskjunni og öllu sem henni fylgdi... hvort sem það var fortíð eða framtíð. En í staðinn færðu að halda áfram með þitt eigið líf. Í rauninni lokun, sem virðist vera erfiðasti parturinn. Lokun gagnvart sjálfum þér.

Kannski svolítið augljóst að sálarkrísan mín snérist ekki um gengi handboltalandsliðsins. Algengt vandamál í raun, m.a.s. Bow Wow á lag sem maður tengir við um sama vandamál. Ég var svona fram og tilbaka með þessa færslu. Er ekki illa staddur í lífinu þó þetta hafi farið illa í sálina hjá mér. Var í rusli yfir þessu ef ég er hreinskilinn. Aðgreini þó kvennavandamál frá öðrum vandamálum eins og ég get. Kannski ekki alltaf svart og hvítt. Partur af vandamálinu var sá að maður var að opna og loka þessu aftur, sem hjálpar engum. Að minnsta kosti ekki mér. Ofan á það voru aðstæður full flóknar. Algjör vefur.

Ég er svona hægt og rólega að loka þessu gagnvart sjálfum mér núna. Gekk ekki vel til að byrja með. Ég var að streitast aðeins á móti sjálfum mér. Partur á leið áfram, annar partur í andstæða átt. Fáránlegt hvernig svona aðstæður kippa undan manni fótunum. Lenti í fáránlegu atviki í gærkvöldi þar sem þetta hafði áhrif á annan faktor í lífinu. Eiginlega einhverju sem ég bjóst ekki við að lenda í. Sýnir manni að það sem Dennis Rodman gerði í körfunni er ekki lausnin fyrir alla. Sumt þarf að taka út í einsemdinni með góða tónlist í lappanum.

Núna endurstilli ég miðið á kíkinum og horfi á stóru myndina. Kate Beckinsale er ennþá þarna úti.

later

2012-01-17T23:49:00.006Z

Fínasti dagur

Verð að segja eins og er. Dagurinn í dag var alveg ágætur þrátt fyrir hlutina sem ég banna mér að gera. Hámark í morgunmat heima, hafragrautur í vinnunni, ræktin í hádeginu og síðan sund með Jón Óla eftir vinnu.

Klukkan 13.30 í dag gat ég líka sett fyrsta strikið á töfluna í herberginu hjá Jón Óla, Hildi og Kristínu. Þau ætla að gefa mér 1 bjór á mann ef mér tekst að setja 28 strik á töfluna. Vonandi tekst það. Hvert strik þýðir sólarhringur án þess að nota tóbak. 1 down. 13 klukkutímar í næsta. Mögulega verða Muriel og Stebbi líka í bjórgjafarhópnum. Það er auðvitað ónauðsynlegt og algjört aukaatriði það sem þetta snýr eingöngu að mér, en ég kann að meta stuðninginn. Hildur Hrefna er góð gella. En þetta er verðugt verkefni, fyrsti dagurinn var ekki ómögulegur. Er þó að nota smá nikótíntyggjó sem ég ætla að losa úr ferlinu hratt. Nýleg reynsla hefur þó sýnt að það getur tekið meira en einn dag að venja sig af einhverju.

Eftir sundið sótti ég ömmu Sjöfn og fór í mat heima hjá mömmu og pabba. Elsku mamma mín er orðin 50 ára gömul, en lítur að sjálfsögðu ekki út fyrir að vera ári eldri en 35 ára!

Góður kjúklingaréttur, eftirréttur og gott tjill með afa Jón, ömmu Díönu, ömmu Sjöfn, mömmu, pabba, Írisi systu, Stebba fósturpabba og Signhildi fósturmömmu. Umræðurnar voru komnar út í hálfgerðan meting um það hver gat sagt bestu söguna af föstum bílum í óveðri. Það var einmitt óveður þar sem Díana systir og amma Sjöfn urðu nánast úti daginn sem ég fæddist. Voru að lenda á Íslandi, nýkomnar frá Danmörku þar sem ég var að fæðast og var keyrt áleiðis heim af björgunarsveitinni.Það var víst mesta snjófallið í 28 ár þar til allur snjórinn kom um daginn. Einnig keyrðu foreldrar mínir framhjá tryggingarsvindlinu sem var nefnt í Svartur á leik. Stebbi og bróðir hans voru á leiðinni á Ísafjörð þegar bíll var utanvegar og hálfur fram af hengi, sem þeir hjálpuðu heim til sín. Amma og afi voru að keyra foreldra mína heim úr brúðkaupi um daginn þegar bíllinn þeirra fauk yfir á annan vegarhelming. Heyrðist þau segja 40 metrar á sek. Bilað. Svo fór umræðan meira út í glæpi, glæpamenn og slíka hluti. Deili þeim ekki hérna á blogginu svo fósturpabbinn lendi ekki í vandræðum.

Stebbi fósturpabbi að hrauna yfir Steingrím J. á meðan amma Díana reynir að malda í móinn

Afi Jón og pabbi aðeins hlutlausari í umræðunni

Signhild fósturmamma og mamma afmælisbarn sætar saman

Íris litla systir er búin að skrifa sitt fyrsta handrit af stuttmynd. Hlakka til að lesa það hjá henni. Ánægður með hana að byrja á þessu snemma. Setur pressu á mann að fara að byrja á einhverju svona.

Íris er síðan að fara í prufu fyrir Samfés á fimmtudaginn, kemst því miður ekki þangað en vonandi massar hún þetta. Væri ekki leiðinlegt fyrir hana að komast í Samfés.

Annars þá fékk ég Jón Óla til að taka myndir af vinstra lærinu á mér í dag. Ég og Unnar vorum að læra að taka almennilegt roundhouse kick síðasta föstudag. Settum púða upp að fótunum á okkur og negldum svo eins og við gátum í hvorn annan. Unnar er svona temmilega þroskaheftur í vinstri fætinum eftir að það var keyrt yfir hann á djamminu. Það er reyndar önnur saga. Mögulega þar sem ég á einhverja sök í máli. En útaf þessu gamla atviki þá sparkaði Unnar bara með hægri fæti í vinstra lærið á mér. Er svona að meta hvort ég eigi að kæra Unnar fyrir líkamsárás eða ekki.

Reverse MJ húðsjúkdómur?

Eða hardkó roundhouse frá Unns?

Maður fann auðvitað ekkert af ráði fyrir þessu, en ætli marningurinn safnist ekki saman þegar maður fær svona 100 spörk af fullu afli á sama stað.

Ok shiiiiis.... Pálmar, klifjaður og Sifjaður, var að mæta á svæðið með Def Jam Rapstar Xbox leik. What up? Ný húsmeistarakeppni?

Talandi um þessa mjög svo óvæntu þróun ætla ég að setja hérna inn gamla rappvísu sem Dabbi skrifaði í kommentkerfið mitt eftir að ég dissaði hann. Eiginlega fyndnasta ríma sem ég hef lesið.

Davíð
Óli,
þó svo ég stanslaust þig hugga,
yfir hvað þú saknar Kwame Skugga,
heldurðu alltaf áfram að kvarta,
yfir hvað þú saknar hans dela,
dela hvers? Kwame svarta!
"Hann fílar ekki að kela",
sagði Óli sár,
"Ég sakna hans typpi!"
sagði Óli og felldi tár.

En inn gengu Kiddi og Pálmar,
tveir frægir hommar,
og buðu Óla sína dela,
höfðu greinilega ekkert að fela,
og er þeir renndu niður buxunum,
fylltist hugurinn á óla af skítugum hugsunum,
og er þeir rendu delunum niður kokið
hugsaði Davíð með sér
"Góðu dagsverki lokið"

Yeh yeh yeh 108 REPREZENT!!!

March 29, 2008, 5:50:33 PM GMT

– Like – Reply

Það var eiginlega bara mega rímnastríð í þessari færslu og kommentunum. Dissaði óvart alla vini mína. Hægt að sjá færsluna hér.

Ætla að kíkja aðeins fram á þennan rappleik.

later

2012-01-15T19:58:00.002Z

Lose - lose - lose situation

Round 2.

Tónlistarmaður sagði að lífið væri ljúfsár sinfónía einu sinni. Hann gerði lag um það. Lagið hans fór á toppinn út um allt. Seinna var hann kærður fyrir að stela undirspilinu í laginu því það tilheyrði öðrum tónlistarmanni. Hann stóð uppi með frábært lag sem hann gerði en fékk í raun ekki að eiga neitt af því sem lagið gaf af sér. Hann átti ekki nóg í laginu til þess. Ofan á það hlýtur hann að hafa orðið skömmustulegur fyrst það var sannað að hann hafi stolið frá öðrum.

Það er ekki lagið í þessari færslu sem ég er að tala um. Finnst þetta lag rosalega gott samt. Það var Bittersweet Symphony með The Verve sem gekk í gegnum þetta vesen allt saman. Minnir að þetta hafi verið eina markverða lagið sem þeir gerðu saman. Gott run í stuttan tíma. Hef ekki heyrt um þá í langan tíma.

later

2012-01-12T13:10:00.002Z

Orð dagsins

Orð dagsins í dag er Acetylsalicylic Acid.

Orðið er borið fram "Eistillsalisillik Esid" með US hreim. Íslenski hreimurinn er erfiðari.

Acetylsalicylic Acid heitir öðru nafni Aspirin. Þannig að ef þið vitið um Apótek sem selur Aspirin á Íslandi er um að gera að rölta þangað niður eftir og slá aðeins um sig með nýju lyfjaheitaþekkingunni.

Ekki amalegt orð.

Hvað varð annars um vikuna. Hún bara hvarf.

later

2012-01-11T22:23:00.002Z

Shiii

Góður Mjölnistími að baki. Mega óþægilegur fyrir hálsinn reyndar, en góður. Glíman í lokin skemmtileg, náði að láta gaur submitta tvisvar. Choke og Kímeran. 1-1 á móti Unnari. Var svo hissa að ég trúði því ekki almennilega þegar Unnar var kominn með mig í Kímeruna a.k.a. "brýt á þér höndina ef þú submittar ekki" tak. Mjög smooth. Submit = gefast upp og tappa sig út. Náði inn choke-i á hann á móti á síðustu sekúndu. Sannkallað flautuchoke.

Annars er frekar troðin dagskrá á næstunni

Mán - Mjölnir

Þri - Frí

Mið - Mjölnir

Fim - Fótbolti

Fös - Körfubolti & Mjölnir

Lau - Frí

Sun - Frí

Er svona að meta hvort ég nái að troða 2-3 ræktum þarna inn eða "passa-mig-að-meiðast-ekki-æfingum" því ég er orðinn svo gamall. Þýðir ekki að vera styrktaraðili World Class. Mögulega auka Mjölnisæfingu líka með Unicorn. Svefn og rétt fæði in order.

Geðveik bjartsýni þegar næsta helgi er líklega tvöföld. Þetta er kannski alveg nóg prógramm. Sjáum hvað setur.

later

2012-01-10T17:51:00.001Z

Gamall góður vinur

Synd hvernig fór fyrir Oasis

later

2012-01-09T21:43:00.010Z

2011-2012

Ég get ekki sagt annað en að þessi jól hafi verið hrikalega fín. Fjölskyldan mín öll á landinu og nánast allir útlandavinirnir komu heim.

Díana systir kom frá London, Jói frá Noregi, Jafet frá Svíþjóð, Bjössi frá Danmörku og Jónas frá London.

Ég er ekki alveg í æfingu í langlokubloggunum þessa dagana. Gerum tilraun.

Ég náði að hitta alla þessa vini og systur mína oftar en einu sinni, sem var mjög gaman. Gott að eiga góða vini. Gaman þegar þeir koma í heimsókn til landsins. Gott að eiga góðar systur líka.

Ég, Kiddi og Jónas duttum í óvænt fyllerí á miðvikudegi fyrir jólin. Þegar ég segi óvænt þá meina ég að sjálfsögðu vænt. Gott að rifja upp útlandatíma þar sem fyllerí á virkum degi var normið. Kiddi og Jónas voru náttúrulega fúlskeggjaðir. Rótin mín var eins og hýjungur við hliðiná þessum mönnum. Við fórum á Pub Quiz þar sem þemað var "stelpudót". Við skitum allhressilega upp á bak en fengum þó bjórverðlaun fyrir "besta nafnið". Nafnið var KKKiddi.

Kiddi var spurður upp á sviði "Hvað stendur KK fyrir?". Kiddi sagði "Karlkyns". Vel fokking gert. Ég hefði eflaust stamað upp nokkrum "Uhh" og drifið mig svo á barinn.

Ég fékk nokkrar góðar jólagjafir, Kindle kannski sú helsta. Á þó ennþá eftir að prófa hann. Fékk líka eina rosa fína gjöf en fyrir misskilning, kortið var rangt merkt svo ég mátti ekki eiga hana.

Ég og Jói spiluðum síðan með Jafetsættinni Game of Thrones spilið á milli jóla og nýárs. Jafet, Aron, Róbert og Ari lifa greinilega eftir Fam over bro's reglunni sem gerði spilið erfitt fyrir mig. Jói náði að sigra sem ég var frekar ánægður með, enda notaði ég mína vonlausu stöðu vanalega til að bakka hann upp.

30. des var gifting hjá Ástralíu-Bjössa og Gabbsternatornum. Ég hef aldrei farið í brúðkaup og þetta var alveg geðveikt. Flott athöfn, geggjaður matur, geggjuð atriði og bara massífur dagur og kvöld. Við steggjuðum Bjössa í sumar á eftirminnilegan hátt og Gaui setti saman helvíti skemmtilegt myndband. Þetta brúðkaup fær mig til þess að giftast einhverjum heppnum manni í kyrrþey seinna meir. Svo gott var þetta. Hamingjuóskir til Bjössa og Gabríelu.

Fyndið hvernig merking jólanna breytist upp úr 20 ára. Gjafirnar verða svo mikið aukaatriði þar sem maður getur vanalega keypt sér það sem maður vill dags daglega. Fjölskyldan er málið. Ég var duglegur á myndavélinni og tók lengsta viðtal sem ég hef tekið við ömmu Sjöfn á gamlárskvöld. Snillingur hún amma.

En það er kannski gott að kíkja á 2011 fyrst ég er kominn af stað.

Ég byrjaði 2011 á því að fá mér vinnu í Íslandsbanka og flytja frá fósturfjölskyldunni yfir í Grafarvoginn til Rúnars og Jóhanns Braga. Í ágúst flutti ég síðan í Vesturbæinn með Pálmari og bý þar enn. Í október hætti ég svo í bankanum og fór aftur í Medis.

Í gamla daga þegar ég hætti í sambandi ákvað ég að tjilla aðeins. Aðallega til að setja báða fætur á jörðina og vita hvert ég stefndi. Átta mig betur á því hver ég væri og hvernig ég fúnkera, svona eins klisjulega og það hljómar. Ætli 2011 hafi ekki verið árið þar sem þetta gerðist af alvöru. Breyttar áherslur í einkalífi, gagnvart fjölskyldu og vinum en aðallega gagnvart sjálfum mér. Get ekki kvartað yfir því, held að jörðin sem ég stend á hafi breyst svolítið mikið til hins betra með breyttum hugsunarhætti.

Ég eignaðist nokkra nýja vini á árinu og styrki tengslin við marga núverandi vini líka. Það er ekki leiðinlegt. Ég vil segja að ég hafi prófað nýja hluti, en dettur ekki margt í hug kannski þegar kemur að afþreyingu. Fór í fyrsta "Íslandsferðalagið" mitt síðan ég var krakki með Bogga í Þórsmörk og síðan Val á Vestfirðina í sumar. Þar voru epic móment eins og dauðanóttin á Breiðuvík, sem endaði þannig að við reykspóluðum af planinu um miðja nótt. Tókum mynd af Dynjanda eftir að hafa verið í Jack Bauer sólarhringnum og enduðum í Mýrarboltanum á Ísafirði. Tóti Hauks reddaði mega aðstöðu þar og við vorum 12 nettir saman að djamma og spila leðjubolta alla helgina. Það var alveg fáránlega gaman og einn af hápunktum ársins.

Ég hlustaði mikið af tónlist eins og oft áður. Þau lög sem hafa fengið mesta spilun og fest sig mest í sessi á árinu er líklega eftirfarandi, í engri sérstakri röð.

Rokk

Vicarious - Tool

Þegar ég fæ nýja tölvu þá tek ég alltaf eitt band fyrir sem ég hef ekki hlustað nógu mikið á að mínu mati og hlusta á alla diskana þeirra nokkrum sinnum í gegn. 2006 var það Offspring. Núna voru það Tool og A Perfect Circle. Náðu algjörlega nýrri dýpt hjá mér. Textar, undirspil, frumleiki og söngur allt eins gott og það gerist. Þetta lag finnst mér geðsjúkt, endaparturinn fullnæging fyrir eyrun og textinn ádeila á hugsunarhátt mannsins.

Judith - A Perfect Circle

Þetta er formúlurokk, sem er þó enginn galli fyrir mig. Þetta lag er alveg tryllt. Kannski hart að gagnrýna mömmu sína fyrir að leita til guðs eftir að hafa lamast, en það geta allir haft sína skoðun og sökudólga fyrir því sem gerist.

Hyper Music - Muse

Tók 2 vikna hlustun á Muse í Íslandsbanka með Siggu og Helga Þór vinnufélögum mínum þar. Held ég hafi bara aldrei heyrt þetta lag áður. Virkilega bilað lag. Hef öskrað mig hásann í bílnum oftar en ég get munað. Eitt sessionið endaði með gríðarlegu hóstakasti.

Rapp

Fast Lane - Eminem & Royce da 5'9

Alveg fáránlega gott lag, skiptingarnar klikkaðar og rappararnir world class

Gorgeous - Kanye West feat. Kid Cudi & Raekwon

Örugglega besti rappdiskurinn í langan tíma og ég bara fæ ekki leið á þessu lagi. Kanye kann að bæta upp opinbera skitu með góðri tónlist.

The Woman with the Tattooed hands - Atmosphere

Lag sem ég vissi af áður. En ætli textagreiningin og skilningurinn hafi ekki komið á þessu ári. Sögulag með boðskap sem er alveg hrikalega gott. Alveg topic í 2 tíma umræðu fyrir þá sem sökkva sér í svona hluti.

I used to love H.E.R. - Common

Common að dissa West Coast rappið eiginlega. Segjast hafa elskað hip-hop á meðan það var underground og svona. Fín myndlíking í gegnum lagið.

Dubstep

Still Alive - Mt Eden

Að setja þetta lag og rigningarhljóð undir er sumtin' special. Mæli með því. Mjög róandi. Dubstep er nokkuð ný stefna fyrir mér og ég er að digga þessi frægustu lög alveg þokkalega. Sum þó betur en önnur.

Earthquake - Labrinth feat. Tinie Tempah

Mögulega frægasta lag ársins í þessum flokki. Eflaust mikið spilað í bænum, en ég man að sjálfsögðu aldrei hvað gerist þegar ég vakna daginn. Hef ósjaldan dansað fyrir framan spegilinn að bösta múv við þetta lag. P-Man tekið þátt í því oftar en einu sinni.

Önnur lög

In for the Kill - La Roux

Pían að syngja um það þegar hún skellti tilfinningasprengjunni á gaur sem hún var í fjarsambandi við. Endaði ekki nógu vel fyrir hana, en lagið gerði það hinsvegar. Geðveikt lag. Alveg frekar tregafull rödd, smellpassar við lagið.

Helena Beat - Foster The People

Kiddi henti þessu á mig einhverntímann. Þetta lag er með geðveikt intro og geðveikt outro. Ég viðurkenni að ég er farinn að spóla svolítið yfir þessar 2-3 mínútur sem eru á milli í dag, en það er nýtilkomið.

Pursuit of Happiness - Kid Cudi

Fæ ekki leið á þessu. Viðlagið eiginlega segir frá leitinni endalausu að hamingju. Versin kannski ekki straight to the point, en lagið er bara mjög gott. Þægilegt og auðvelt.

Bohemian Like You - The Dandy Warhols

Über jákvætt lag. Geðveikt skemmtilegt. Aldrei þreytt.

Ég las að sjálfsögðu nokkrar bækur líka. Það er engin spurning um það hvaða bók það er sem stendur uppúr 2011. Það er Ender's Game eftir Orson Scott-Card. Fyrsta Sci-fi bókin sem ég les held ég, held ég hafi líka byrjað á toppnum. Þakka Dabba Stóra fyrir að mæla með henni. Temmilega stutt og bara hreint út sagt frábær.

Í sumar prófaði ég nýja íþrótt, skráði mig í Mjölni. Þar lærði ég Jiu Jitsu, Box og Kick-Box upp að einhverju marki. Svona hlutur sem maður hefur hugsað sér að gera öðru hvoru í mörg ár, en aldrei framkvæmt. Fór síðan í 10km hlaup og var meiddur endalaust eftir það, hrikalega dýrt. En nú er ég búinn að skrá mig aftur í Mjölni og við Unnar ætlum að buffa hvorn annan næstu 2 mánuðina. Verður helvíti gott.

Ég náði annars að vera duglegur í ræktinni líka. Fyrst í 2 mánuði með Bjarka þegar 6 pack veðmálið alræmda stóð yfir. Því miður tókst hvorugum okkar að ljúka því verki. Þegar ég stakk upp á að taka það upp aftur í haust þorði Bjarki ekki. Enda skíthræddur við Formann 4. janúarklúbbsins. Jón Óli eða Jötunn-Jón eins og ég vil kalla hann var duglegur að buffa mig upp eftir að ég byrjaði í Medis, auk þess sem ég fór á Nesið á kvöldin öðru hvoru. Desember reyndar byrjaði með veikindum og ég endaði á því að droppa úr 79kg og aftur niður í 75kg. Bömmer. Það kemur aftur. Vonandi bara í vöðvaformi.

Ég var duglegur að rækta áhugamálin. Ég reyndi nokkrum sinnum að æfa mig á gítar. Núna kann ég Come As You Are alveg með Nirvana, en ég kann bara ekki að skipta nógu vel svo ég get ekki spilað það í gegn. A.T.W.A. með System of A Down kann ég líka, en sama málið með skiptingarnar. Svo kann ég smá í Everlong með Foo Fighers og kunni aðeins í Nothin Else Matters með Metallica áður. Það er múr sem maður þarf að komast yfir sem byrjandi, vonandi dettur það inn áður en ég verð gamall. Ég las bækur, hlustaði á tónlist, spilaði borðspil, dansaði fyrir framan spegilinn, stundaði fjölbreytta hreyfingu og byrjaði að skrifa bók en tók svo langa pásu sem varir ennþá. Svo eyddi ég tíma með vinum, minni en fyrri ár, en meiri tíma með fjölskyldu og sjálfum mér.

Ég hef ekki mikið meira í bili. 2011 átti sína góðu og slæmu tíma en ég er mjög ánægður með það í heild og hvar ég stend í dag. Er á góðum stað til að fara upp á við á næstu ár.

Þakklátur fjölskyldu, brahs og öðrum.

later

2012-01-08T10:30:00.002Z

Dirty magic

In my own simple way
I think she wants me only
She said "Come over right away"
But she's just not that way
Her little soul is stolen
See her put on her brand new face

- Offspring

2012-01-05T14:24:00.002Z

Repugnant is a creature that will squander the ability to lift an eye to heaven conscious of its fleeting time here

http://www.youtube.com/watch?v=TLjrD-oXkhA

Tool - Right in two

2012-01-03T09:27:00.002Z

Pálmar

Nú held ég að 90% reglan verði sett í gang í íbúðinni.

Næstu mánaðarmót munu verða mér ánægjuleg fjárhagslega.

later

2012-01-01T17:28:00.002Z

Þunnur botn

Ég vaknaði á nýársdag klukkan fjögur. Gott kvöld að baki og ég ákvað að rúlla aðeins yfir myndirnar og lumma mig vel upp. Síðan hringdi ég á Dominos og pantaði það sem ég panta alltaf. Pizzu með pepperoni, extra ost og þunnum botn. 10-15 mínútur.

Ég fór á klósettið. Mjög gott sport. Fór út léttur á fæti.

Ég labbaði í rólegheitum á Dominos, sótti pizzuna og tók þá skyndiákvörðun að kaupa 2 lítra Sprite til að fullkomna máltíðina. 2012 verður ár skyndiákvarðanna.

Þegar ég kem heim þá eru flöskur út um allt. Það gekk auðvitað ekki svo að ég tók til í stofunni og eldhúsinu á meðan pizzan beið spennt eftir mér.

Þegar íbúðin var orðin hrein þá kveikti ég á flakkaranum, setti á gamlan South Park þátt og setti mig í stellingar.

Þegar ég opnaði pizza kassann gat ég vart ímyndað mér hvernig ég átti að bregðast við.

Pizzan var ekki þunnbotna. Hún var með venjulegum botn. Mig langaði til þess að fara að gráta.

Venjulegi botninn er svona þrisvar sinnum brauðmeiri en þunni botninn. Þú getur vart fundið bragðið af áleggi og osti útaf brauði. Þegar maður sparar pizzukaup fyrir sérstök tilefni þá hefur maður skýrar kröfur.

Mig langaði skyndilega ekkert í pizzuna. Ég hringdi í Dominos og kvartaði. Núna á ég inni pizzu á Dominos.

Vanalega ætti maður að vera glaður yfir því að fá fría pizzu útaf svona mistökum. Hinsvegar þá voru vonbrigðin slík að fá ranga pizzu á nýársdag að ég er enn að jafna mig.

Ég borðaði 3 sneiðar og sleppti skorpunni. Pizzan uppfyllti enganveginn væntingar.

Vonandi verða hinir 365 dagarnir betri. (Það er hlaupár).

later

2011-12-20T20:24:00.003Z

Að leggja sig..

..getur verið frábært. En maður ætti virkilega að slökkva á símanum á meðan.

Ákvað að leggja mig í 2 tíma. Frá 18.20 - 20.20.

Klukkan 18.38 hringdi Pálmar.

Klukkan 19.31 hringdi mamma.

Klukkan 20.11 hringdi Bjarki.

Shiiiiit hvað þetta virðist alltaf gerast þegar maður ákveður að leggja sig.

later

2011-12-19T22:50:00.003Z

Óskalag

Í fyrsta skipti sem ég hringdi í útvarp og bað um óskalag var ég svona 7 ára. Þá hringdi ég í FM957 og bað um Enter Sandman með Metallica.

Af einhverjum ástæðum áttu þeir það ekki til.

Man ennþá hvað ég var súr. Mögulega er þetta ástæðan fyrir seinni tíma hatri mínu á umræddri útvarpsstöð.

later

2011-12-19T21:35:00.002Z

Klemma

2011-12-16T00:20:00.002Z

Handklæðadrama

Ég lenti í alveg ótrúlegu atviki í sundi í kvöld. Þetta gerðist í Laugardalslauginni og ég er alvarlega að íhuga hvort ég eigi að sleppa þeirri sundlaug alfarið í framtíðinni.

Þannig er mál með vexti að eftir góðan fimmtudagsbolta þar sem mitt lið var krýnt Jólameistari 2011 fórum við Hörður í sund. Við fórum að tefla í heita pottinum í mestu makindum. Hörður mátaði mig á hreint út sagt frábæran hátt í fyrri skákinni eftir að ég hafði komið mér í töluvert sterkari stöðu. Ég tók hann síðan örugglega í næstu skák. Svo var klukkan orðin 10 og við náðum ekki að klára næstu skák.

Við röltum því í sturtuklefann þar sem hlutirnir fóru að gerast. Við vorum bara að spjalla í góðu tjilli þegar ekkert gerðist. Það sem gerðist gerðist eftir sturturnar. Við fórum að handklæðastandinum og Hörður byrjaði að þurrka sér með sínu handklæði. Ég fór að leita að mínu handklæði. Fann það ekki. Sá síðan handklæði í sama lit sem var eftir í standinum.

Það voru nokkrir í sturtunum svo að við biðum rólegir og ræddum um það hvort fólk komi í þeim tilgangi í sund, án handklæðis, til þess að græða handklæði. Einnig ræddum við um hvar á siðferðisskalanum maður þyrfti að vera til þess að stela handklæði ef maður hefði gleymt sínu eigin heima.

Síðan kom að því. Síðasti maðurinn labbaði í slow motion úr sturtunni. Öllum að óvörum þá teygði hann sig ofan í töskuna sína og tók upp riffil. Hann leit í kringum sig og...

Nei grín. Hann tók handklæði upp úr töskunni sinni. Það var viss léttir því þá var ég allavega með sárabótahandklæði.

Síðan þegar ég tók handklæðið úr hillunni þá komst ég að því að þetta var mitt eigið handklæði.

Magnað.

later

2011-12-06T02:43:00.004Z

Hvers vegna

Hvers vegna er viðbjóðslega kalt og dimmt úti þessa dagana?

Hvers vegna er sorpmiðill eins og DV til á Íslandi?

Hvers vegna heyrist hátíðnihljóð í ofninum í herberginu?

Hvers vegna get ég ekki sofið á bakinu?

Hvers vegna lagði ég mig í 2 klukkutíma í kvöld?

Hvers vegna er ég borðandi þurrt brauð eins og Pálmar?

Þetta eru allt spurningar sem eiga sér væntanlega eðlileg svör.

Það er kalt og dimmt um vetur, tengist eitthvað snúningi jarðar og fjarlægð frá sólu, blablabla. Ég sakna Ástralíu á svona stundum. Bjart á daginn óháð árstíð og heitt þrjár af fjórum árstíðum.

Fólki líður betur þegar það les um ófarir annarra þó enginn viðurkenni það opinberlega, þvert á móti þykist fólk sem virðist einmitt lifa og hrærast allra mest í slúðri vanalega vera svo hreint að innan að það kasti aldrei fyrsta steininum. Svo auðvitað talar það smá illa um fólk sem það þekkir sem slúðrar til þess að sanna mál sitt. Til þess er leikurinn gerður. Það er til orð sem nær utan um þessa hegðun. Hræsni. Ég fæ alltaf mynd af hænu upp í hausinn þegar ég sé orðið hræsni. Hljómsveitin Tool gerði lag um þessa áráttu fólks sem heitir Vicarious. Besta lagið þeirra að mínu mati og boðskapurinn í textanum er einmitt sá að fólk kunni ekki einungis að meta ófarir annarra og lifi þannig í gegnum aðra en sjálfa sig, heldur þurfi það á því að halda.

Hátíðnihljóðið kemur vegna þess að ofninn er á einhverjum skelfilegum miðpunkti á milli þess að standa í stað og að hitna. Ofninn heldur herberginu þó heitu svo ég og hann lifum í sátt og samlyndi.

Ekki alveg viss með baksofið, líklega orðinn vanafastur magasofari. Nema mér sé illa við að stara upp í loftið. Þegar ég hugsa um það þá finnst mér það skrýtið að efsti parturinn í herberginu sé kallað loft. Loft er það sem við öndum að okkur. Í ensku er sér orð fyrir þetta fyrirbæri. Ceiling. Við gætum alveg eins horft áfram í loftið eða niður í loftið. Það er loft nokkurnveginn allsstaðar á jörðinni. Þetta ætti að vera kallað herbergisþak eða eitthvað álíka. Toppveggur. Efrihæðargólf. Þetta veldur mér streitu úr tveimur mismunandi áttum sem báðar toga mig til sín. Togstreita. Þarna var ég aðeins að teygja lopann.

Ég lagði mig því ég var þreyttur eftir að hafa innbyrt 6 gómsæt ristuð brauð með smjöri og bönunum. Sem að mínu mati skorar hrikalega hátt á Gómsætt/Einfalt skalanum. Sem er skali sem tekur tillit til þess hversu gómsætur matur er miðað við hversu einfalt er að búa hann til. Það er líka ódýr réttur. Einnig svaf ég lítið og illa í gærnótt. Það er ekki tekið út með sældinni að aðlaga sig að hversdagslífi eftir flensu.

Ég er að endingu borðandi þurrt brauð því ég er svangur og nenni ekki að hafa fyrir neinum flottheitum. Pálmar hefur mögulega smitað mig að einhverju leyti af sínum munkalífsstíl í þurru brauðáti þar sem ég er byrjaður að kunna að meta þurrt brauð. Það er hægt að matreiða það á fleiri vegu en að borða það beint úr pakkanum. Ég smakkaði frosið þurrt brauð með honum og það var algjörlega nýr vinkill á þurrt brauð fyrir mér. Svalandi ferskt. Fyrir fólk sem vill passa línurnar er líka hægt að rista brauðið áður en því er troðið í grímuna. Það er þó að mínu mati versta leiðin til þess að njóta þurrs brauðs.

Nú er ég búinn að svara mínum eigin spurningalista. Það er óvenju afslappandi að skrifa hérna inn þegar síðan er farin út af radar lesenda. Held ég vippi mér yfir í það að skrifa um mína innstu leyndardóma bráðum.

later

2011-12-03T05:03:00.002Z

Djöfull

Klukkan er 5 um nótt. Ég er búinn að vera að reyna að sofna en hefur ekki tekist það. Í of langan tíma hef ég verið að velta því fyrir mér hvað ég myndi gera ef ég myndi vinna í lottó. Þetta er líklega versta "Hvað ef ég myndi vinna í lottó" tilfelli sem ég hef lent í um nokkurt skeið.

Í ljósi þess ákvað ég að gúgla "lottery tragedies" og sjá hvað kæmi upp. Það kom ýmislegt upp. Þar á meðal topp tíu listi sem einhver hafði sett saman af mislukkuðum lottósigurvegurum. Hann er hér.

Fyrsta sætið á þessum lista er frekar hart. $315 milljónir. Rétt rúmir 37 milljarðar íslenskra króna í dag. Ég sé að maður er greinilega ekki að hugsa nógu stórt að velta því fyrir sér hvernig maður ætti að ráðstafa lottóvinningum á bilinu 20-1000 milljónir. Maður gæti gefið 100 nánustu fjölskyldumeðlimum og vinum 200 milljónir á kjaft og samt átt 17 jarða eftir fyrir sjálfan sig í svona stórum. Það myndi kalla á 1-2 vikna launalaust frí í vinnunni yfir jólin. Partý!

Annars þá rakst ég á aðra góða lottósögu. Einhver 86 ára gömul kelling frá Kanada var búin að kaupa lottómiða með ákveðnum tölum. Síðan dreymdi hana tölurnar, lottóvinning og stóra ávísun. Daginn eftir fór hún og keypti sér annan lottómiða með nákvæmlega sömu tölum. Svo líða 2 dagar. BÚMM. Vinnur í lottói. Síðan var önnur manneskja sem var með allar tölurnar réttar svo að gjémla hirðir 2/3 af pottinum, $16 millur af $24 millum. Klók.

Væntanlega vel pirrandi fyrir hinn sigurvegarann að sjá einhverja eldgamla kellingu sem lifir eflaust ekki út árið, sem ofan á það er auðsjáanlega geðveik fyrst hún kaupir 2 miða með sömu tölum, hrifsa af þér 4 milljónir dollara útaf draumi.

En eflaust gaman að vinna 8 milljónir dollara samt. Smá salt í grautinn.

Lokalottósagan er af 73 ára gömlum manni. Hann var nýbúinn að staðfesta sigurmiðann sinn í búðinni "á horninu" og var að rölta þessa 200 metra heim til sín þegar pallbíll keyrir á hann fyrir slysni. Sá gamli var ekkert að tvínóna við hlutina og dó stuttu síðar á spítalanum. Leiðindi.

Það er greinilega ekki alltaf tekið út með sældinni að vinna í lottó.

later

2011-12-02T19:10:00.004Z

Bíladella

Ég stóð við gluggann heima og horfði á snævi þakta jörðina. Mér varð litið á bílinn minn á bílaplaninu. Hulinn snjó og ónotaður. Mér fannst ég heyra hann kalla til mín "Óli, Óli"

"Ha" sagði ég "Ertu að kalla á mig skrjóður?"

"Keyrðu mig Óli, keyrðu mig. Það er svo kalt. P.s. hvern ertu að kalla skrjóð gjémli?"

Þetta er aðlögunarhæfni við erfiðar aðstæður.

Mögulega gerðist þetta þegar ég var sofandi og mig var að dreyma. En þetta var tvímælalaust það markverðasta sem gerðist hjá mér í dag.

later

2011-12-01T18:32:00.004Z

Vangaveltur veiks manns

Hver er tilgangur lífsins?

Hver notar rassvasa á gallabuxum?

Afhverju er gull verðmætara heldur en matur?

Hvernig á maður eiginlega að túlka endann á Donnie Darko?

Veikur maður með vangaveltur

Ég er að carb-loada eins og vöðvafjöllin kalla það í dag. Borðaði fyrstu máltíðina klukkan 16 og er með hágæða kolvetnisblöndu í Haribo Mix poka hliðiná mér núna.

Afhverju er svona mikið af froskum og eggjum í Haribo Mix pokum? Það eru miklu fleiri hvít nömm heldur en til dæmis kirsuber. Kirsuberin eru best. Þetta finnst mér vera gild vangavelta. Ég sé ekki fyrir mér að hvíta nammið sé eitthvað ódýrara í framleiðslu heldur en kirsuberin.

Ég horfði á The Girl With the Dragon Tattoo áðan. Fyrstu myndina byggð á bókunum eftir Stieg Larsson. Myndin var 2 og hálfur tími, sem er frekar nice. Svo var hún bara þrusugóð. Núna kemur Hollywood útgáfa af myndinni bráðum með Daniel Craig í aðalhlutverki. Mun hann verða jafn harður og í James Bond eða temmilega soft gaur eins og Mikael Blomkvist í bókunum? Þetta finnst mér líka áhugaverð vangavelta. Það á örugglega eftir að stytta myndina of mikið og hafa Craig of harðan. Það held ég.

Í svona online fantasy leikjum sem tengjast íþróttum er vanalega svona "Watch list" þar sem maður getur fylgst með mönnum sem maður er að íhuga að setja í liðið sitt. Ætli Facebook sé búið að íhuga að bjóða upp á "Stalk list"? Ég veit að vinur minn myndi örugglega nota hann til að halda utan um skotmörkin sín.

Ég átti áhugaverða lottóumræðu um daginn. Næst þegar einhver sem ég þekki kaupir lottómiða er ég að hugsa um að kaupa mér líka lottómiða. En ég ætla að skoða lottómiðann hjá vini mínum og velja nákvæmlega sömu tölur og hann. Sýna honum síðan miðann og sjá hvernig hann bregst við. Yrði maður fúll?

Ætli ég verði orðinn hress fyrir helgina og mun ég verða veikur fram á mánudag? Að vera veikur fram á mánudag er svipað gott tilfelli og komandi jól fyrir vinnandi fólk.

Vangaveltum dagsins er lokið.

later

2011-11-27T02:13:00.005Z

Kæra dagbók

Ákvað að skrifa strax aftur í þig því ég var að fá góða hugmynd. Hún er...

PÁLMAR TRÉ Í X-MEN!!!!

Það meikar fullkominn sens. Tréð hann Pálmar hefur í raun yfirnáttúrulega hæfileika. Hann getur átt samskipti við tré og alla hluti sem gerðir eru úr tré, hann getur hlaupið á hraða trésins og safnað berki ef hann þrífur sig ekki í langan tíma í einu.

Fólk hefur velt því fyrir sér hvers vegna hann er góður að gera spilagaldra. Þetta er svarið. Hann notar bara spilastokka sem eru gerðir úr tré. Ef einhver reynir að afhenda honum plastspilastokk þá er hann ekki í stuði til þess að gera galdra. Hann er samt búinn að láta mig lofa sér að segja engum þetta svo ég stend við það.

Ég man alltaf eftir því þegar við horfðum saman á Lord of the Rings og vondu kallarnir voru búnir að höggva niður og brenna skóginn. Þá grét hann og mér fannst það svo einkennilegur tímapunktur. En núna þegar ég veit að hann er tré þá skil ég að hann hefur fundið mikla samúð með Ent trjánum sem sáu bræður sína fallna í valinn.

Ég er ekki alveg búinn að útfæra hlutverk hans í X-men því hvorki hann né tré hafa neina mikla hæfileika sem nýtast í baráttunni við vonda liðið. Hann gæti líka verið illt tré en eiginleikarnir eru eiginlega jafn gagnslausir þar. Spurning hvort hann gæti verið trébekkur sem væri hægt að sitja á þegar er verið að íhuga strategíur í stríðinu. Eða breytt sér í blað og blýant þegar einhver fær góða hugmynd sem má ekki gleymast. Svona eins og hugmyndin um að bæta trénu í X-men hópinn. Síðan ef hinir stökkbreyttu gaurarnir fengju leið á honum þá gætu þeir notað hann sem eldivið til að halda á sér hita á ferðalögum.

Það eru eiginlega endalausir möguleikar þó þeir séu kannski ekki að fara að skipta sköpum í því hver endar ofan á í góða og slæma liðinu í X-men. Mögulega gæti hann breytt sér stíflu í á eða stóran trjádrumb í hurð til þess að hindra að einhver kæmist í gegn. Svo ef hann myndi eignast kærustu þá gæti hún fengið X-Men nafnið Tree hugger.

Held að ég vinni betur með þessa hugmynd og sjái hvert það leiðir.

later

2011-11-26T23:35:00.008Z

Kæra dagbók

Ég er að tjilla með Pálmar trénu í stofunni.

Blár er uppáhaldsliturinn minn.

Ég og tréð erum að fara að horfa á X-men.

Ég var að hoppa í rúminu hans áðan til að ögra honum. Mér sýnist ég hafa mikla yfirburðastöðu hér í íbúðinni þó svo að hann sé núverandi húsmeistari í Mortal Kombat.

Pálmar spurði hvort hann mætti opna Nóa Kroppið sem var afgangs af deildarhittingnum í gær. Ég sagði já þannig að við erum að fara að detta í smá nammiát. Það er fínt að fá sér smá nammi stundum.

X-men byrjar vel. Charles Xavier er að hitta Raven, bláa stelpu sem þóttist vera mamma hans. Sýnist myndin vera soldið out of sync sem er alveg frekar lame. Pálmar er ekki búinn að sjá það ennþá, en ég held það sé alveg bókað mál að hún sé out of sync.

Gaur að smjatta í myndinni. What's up með smjatt. Foreldrar mínir kenndu mér að borða með lokaðan munn.

Er ekki frá því að maður sé bara smá þunnur. Hættu að lesa af skjánum mínum Pálmar tré.

Talið í myndinni er í sync. Gott stuff.

Það er svo mega heit gella í myndinni núna. Ætla að imdba hana. Rose Byrna. Frá Sydney og allt. Til í hana. Líka í þessa January Jones. Býst við hörkumynd.

Þegar Pálmar sofnar yfir myndinni á eftir þá mun ég cockslappa hann. No homo samt.

Var að segja viðnum (trénu) áðan hvað Game væri pirrandi á facebook. Skrifar svona 70 statusa á mínútu. Þegar ég sýndi honum random status sá ég mjög fyndið comment frá einhverjum gaur.

Geðveikasta bjórdrykkjuatriði í heimi í gangi í myndinni núna. Ok, þetta atriði var alveg mega svalt. Magneto in the house.

Ég stóð upp og stóð fyrir sjónvarpinu svo Pálmar tréð sæi ekki myndina. Ég var að ögra honum en hann sýndi engin viðbrögð nema að hann gaf mér einhvern svip.

Það var ný gella að bætast við myndina sem er alveg megasega heit. Ofansjávar bátur var að breytast í neðansjávarbát.

Vá hvað January Jones er heit. Hún er að fara að slást í hópinn með Kate Beckinsale.

Ég var að ögra Pálmar A4 blaðinu aftur með því að setja höndina á mér fyrir augun á honum svo hann sá ekki myndina.

Ný gella að koma í myndina. Zoe Kravitz. Dóttir Lenny Kravitz. Gott eintak. Hrikalega fín mynd.

Ég er fæddur í January og myndi fylla á mjólkurglasið hennar hvenær sem er

Pálmar er að berjast við að sofna ekki því hann las það sem ég var búinn að skrifa áðan. Þetta er tapandi barátta hjá honum samt sem áður.

Pálmar er sofnaður. Vaknaður aftur. Ætli annarhvor okkar þurfi ekki að leita sér að nýju húsnæði.

Ok það er alveg fáránlega svalt atriði í gangi núna í myndinni. Ikea stóllinn var sofandi en ég vakti hann. Held ég vilji horfa á restina af þessum myndum í framhaldinu. Já staðfest. Frekar geðveik mynd.

later

2011-11-09T22:36:00.009Z

Hvenær er maður orðinn fullorðinn?

Ég var hjá ömmu og afa áðan. Kíkti í óvænta heimsókn og fékk fisk og konfektkassa að launum. Ég og Adrian lentum í óvæntum samræðum um pólitík, evrópusambandið, hitnun jarðar, ísaldir og enduðum á því að horfa á einhverja dansmynd sem heitir held ég Honey 2. Hlutur sem hvarflaði eiginlega ekki að mér að myndi gerast.

Adrian er semsagt frændi minn, við erum systkinabörn. Hann er misþroska eins og litli bróðir hans, sem heitir Róbert, og hefur verið hjá ömmu og afa núna í nokkuð mörg ár, fór í FG á sérdeild, æfði sund og er búinn að vera á verðlaunapöllum á nánast hverju móti, kominn með bílpróf, var með vinnu í ávaxtabílnum og kominn með ábyrgð, opnaði og lokaði bílnum, en missti því miður vinnuna þegar allt starfsfólkið var látið fara. Mig grunaði seint að hann næði því hugsunarstigi sem hann er á núna þegar hann var yngri, ekki með á nótunum og stamaði í hverju orði. Get ekki annað sagt en að ég sé hrikalega stoltur af honum.

Adrian til hægri að taka við viðurkenningu frá Stjörnunni í Garðabæ

Ég man eftir því fyrir 13 og hálfu ári í fermingunni minni að hann labbaði á milli borða þegar fermingunni var að ljúka og var að hjálpa starfsfólkinu að ganga frá. Hann var að smala saman glösum og ákvað að drekka restina af gosinu í öllum glösunum sem hann sótti. Þangað til auðvitað að amma sagði honum stórhneyksluð að hætta þessu á stundinni. Hann er 3 árum yngri en ég og hefur braggast vel.

Það er langt síðan ég skrifaði hérna inn, stundum þarf maður bara að taka pásu. Það er margt búið að vera í gangi. Gott og slæmt eins og gengur og gerist. Síðan í sumar er ég búinn að breyta ýmsu í lífinu. Ég er fluttur frá meisturunum Rúnari og Jóa yfir í Vesturbæinn þar sem við Pálmar leigjum saman íbúðina sem Jafet var að leigja áður. Jafet er farinn til Svíþjóðar í 3 ára nám, hans er sárt saknað að sjálfsögðu. Jói er búinn að koma og fara, tvisvar, Jónas og Bjössi líka og Gísli Glæpur er nýkominn aftur heim með svarta beltið í Mortal Kombat.

Ég, Jói, Jafet og Pálmar í kveðjupartýinu hans Jafets

Ég er hættur í Íslandsbanka og kominn aftur í Medis. Sem ég verð að viðurkenna að ég er alveg að fíla í ræmur. Vinnan er hrikalega skemmtileg, ég þekki vel flesta þar fyrir auk þess sem góðir karakterar eru búnir að bætast í hópinn. Maður á vini í deildinni og þetta lofar góðu upp á framtíðina.

Ég fór á byrjendanámskeið Mjölnis í sumar með Árna Þór vini mínum úr Íslandsbanka. Það leið eiginlega ekki sá dagur sem við vorum ekki að buffa gaura til þess að vinna réttinn á píunum þeirra. Þetta er harður heimur, ekki hægt að segja annað. Fyrir aðra en okkur Árna.

Ég að reyna að taka Árna í gegn

Ég að furða mig á því hvað ég gerði rangt

Ég tók þátt í mínu fyrsta hlaupi síðan ég fór í 3 kílómetra skemmtiskokkið sem krakki. Ég fór varlega í þetta, 10 kílómetra. Hinsvegar spilaði eflaust sú staðreynd inn að ég hafði ekki hlaupið í 3 mánuði fyrir hlaupið, auk þess að ég var í innanhússfótboltaskóm sem voru orðnir of litlir á mig. Ég lenti í hyldýpi fótameiðsla sem ég er að ná mér upp úr fyrst núna. Ég lærði þrennt af þessu.

1. Hlaup eru fyrir fólk sem á hlaupaskó

2. Gott er að undirbúa sig undir hlaup

3. Það er vont að nudda sjálfan sig með korkrúllu

Var frekar ánægður beint eftir hlaupið

Held ég slaki á í hlaupum sem tengjast ekki eltingarleik á eftir fót- eða körfubolta næstu árin.

Um Verzlunarmannahelgina fór gríðarlega góður hópur saman á Ísafjörð í Mýrarboltann. Tóti Hauks, Jói Örn, Svavar Melberg, Valur, Unnar, Nonni, Vignir Ísberg, Kiddi Kosby, Markus, Pontus, Baldur Finns og ég sjálfur. Við skráðum okkur sem Bjarnabófana og gekk bara ekki svo illa. Töpuðum fyrsta leiknum í 3 metra djúpri drullu, gerðum jafntefli í næsta og unnum síðan síðasta.

Ég var þeirrar lukku aðnjótandi að setja einu 2 mörkin sem Bjarnabófarnir skoruðu. Ég var svo uppveðraður eftir fyrsta markið að ég fokkaði öllum áhorfendum þar til ég sá að ég var að senda fjölskyldu með unga krakka puttann.

Skref 1: Koma sér í stöðu og bíða eftir glufu í markinu

Setja hann framhjá markmanninum

Fagna eins og enginn sé morgundagurinn

Þessi verslunarmannahelgi var hrikalega góð og á í raun skilið sína eigin umfjöllun. Ég ætla því ekki að fara nánar út í hana eins og er, en það má þó nefna að við Valur reykspóluðum á planinu hjá Breiðuvík eftir eina verstu nótt lífs okkar, ég og Markus spiluðum tippatennis og gistiheimilið var einn besti tjill og djammstaður sem ég hef kynnst.

Ég og Valur í góðu tjilli í heitri laug

Var alveg frekar smeykur þarna uppi, ein vindkviða og 'att bú'

(Sérðu litla punktinn á bjarginu?)

Valur, Látrabjarg og lundarnir

Gistiaðstaðan sem Tóti reddaði var einstaklega hentug fyrir okkar tilgang

Bjarnabófarnir a.k.a. Beagle Seagul like a boss

Ég, Pontus, Baldur, Tóti, Valur

Unnar, Jói, Markus, Kiddi, Vignir

Svavar, Nonni

Það er margt og meira sem ég get rifjað upp og sagt frá síðan ég skrifaði hérna inn síðast. Ég hef byrjað að hlusta mikið á Tool og A Perfect Circle, sem ég vissi af áður svosem, en komst eiginlega að því að textalega séð er þetta að verða mitt uppáhaldsrokk. Ég fílaði nýju Tinnamyndina í botn. Íris litla systir er með geggjað flotta klippingu. Íris litla systir veit örugglega að verða meira um kvikmyndir en ég, allavega miklu miklu meira um hrollvekjur. Ég spilaði Mortal Kombat í fyrsta skipti og er bara nokkuð fær í honum í dag. Ég tapaði fyrstu NHL leikjunum mínum á Íslandi. Ég byrjaði að skrifa bók. Skrifaði svo ekkert í 2 mánuði og gleymdi henni þar til núna. Gulli er friðsælasti gaur í Risk sem ég þekki. Valur er ófriðsælasti gaur í Risk sem ég þekki. Pálmar vill alltaf sömu heimsálfur og ég í Risk. Kiddi er lengst að gera af þeim sem ég þekki í Risk. Ég eyði of miklum tíma á Facebook. Ég er búinn að eignast nokkra vini. Vinir orðnir betri vinir. Unnar er mjög góður vængmaður. Bjössi hefur verið steggjaður á mjög góðan hátt. Ég er búinn að fá mér Mac og fíla hann mjög vel. Ender's Game er hrikalega góð bók. Ég er orðinn hálf-fastagestur í Vesturbæjarlauginni. Hvorki ég né Bjarki erum með sixpack. Ummálið á bicepnum á Jón Óla eru 44 cm.

Svo áttaði ég mig á því að ef maður fer að sofa fyrir miðnætti verður maður frekar ferskur daginn eftir.

later

2011-07-02T19:04:00.001Z

Þórsmörk

Þá er komið að því að segja frá síðustu helgi. Þetta byrjaði allt þannig að Boggi talaði við mig á Facebook og spurði hvort ég vildi ekki kíkja með honum að "trússa" í Þórsmörk fyrir Boot Camp hóp sem var að fara að labba yfir Fimmvörðuhálsinn. Að trússa þýðir að keyra með hópnum, hitta hann á leiðinni og gefa honum smá næringu og taka bugaða eða slasaða einstaklinga tilbaka á bílnum. Eftir að hafa hugsað um þetta í gegnum vinnudaginn ákvað ég að slá til.

Ég kíkti því við heima hjá fjölskyldunni eftir vinnu og sótti svefnpoka, tjald og dýnur. Síðan hitti ég Bogga og restina af skipulagscrewinu í Bónus í Árbænum. Það var í Bónus sem ég fékk gælunafnið mitt í ferðinni. Pokastrákurinn.

Við afgreiðslukassann var verið að afgreiða hópinn þegar ég mætti með 3 bónuspoka og byrjaði að raða ofan í þá. Þá horfir Sveinbjörn, skipuleggjandi ferðarinnar, á mig væntanlega hugsandi"Hver í andskotanum er þetta og afhverju er hann að raða matnum MÍNUM í poka??". Þegar ég tók eftir því að hann hafði verið frosinn í svona fimm sekúndur að stara á mig sagði ég "Hæ, ég heiti Óli", tók í höndina á honum og hélt áfram að raða. Eftir það var ég kallaður Pokastrákurinn.

Við lögðum af stað í útkeyrsluna (út úr bænum) um 7 og það má margt segja um ferðina í Þórsmörk. Það má líka segja fátt. En í aðalatriðum þá vorum við Boggi saman í bílnum sem kemur kannski spánskt fyrir sjónir þar sem að við erum miklar andstæður. Hann er leiðinlegur, ég er skemmtilegur. Hann er heimskur, ég er klár. Ég er fallegur og hann er ljótur (vöntun á sterkara íslensku orði til að gera andlitinu á honum skil). En við erum hinsvegar fósturbræður og skemmtum okkur vel saman þó hvorugur okkar viðurkenni það í hópi fólks.

Ég varð hrikalega pirraður á Pringles kassanum sem var alltaf að renna á mig

Boggi níðingslegur

Þjóðvegur 1

Vestmannaeyjar eru ekki fyrir utan vestanvert Ísland heldur sunnanvert

Við vorum óvenju lengi á leiðinni í Þórsmörk þar sem að Eyþór, frændi hans Bogga, var keyrandi á bílnum sem Stebbi gamli ljóti fósturpabbi keypti á kjaraprís um daginn. Bíllinn var nefnilega alltaf að rekast undir og þá stoppaði bílalestin reglulega á leiðinni inn í Þórsmörk. Hvort bíllinn hafi ekki höndlað að vera pakkaður af drasli með níðþunga kerru eða að það hafi verið vankunnátta Eyþórs í akstri veit ég ekki. En ég veit að það er allavega frekar leiðinlegt ef Eyþór, forfallinn bíladellukall eins og restin af fjölskyldunni, kann ekki að keyra. Þá er hann bara eins og ég. Ég keyri hratt og stoppa hratt. Vanalega á öðrum bílum, ljósastaurum eða heimilisdýrum.

Eyþór að útskýra fyrir Sveinbirni að kerran sé vandamálið

Þegar við loksins mættum á svæðið var klukkan eflaust orðin rúmlega ellefu. En það gerði ekkert til. Við vorum öll æst í að tæma bílana, grilla, setja upp sameiginlegu partýtjöldin og tjalda okkar tjöldum. Djöfull var það gaman.

Bílalestin

Það var logn og blíða á leiðinni

Ástu var kalt og Boggi var ljótur

Fyrir neðan þennan skriðjökul var einu sinni lón sem ég fór með Peter Dahlke að. Hann datt smá út í það en lifði af.

Við komum að hörðum jeppaárekstri. Það þarf að fara að breikka vegina í Þórsmörk.

Byrjað að setja upp partýtjöldin

Þarna gáfumst við upp og hættum að setja þau upp

Eyþór langaði í salati hennar Elfu en mátti ekki fá

Við fórum að sofa á bilinu 2.30-3.00 um nóttina í grænni lautu þar sem ég geymi hringinn. Ég vaknaði síðan klukkan 6 vegna þess að ég tók gríðarlegt ofmat og fór að sofa ber að ofan með svefnpokann hálfan yfir mig. Djöfull var mér kalt. Setti á mig húfu og lá í makindum í klukkutíma í viðbót þegar fólk fór að gera sig reiðubúið til brottfarar.

Eyþór var að hugsa mjög sniðugt þarna

Ég var að hugsa mjög dónalegt þarna

Boggi að sjúga loftið úr dýnunni

Frændurnir að hugsa um góðan stað til að skilja mig eftir á hálendinu

Klukkan hálf átta lögðum við af stað og hittum Boot Camp hópinn í Skógum. Á leiðinni þangað hringdi félagi hans Bogga í hann og sagði honum svolítið fyndið.

Ég var að sjálfsögðu ekki fyrsti kosturinn hjá Bogga sem ferðafélagi í þessa ferð. Ég er einn af tveimur aðilum sem Boggi lítur ranglega á sem vini þannig að þegar vinur númer eitt hætti við að koma með þá talaði Boggi við mig. En vinur númer eitt var búinn að tala um að koma með Bogga í þessa ferð síðan í febrúar og var mjög spenntur fyrir henni. Síðan þegar kom að því að fara þá sagðist hann nauðsynlega verða að beila þar sem að hann vildi hitta stelpu í bænum þessa helgi. Hann hringir síðan í Bogga á laugardeginum og segir að hann hafi talað við stelpuna kvöldið áður og séð hvort hann fengi ekki hitting. Hún sagði honum þá að hún þyrfti að fara snemma að sofa vegna þess að hún ætlaði að fara í ferð Boot Camp yfir Fimmvörðuháls daginn eftir. Við hlógum.

Boggi segir við hann að hann megi endilega keyra bara upp að Þórsmerkurafleggjaranum og að við getum pikkað hann upp þar. Hann hugsar málið í fimm mínútur, hringir tilbaka og segir"Heyrðu Boggi, ég ætla að þiggja þetta boð hjá þér. Nennirðu í alvöru að koma að sækja mig í Reykjavík?". Við hlógum. Vinur Bogga númer eitt kom ekki með í ferðina.

Síðan hlógum við meira, fórum inn í rúturnar hjá Boot Camp fólkinu, létum tölvu með prófílnum af vin hans Bogga flakka og sögðum þessa sögu í kallkerfinu og allir hlógu í sameiningu.

Nei ok, við gerðum það ekki. En það fengu samt fleiri en við að njóta þessarar sögu.

Helga og Brynjar hlógu af sögunni

Þegar við mættum í Skóga heimtaði ég að sjálfsögðu að við myndum fara upp að Skógarfoss og taka nokkrar myndir fyrst við vorum á svæðinu.

"Ég hef sko séð miklu stærri fossa, hohoho"

Double FUCK YOU!

Svona ef þið náðuð ekki skilaboðunum

Eftir myndatökuna við fossin þá var farið að rigna. Ég og Eyþór fórum í leik við Bogga sem heitir"Tveir inni í læstum bíl og einn úti í rigningunni".

Boggi fékk versta hlutverkið

Þegar við vorum búnir að spila leikinn í svona 20 mínútur þá byrjaði fólk að fara að gera sig klárt í brottför. 24 kílómetrar yfir jökla og hálendi fyrir boot campara og 14 kílómetrar yfir fjallavegi, ár, jökla, snjóbrekkur og fjöll fyrir mig, Bogga og Eyþór.

Boot Camparar ánægðir með rigninguna

Man ómögulega eftir nöfnunum, þrátt fyrir 2-3 kynningar, en þau eru nett

Breki, hundurinn þeirra, hljóp fram og tilbaka alla þessa 24 kílómetra

Elfa og Gunnar hlógu bara að 24 kílómetrunum

Sveinbjörn hoppaði jafnfætis upp á þakið og hélt þrumandi ræðu sem bergmálaði frá fjöllunum

Jeppakallarnir til í slaginn

Það kom í fréttunum um daginn að aðalbóndinn á Skógum hafði sett læst hlið fyrir veginn sem liggur upp á fimmvörðuháls. Það fór svo í taugarnar á honum að fólk væri að keyra í gegnum bæinn hans til þess að skoða eldgosið fyrir tveimur árum. Við vorum búnir að fá leyfi í gegnum síma að komast í gegnum hliðið. Aðalvandamálið var því að finna bóndann, því hann svaraði ekki þegar við mættum og enginn vissi hvar hann var. Eftir að hafa ruðst inn á nágrannana og fengið bæði heimasímanúmer og gsm númer náðum við að lokum á bóndann og fengum að opna hliðið. Það var hinsvegar bara einn lykill og við þurftum að skila honum um leið og við fórum í gegnum hliðið.

Boggi: Ok, þið verðið þá pottþétt heima í dag þegar við komum tilbaka er það ekki?

Bóndinn: Jaa, jú, við verðum nú örugglega á svæðinu hohoho

Boggi: Það er ekkert "örugglega". Fjandinn hafi það að ég ætli að vera fastur hinum megin við girðinguna í allt kvöld

Bóndinn: Já þú segir nokkuð

Vondi bóndinn ákvað þá að setja lykilinn á leynistað sem eingöngu hann og Boggi vissu um. Það að nenna að standa í þessu er frekar ótrúlegt. Það hlýtur að vera frekar atburðalítið að lifa svona í sveitinni. Það má þó segja um vonda bóndann að hann hefur gríðarleg völd útaf þessu athæfi sínu. Kannski ekki nauðsynlegt að minnast á það að hann er nú þegar búinn að fá á sig kæru fyrir þetta athæfi, enda á maðurinn ekkert í fjalllendinu eða veginum sem liggur þar um.

Það er hægt að segja að vegurinn sem liggur um fjalllendið geti tæplega kallast vegur. Þetta var meira eins og slóði með stórgrýti, snjó og ám sem jafnvel Subaru Impreza ofurbíllinn minn gæti ekki keyrt yfir. Land Rover bílarnir hjá Bogga og Eyþór voru sífellt að ofhitna þar sem við höfðum meðvind sem kældi þá ekkert og átökin á veginum voru mikil.

Boggi hrapaði fram af klett

Mér var alveg sama

Bílavesen

Mongarnir að skoða ánna

Þar sem bílarnir voru vel hlaðnir af vítamín vatni, hafrakökum og auka farangri þá var meira en að segja það að komast yfir og við enduðum á því að skilja bílinn sem Eyþór var á eftir öðru megin við djúpa og grýtta á.

Eyþór fékk alveg fáránlega gott sæti í bílnum okkar

Eftir ánna þá byrjaði snjórinn að sýna sig. Þar sem bíllinn hans Bogga var á lélegum sumardekkjum vorum við Eyþór að miklu leyti labbandi með bílnum til að létta hann. Þetta tók frekar langan tíma þar sem við þurftum að gera margar tilraunir á nokkrar brekkur og vega og meta hvort bíllinn myndi sökkva í djúpnum snjónum eða hvort við kæmumst tilbaka ef við færum niður brattar ísbrekkur.

Hérna má sjá helling af eldfjallaösku sem myndar mjög flotta pýramída þegar ísinn bráðnar

Útihús

Fjallið sem við keyrðum upp á

Hrikalegt útsýni yfir jökulinn og hálendið

Jeppateymið

Að endingu komumst við upp á fjallið þar sem stoppistöðin okkar var, en vegna tafanna þá misstum við af öllum hlaupurunum, sem voru eflaust 20-30 kvikindi, sem sumir vissu af þessari hressingu og voru búnir að gera ráð fyrir henni. Svekkjandi fyrir þau. Við fengum alveg svona 5 kökur á mann.

Þessi gella býr ein í skálanum uppi á fjallinu yfir sumarið. Vonandi er hún með Angry Birds á símanum.

Egill og vinur hans voru fyrstu göngugarparnir sem komu að jeppanum

Síðan ákvað Boggi að taka smá grín

Göngufólk í fjarska á leiðinni að jeppanum

Ég ákvað að skella mér upp á fjallstind sem var skammt frá

There ain't no party like a jeep party

- Snoop Doog & 2pac

Rúrí og Lilja eru geðveikt fljótar að labba

Bjöggi og fleiri góðir að hvíla lúna fætur í skjóli frá jeppanum

Þessi gæji sleit sólann af skónum sínum í labbinu og fékk lánað nýtt par frá Eyþóri

Krummi var alveg virkilega ánægður að sjá að það væru nettir gaurar á fjallinu (ég) en ekki bara leiðindagaurar eins og Boggi og Eyþór

Boggi náði að plata nokkra stráka sem hann taldi geta skemmt hözzlið fyrir okkur. Við sáum þá allavega ekki aftur á tjaldsvæðinu.

Pétur, gamli nágranni og vinur úr Árbænum, ferskari en salatið á Subway

Hafrakaka er uppáhaldið hans Gísla

Eftir að hafa verið í 4 klukkutíma að gefa drykki og kökur þá fór okkur að langa að koma okkur heim. Við fengum fregnir um það að "mjög ljóshærð stelpa" væri vel á eftir öllum öðrum. Við biðum því í 25 mínútur án fregna þar til þrjár dömur mættu á svæðið. Þær voru ekki á því að labba skrefi lengra. Sem þýddi að ég, Boggi, Eyþór, þrjár stelpur, afgangurinn af drykkjunum og allt ruslið þurfti að komast fyrir í bílnum.

Ég hef bara eina minningu af jeppaferð. Þá fór ég með pabba, mömmu, Díönu og Írisi á meðan hún var enn í vöggunni upp á jökul á jeppa sem við áttum þá. Við gerðum nesti sem við borðuðum á jöklinum og í kjölfarið festum við löng reipi við jeppann og pabbi brunaði yfir jökulinn með mig og Díönu á skíðum í eftirdragi. Góð minning sem ég held nærri mér og mun ekki gleyma. En þessi ferð um helgina var með mun hærra jeppa-erfiðleikastig. Það fór alveg smá um mann þegar maður horfði fram af fjallsbrúninni sem við ætluðum að keyra niður á leiðinni tilbaka.

Þarna keyrðum við niður, myndin nær ekki aðstæðunum nógu vel

Á heimferðinni þurftum við að afferma allan bílinn þrisvar til þess að komast upp ísbrekkurnar. Ferðin heim tók þrjá og hálfan klukkutíma en hún var mjög hress þar sem stelpurnar voru á alls oddi og ég og Boggi vorum duglegir að skíta yfir hvorn annan, en þó sérstaklega hann Eyþór. Það þægilega við Eyþór er að hann svarar svo lítið fyrir sig. Stelpurnar komu aftur á tjaldsvæðið hugsandi það að hinn rólegi Eyþór væri í raun mesti skíthællinn af okkur þremur, sem er að sjálfsögðu rétt ályktun.

Eitt sem Þórsmórk má eiga skuldlaust. Hún er gullfalleg. Það er virkilega margt sem maður getur séð út úr klettunum og ég trúi vel að fólk í gamla daga hélt því fram að tröll yrðu að stein ef sólarljósið náði þeim. Hérna eru nokkrar myndir.

Be there of be square

Beinagrindargaur með hanakamb

Mr. Burns úr Simpson

Illgjarn andi sem var steyptur í stein þegar hann ætlaði í Gunnar á Hlíðarenda

Facebook prófíllinn

Ekkert að því að taka svoleiðis myndir líka

Þegar við komum á tjaldsvæðið hitti ég 2 gaura sem ég kannaðist ekki við. Þeir voru semsagt skildir eftir. Þeir voru að labba upp hörðustu brekkuna í göngunni, sem var nokkurnveginn 200-300 metra ísbrekka með gríðarlegum halla, þegar þeir sáu jeppann keyra í burtu. Þeir horfðu á jeppann keyra í burtu, með enga ósk heitari en að fá hafraköku og orkudrykk. Sem skaðabætur gaf ég þeim hafrakökur og vítamínvatn. Með grillmatinn í höndunum er ég ekki viss um að þeir hafi verið jafn ánægðir og fólkið sem fékk það sama uppi á fjallinu. Þeir voru samt nettir.

Við Boggi og Eyþór grilluðum lambalæri sem Boggi sá um og síðan var það bara fyllerí með trúbador sem reif stemninguna upp.

[Insert memories here]

Vinur Gísla og Gísli

Senjor og vinur hans

Þetta var hrikalega gott kvöld

Daginn eftir vaknaði maður klukkan 11, ekkert sérstaklega ferskur. Það fyrsta sem ég sá var Boggi. Það leit því út fyrir að dagurinn yrði helvíti á jörð.

Að þykjast vera sprækur

Strákarnir að rökræða hvort Honey Nut Cheerios eða venjulegt Cheerios sé betra

Við fórum í það að pakka saman, hlaða bílana og kveðja fólkið. Síðan var rúllað heim á leið. Á leiðinni út Þórsmörk vorum við með talstöðvar á milli bílsins okkar og bílsins hans Eyþórs þar sem Sveinbjörn og Elfa voru með í för. Við Boggi, einstaklega fyndnir menn, létum karlrembu og rasistabrandarana að sjálsögðu flæða:

Hvað sagði feita stelpan við hina feitu stelpuna?

- Hverjum er ekki sama?

97% svertingja hafa stundað kynlíf í sturtu. Hin 3% hafa aldrei farið í fangelsi.

Hver er munurinn á Bogga og fávita?

- Boggi er líka fífl

Fleiri brandara ætla ég ekki að segja því þeir voru grófir. En það gildir auðvitað með þessa brandara eins og aðra að þetta eru brandarar, ekki eitthvað með meiningu á bakvið sig.

Svo fórum við bara heim.

Ég vil þakka fólkinu fyrir hrikalega góða ferð og þá kannski sérstaklega Eyþóri, Sveinbirni og síðast en ekki síst Bogga. Er virkilega ánægður með Bogga að hafa dregið mig með. Skemmti mér hrikalega vel og það var gaman að eyða helginni með helvítinu.

Svona í lokin þá vil ég benda fólki á 11 mynda albúm sem ég tileinka Bogga frá ferðinni.Myndaalbúmið má sjá hér.

Svo eru fleiri hlutir á döfinni. Stay tuned.

later

2011-06-23T20:36:00.012Z

Ég sá stelpu fara til læknis áðan... það mætti halda að það væri eitthvað að

- Djammi Ragg

Það er ekkert smá langt síðan maður kíkti hingað inn. Það á alveg örugglega við um fleiri.

En vegna lítils fjölda beiðna, nánar tiltekið bara ein beiðni frá Guðna, um að blogga þá ætla ég að skrifa má. Ég hef alltaf stefnt að því að prenta allar færslurnar út til að geta lesið þetta einhverntíman seinna á lífsleiðinni og hlegið eða verið vandræðalegur yfir sjálfum mér. Komin rúmlega 9 ár. Kannski maður haldi út aðeins lengur.

Guðni (t.v.) er allt í senn, skemmtilegur, gáfaður og ómissandi í gott partý

Útskriftir

Ég er búinn að mæta í þrjár slíkar á síðustu 2 vikum. Tek þær í öfugri tímaröð. Ég hef nefnilega oft hugsað um það þegar fólk segir "I saw my life flashing before my eyes" hvort það hafi flashað frá byrjun til enda eða frá enda til byrjunar. Eða hvort það væri bara fram og tilbaka í röð eftir gæðum minninga. Eru það minningar sem eru að flasha eða er einhver máttur sem er lífið sem er að múna mann á þessum síðustu stundum. Hafið þið spáð í þessu? Eflaust ekki. En áfram með smjörið. Áfram með smjörið, hvernig fer smjör áfram? Það er vangavelta fyrir seinni tíma.

Síðasta útskriftin var hjá Hrund

Hrund er rosa hress stelpa

Ég veit ekki hvað Hrund var að klára. En mig grunar að það sé master í alþjóðaviðskiptum. Til hamingju með það Hrund!

Hún var með helvíti góðan mat, sem ég borðaði reyndar lítið af því að ég borðaði svo mikið hjá Úlla. En það voru m.a. svona litlar pizzur sem eru bara einn munnbiti. Við gáfum henni gjafabréf með Icelandair (held ég). Heiðursgesturinn hjá Hrund var án vafa hann Bóbó. Bæði útaf góðri sögu, góðum umræðum og því hann skipulagði hópgjöfina hennar Hrundar. Reyndar grunar mig að hann hafi copy-paste-að textann sem ég notaði fyrir gjöfina hans Pálmars og bara breytt nafninu úr Pálmar í Hrund. En það er allt í lagi.

Í veislunni hennar vann ég Pálmar í skák og drakk bjór. Síðan tilkynnti ég Hrund að við værum að fara að sofa saman það kvöld. Hún sagði að það myndi ekki gerast. Hún hafði rétt fyrir sér.

Milliútskriftin var hjá Úlla

Heiða fær að vera með Úlla á myndinni hans

Úlli var að útskrifast með B.Sc. í Íþróttafræði. Til hamingju með það Úlli!

Ég mætti í veisluna hans Úlla alveg fáránlega edrú og svangur, beint eftir leggings og útileigu. Að sjálfsögðu klikkaði það ekki þar sem allt var flæðandi í áfengi og mat. Þessi heiti brauðréttur með aspas inní er alveg fáránlega góður. Þakka Heiðu sérstaklega fyrir hann.

Við vorum nokkrir sem slógum saman í púkk og keyptum Playstation 3 leik og 2 freyðivínsflöskur fyrir kallinn. Heiðursgesturinn í teitinu hjá Úlla var án alls vafa Lalli, fótboltaþjálfari úr Fjölni, sem jafnvel ég hef æft hjá þrátt fyrir stutta viðveru í Fjölni. Kiddi vinur hans Úlla var líka nettur að venju, en hann hlýtur annað sætið.

Harðasta útskrift landsins var hjá Pálmari vikuna áður

Um daginn var fjölskylduútskrift sem ég og fjölskyldan mættum í. Ég má til með að setja þessa mynd inn þar sem að ég ætla mér að taka allan heiðurinn fyrir því hversu mikill stemmari er á svæðinu. Ég ætti að leggja fyrir mig stemmara-ljósmyndum ef ég gefst upp á verkfræðivinnum.

Í fjölskylduveislunni þá tókum við strákarnir að sjálfsögðu lag. Það var eitt það fyndnasta sem ég man eftir svona þegar ég hugsa um það. Það byrjaði þannig að við tókum viðlagið massaharðir og eftir 2 línur gleymdi Pálmar textanum. Hann var með svona "Uhh..." svip og öskraði allt í einu "STOPP!!!" og byrjaði taktinn upp á nýtt. Í seinna skiptið náði hann aðeins fleiri línum áður en hann klúðraði og við fylltum upp í þögnina með "Yo, Yo" og ég sagði óvart "Mothafucka". Síðan kom að Árna sem óvænt klúðraði fyrstu línunni sinni, en náði að redda sér nokkuð vel með því að taka partinn sem hann kunni vel tvisvar. Á þeim tímapunkti var engin pressa á mér að standa mig. Enda gerði ég það alls ekki. Eftir tvær línur kom bara blankalogn í hausnum á mér og ég byrjaði að syngja "trallalalala" og taka einhvern funky dans. Þetta var eiginlega alveg fáránlega fyndið. Vorum allir hálfhlæjandi restina af laginu. En við vorum samt að sjálfsögðu feitt harðir.

Eftir lagið okkar samdi síðan Íris lag um Pálmar á staðnum og söng það gullfallega fyrir gestina í veislunni.

Þetta var hrikalega fín veisla. Erna Ragg klikkar ekki með pizzusnúðana og skinkuhornin og það var gaman að sjá Ragga Ragg kíkja í heimsókn frá Noregi í tilefni útskriftarinnar.

2-3 tímum seinna byrjaði síðan útskriftarpartýið. Þangað mætti Gulli Breiði og sagði hæ. Síðan andaði hann rólega inn og aftur út. Síðan fór hann. Stutt stopp.

Pálmar hrikalega sáttur með gjöfina

Ég, Árni Ragg og Gulli tókum höndum saman og bjuggum til facebook grúppu og buðum þangað öllum sem við þekktum sem voru boðnir í partýið hans Pálmars. Tilefnið var að sjálfsögðu hópgjöf og það söfnuðust alveg 33 minnir mig í gjöfina. Bæði ég og Árni höfðum hlustað á Pálmar fyrir svona 6-12 mánuðum tala um að kaupa flatskjá og xbox leikjatölvu. Við fjárfestum í Xbox leikjatölvu fyrir hann og það er ekki hægt að segja annað en að hann hafi verið mjög ánægður með gjöfina. Eftir að hann tók hana upp sagði hann mér persónulegt leyndarmál í trúnaði sem ég er að fara að deila með ykkur. Hann sagði "Þegar ég sá lögunina á pakkanum hugsaði ég bara "PLÍS VERA XBOX, PLÍS VERA XBOX"". Sorry trúnaðarbrotið Pálmar. Er bara sáttur með þessa línu.

Árni Ragg, Palli Ragg og Óli Pé

Við tókum að sjálfsögðu lagið aftur um kvöldið. Við höfðum samið viðlagið saman 2 dögum fyrir teitið og versin okkar daginn áður eða samdægurs. Við höfðum aldrei náð því réttu í gegn. Það var ekki að fara að breytast. Hinsvegar var bara einn sem gleymdi línum í þetta skiptið. Það var ég. Það reddaðist samt vel og vakti óvænt bara helvíti fína lukku. Afraksturinn má sjá í myndbandinu á þessum link hérna.

Ég óska Pálmari kærlega til hamingju með útskriftina úr B.Sc. í Sálfræði og jafnframt með þær snilldareinkunnir sem hann útskrifaðist með!

NBA Úrslitaleikur & SvikaRisk

Daginn eftir útskriftina hjá Pálmari þá komu Unnar, Valur, Kiddi, Tóti, Pálmar og Eiður í heimsókn heim til mín. Við grilluðum í 18 stiga hita, spiluðum foosball og fórum í Risk á meðan við biðum eftir að NBA úrslitin á milli Dallas Mavericks og Miami Heat byrjuðu.

Það er óhætt að segja að það hafi verið óvenjulega mikið um svik í seinni leiknum. Það var nokkuð ljóst að engin unni Unnari þar sem öll svikin voru gegn honum. Svikverjar voru Kiddi og Valur.

Valur og Unnar háðu gríðarlega baráttu á foosball vellinum

Jájá, sixpack keppnin er ekki búin

Pálmar ætlaði að taka yfir Asíu. Ég hafði önnur plön í huga fyrir hann.

Kiddi að svíkja "friðinn" við Unnar aðra umferðina í röð.

Pálmar var svo spenntur yfir NBA að hann lokaði augunum og faldi sig í sætinu

Riskið endaði þannig að Tóti og Eiður unnu bæði spilin. Sem er skiljanlegt þar sem þeir voru 2 saman í liði sem er augljóst forskot. NBA úrslitin fóru þannig að Dallas Mavericks vann Miami Heat og við tók sorglegasta verðlaunaathöfn sem ég hef séð í atvinnumannaíþróttum.

Ég er ekki frá því að þessi helgi hafi verið sú besta á þessu ári og þakka Pálmari og strákunum kærlega fyrir góð kvöld.

Útileiga

Ég fór í mína fyrstu útileigu í 2 ár um síðustu helgi. Ég, Íris litla systir, Bjarki, Lára og Paolo fórum ásamt Týra, hinum trausta og hlýðna heimilishundi, í Húsafell. Ég og Íris vorum í 2 nætur en rest og rusl var í þrjár nætur.

Á fimmtudeginum settum við upp fellihýsið sem Bjarki fékk lánað hjá foreldrum sínum. Síðan var það bara grill, nokkrir öl og gott tjill fram á kvöld.

Föstudagurinn var helvíti góður. Við fórum í Surtshelli, sem er líklega bara stærsti hellir á Íslandi eða eitthvað. Þetta var eins og lagafljótsormurinn hafi skriðið neðanjarðar í góðu tjilli. Held hellirinn sé 1 km á lengd eða meira og hann er alveg risastór.

Síðan keyrðum við upp að Langjökli. Sáum nokkra huskies hunda sem voru eitursvalir á ísnum. Við náðum flest að skíta út skónna okkar í leðju í þeirri stuttu heimsókn, en það er allt í lagi því allir í hópnum eru svo hreinir að innan.

Við kíktum síðan í sund á Húsafelli, grilluðum og tjilluðum aftur fram á kvöld.

Á laugardeginum fórum við síðan í sund á Borgarnesi þar sem allt var pakkað. Ég held að allir í sundlauginni hafi heyrt í mér þegar ég öskraði á leiðinni niður í rennibrautinni. Ef það voru einhverjir eftir þá heyrðu þeir í mér þegar ég öskraði enn hærra í ferð númer tvö. Rennibrautir eru algjörlega málið. Ég er mikill talsmaður þeirra.

Hérna eru myndir til að lýsa stemmaranum.

Ég og Íris að fara að leggja í hann

Hey Bjarki, hver er þetta?? Mamma'ðín hehehehe... RÚST!

Bjarki og frú Lára í góðu tjilli í Húsafelli

Paolo var illa sáttur með Spiderman grifflurnar sínar

Íris og Týri að kynnast

Surtshellir var ekkert smá hættulegur

En eins og Simbi í Konung ljónanna þá hlæ ég bara að hættunum... eða er alvarlegur á svip.

Íris kom fyrst út sigri hrósandi

Tvífari Bruce Willis, Jason Statham og geldingsins í Game of Thrones var sáttur að hellisferð lokinni

Ég líka, Óli píka

Síðan heimtaði ég pósmyndir af öllum. Íris nett á því.

Svo komu Lára og Bjarki

Ég var næst síðastur

Rúsínan í pysluendanum var síðan Týri

Við Íris komum síðan með smá 17. júní gjöf fyrir hópinn til að auka stemmarann

Fíl'etta

Líka Paolo

Bjarki svindlaði og beit í sinn

Á leiðinni að Langjökli sáum við hvar stór kind hafði dáið í fjallshlíð. Bara hauskúpan eftir.

Vondi kallinn í Scream var líka bíðandi eftir okkur, greinilega búinn að snúa búningnum sínum við

Langjökull var svosem ekkert ómissandi í þessu veðri, en hann var langur

Það er fátt betra en sól og sumar

Skötuhjúin við Hraunfossa

Líklega fallegustu fossar landsins

Jafn fallegt crew og fossarnir á bakvið

Góð af Írisi

Ég að reyna að fá góða líka

Einver bær

Paolo alveg fáránlega ánægður með kókómjólkina sem ég gaf honum

Ég fer náttúrulega aldrei til Borganess án þess að fá mér Hyrnusúpu

Þessi ferð var alveg virkilega góð. Í raun mikil tilbreyting frá tjald-drykkju-útileiguferðum síðustu ára og það að maður hafi virkilega skoðað náttúru og helli er bara fáránlegt. Það verður gert meira af þessu í sumar, það er alveg ljóst.

Þakka Bjarka, Láru, Paolo, Týra og Írisi lil' sys fyrir massíft góða ferð.

Kvikmyndir

Ég hef oft velt fyrir mér hversu gott ár 1994 var í kvikmyndaheiminum. Pulp Fiction, The Shawshank Redemption og Forrest Gump komu allar út og voru tilnefndar sem besta mynd ársins það ár. Ég ákvað þar sem ég hef bara séð Pulp Fiction einu sinni og Forrest Gump tvisvar að horfa aftur á þessar myndir, svona þar sem ég er líklega búinn að horfa á Shawshank oftar en 30 sinnum.

Niðurstaðan að sjálfsögðu. Báðar geðveikar.

Pulp Fiction var ekki á mínu leveli þegar ég var 12 ára. Núna þegar ég er búinn að lifa í undirheimunum, nota helling af kóki og heróíni, svíkja, myrða og halda fólki gíslingu þá skil ég hana miklu betur. Tarantino er með svo góð samtöl. 5 mínútna samræður um það hvort fótabað sé kynferðistengt eða ekki. Plús að velta fyrir sér erindi úr biblíunni í aðrar fimm mínútur í miðju ráni á kaffihúsi er náttúrulega bara far out. Auk þess sem myndin er bara virkilega svöl, hans besta í mínum huga.

Forrest Gump átti líka móment sem maður hafði gleymt. Þegar Forrest "kennir" Elvis danstæknina sem hann varð frægur fyrir og hvernig hann er tengdur við JFK, Víetnam, Hippa, Nixon, Watergate málið, "Shit happens" slagorðið og "Have a nice day" broskallinn og margt fleira. Sagan er svo góð og það hefur örugglega verið hrikalega gaman að skrifa hana. Sé gaurinn fyrir mér hugsandi "Hvað fleira hefur gerst síðustu 40 ár sem ég get tengt Forrest við?".

Síðan eiga báðar myndirnar það sameiginlegt að tónlistin í þeim er geðveik. Allar þessar 3 myndir eru síðan svo góðar í tilvitnanir að þær eiga eftir að lifa endalaust.

Já, eins og ég persónulega met stöðuna þá eru 1994 og 1999 séu bestu kvikmyndaárin. Komst að fáránlega sniðugum fítus á iMDB.com um daginn. Ef þú smellir á ártalið á mynd sem þú ert að skoða þá koma Topp 10 mest skoðuðu myndir þess árs upp. Auk þess eru listar yfir tekjuhæstu myndir ársins og einkunnahæstu þess árs líka listaðar upp. Mæli með að kíkja á 1994 og 1999. Þvílík kvikmyndaveisluár.

Síðan fór ég með Pálmari og Gulla Breiða á Super 8 í bíó á sunnudaginn. Hún var bara þrusugóð. Mæli með henni.

Talan alræmda

Ég átti í samræðum við Siggu vinkonu mína í vinnunni í dag. Við vorum að ræða það hver "eðlileg" tala væri miðað við aldur. Þegar ég segi "talan" þá á ég að sjálfsögðu við töluna sem að stelpur virðast alltaf spyrja um þegar stutt er liðið á samband og fólk er misjafnlega ánægt með að deila eða heyra.

Fyrir þá sem eru ekki alveg með á nótunum ennþá þá er talan semsagt fjöldi rekkjunauta eða bólfélaga sem þú hefur átt. Semsagt druslur sem þú ert búinn að sulla í.

Til þess að finna út "eðlilega" tölu þarf að sjálfsögðu að búa til formúlu. Við erum bæði verkfræðingar svo að okkur finnst það voðalega gaman. Aldeilis góð viðbót. Ég bað hana um að hugsa vel og gefa mér álit sitt á því hvað henni þætti vera eðlilegur fjöldi bólfélaga sem einhleyp manneskja má eiga að meðaltali á ári. Ég bað hana að gera ráð fyrir því að líklega myndi þriðji hver bólfélagi vera meira heldur en einnar nætur gaman og endast kannski í 1-2 mánuði. Hún gaf mér töluna 4 á ári. Þá var allt hráefnið tilbúið í formúluna.

Formúlan

Aldur - Aldur þegar þú stundaðir fyrst kynlíf = Fjöldi ára kynferðislega virk(ur)

Fjöldi ára kynferðislega virk(ur) - Ár í sambandi = Fjöldi ára einhleyp(ur) og kynferðislega virk(ur)

Fjöldi sambanda + Fjöldi ára einhleyp(ur) og kynferðislega virk(ur) * 4 = Eðlileg tala

Ef við prófum formúluna á mér þá lítur þetta svona út:

27 ára - 18 ára = 9 ár

9 ár - 5,5 ár = 4,5 ár

3 + 4,5 *4 = 21 bólfélagi

Það þýðir að ef ég hef átt fleiri en 21 bólfélaga þá er ég player. Stelpa í sömu stöðu væri hóra. En þannig rúllar bara kúlan sem við lifum á, ég samdi ekki reglurnar.Við þurfum bara að muna að ef við tökum þá sem eru samkynhneigðir út úr jöfnunni þá eru stelpur samtals búnar að sofa hjá jafn mörgum strákum og strákar samtals hjá stelpum.

Það er auðvitað hægt að setja út á þessa formúlu. Að segja að 4 sé eðlileg tala fyrir einhleypan einstakling á ári gæti þótt lítið í augum sumra en mikið í augum annarra. Segjum bara að þetta sé meðaltal yfir alla einhleypa. Það er líka frekar líklegt að einhleypur aðili á aldrinum 35-40 sé ekki jafn virkur á markaðnum og einhleypur aðili á aldrinum 25-30 ára. Til þess að ná yfir öll þessi bil þyrfti í raun að smala saman nefnd sem myndi ákvarða út frá eigin reynslu og almennri skynsemi með tilliti til þjóðfélagsþegna hver sé eðlileg bólfélagatala fyrir fólk á mismunandi aldri. Við hinsvegar höfðum ekki úr slíkri nefnd að moða svo við létum giskið hennar Siggu (sem hefur aldrei verið á einhleypingsmarkaðnum) bara nægja. Ég myndi samt halda að bólfélagatalan á Íslandi sé frekar há, svona miðað við þau fáu önnur lönd sem ég hef reynslu af. Lesist ekki sem kvörtun.

Lokaorð

Engin sérstök. Bara komið nóg í bili. Þarf að fara að sofa.

later

2011-04-30T12:55:00.009Z

Veðmál gone bad

Ef þú lset þteta hatrt þá mntuu slikja havð sendtur hénra en lkírnuar eru ggen þér ef þú lset þttea hgæt. Bsói átti bálan bíl en vlidi eingast kórkódíl, hnan fór út að vgea slat og rsakt á onpa kóóklamt, hkiragela suttár sat og darkk úr rröi í gnegum gat. Bósi var að derkka psis og fór að hyera miikð fisls, óátstur með ahæftið hnan biet seltpu í adlnitið, hnan hfðei ekki átt að grea það, því stleapn var með HIV. Aminujga Bsói.

Í gegnum tíðina hefur alltaf verið gaman að stunda veðmál og taka áhættur. Á tímabili var ég sjóðandi heitur við pókerborðin í vinahópnum, fór til Vegas og endaði í fínum plús og var skæður í fantasy deildum í enska boltanum, HM, EM og NBA.

Einn eftirminnilegasti pókersigurinn var þegar ég tók "Maverick" tæknina með Danna, Rúnari, Tomma og fleirum góðum. Mér var búið að ganga skuggalega vel þetta kvöld og ákvað að slá til. Maverick virkar þannig að þú lítur aldrei á spilin þín fyrr en veðmálum er lokið. Það voru 4 í pottinum með mér og allir duglegir að setja út. Það endaði þannig að tveir af strákunum voru með 2 tvennur og einn var með flush, sem eru 5 spil í sömu sort. Ég snéri við fyrra spilinu mínu, sem var laufaátta. Sá sem var með sortina var með laufatíu og laufasjöu. Sem þýddi að ég gat eingöngu unnið ef seinna spilið var gosi, drottning, kóngur eða ás í laufi. Að sjálfsögðu snéri ég við kóngi og tók stærsta pott kvöldsins.

Líkurnar á því að fá Flush í Texas Hold'em eru 32,1 á móti einum, eða 3%

Tími glæstra og óvæntra sigra er hinsvegar liðinn og ég man satt að segja ekki hvenær ég vann síðast í veðmáli. Á síðastliðnu ári hef ég átt í nokkrum veðmálum, sumum er lokið en öðrum ekki. Það er óhætt að segja að þessi veðmál hafa ekki verið að ganga vel.

Fantasy.Premierleague

Fyrsta veðmálið var í raun í fantasy deild fyrir enska fótboltann. Þessi leikur gengur út á það að velja sér 11 leikmenn og 4 varamenn úr liðunum í efstu deildinni í enska fótboltanum og svo er hægt að selja og kaupa leikmenn ef maður er ósáttur með frammistöðuna. Óhætt er að halda því fram að strax frá fyrstu umferðinni í september, þegar ég lenti í neðsta sæti í deildinni þá hafi þetta gengið á afturfótunum. Þrátt fyrir allar breytingar sem ég gerði á liðinu mínu tókst mér aldrei að blanda mér í toppbaráttuna. Ekki einu sinni að blanda mér í baráttu fyrir ofan miðja deild. Þetta er staðan í deildinni.

Með 4 umferðir af 38 eftir sit ég örugglega í 11. sæti af 13.

Ég held það séu 2 ár síðan ég vann þessa deild. Í fyrra og í ár hef ég verið skafandi botninn megnið af tímabilinu. Sem betur fer var ekkert lagt undir í þessari deild.

NBA Fantasy

Við höfum verið að taka þátt í NBA fantasy úrslitakeppnisleik á hverju ári síðustu 5 árin. Þessi leikur snýst um að velja 1 leikmann fyrir hvern leikdag. Þú getur ekki valið leikmanninn aftur þegar þú hefur valið hann. Þú færð stig út frá stigaskori, fráköstum og stoðsendingum leikmanns. Ég hef notið þeirrar gæfu að hafa sigrað þennan leik einu sinni, en það eru líklega 3-4 ár síðan. Á síðasta ári gekk afleitlega og það lítur út fyrir að ætla að halda þannig áfram á þessu ári.

Sem stendur er ég neðstur, í 11. sæti af 11 mögulegum.

Úrslitakeppnin er ekki komin mjög langt á veg, þar sem önnur umferð af fjórum er að byrja, en hingað til hafa hlutir ekki þróast hagstætt fyrir mig. Nú þegar 14 leikdagar eru búnir hef ég valið 14 leikmenn. Af þeim 14 sem ég hef valið þá hef ég sex sinnum valið leikmann sem átti sinn versta leik í öllum þeim leikjum sem hann spilaði í fyrstu umferð. Ofan á þetta hef ég hitt á leikmenn sem standa sig illa þegar ég vel þá en betur þegar aðrir velja þá. Sem dæmi þá tók ég Tim Duncan í fyrradag. Hann fékk færri stig en Tony Parker og Manu Ginobili í þeim leik, sem voru hinir 2 valkostirnir sem ég hefði getað valið úr og margir aðrir völdu. Síðan í nótt valdi ég Manu Ginobili og bæði Duncan og Parker fengu fleiri stig en hann. Ég hef einu sinni hitt á leikmann sem átti sinn besta leik hingað til í úrslitakeppninni, en það getur vart talist hafa verið stjörnuleikur hjá þeim leikmanni. Fyrir utan það val hef ég ekki einu sinni hitt á næstbesta leik hjá neinum leikmanni.

Miðað við þessar staðreyndir tel ég mjög ósennilegt að gæfan verði mér hliðholl í þessum leik og ég tel næsta víst að 1.500 krónur í brakandi íslenskum krónum hverfi mér úr greipum þegar úrslitakeppninni er lokið.

Veðmál við Val

Eins og ég auglýsti vel á blogginu þá ákváðum við Valur að fara í veðmál um daginn. Veðmálið snérist um það hvort Chicago Bulls eða San Antonio Spurs næðu lengra í úrslitakeppninni í NBA.

Það hljómaði eins og mjög spennandi veðmál á þeim tíma

Þegar við ákváðum veðmálið þá var San Antonio Spurs efst af öllum liðum deildinni, 7 sigrum fyrir ofan Dallas og Bulls. Næstu 7 leikir sem Spurs spilaði eftir að við ákváðum veðmálið töpuðust. Það var mesta taphrina Spurs síðan Tim Duncan byrjaði fyrir 13 árum. Þeir enduðu á því að vinna 7 leiki og tapa 9 í síðustu 16 á meðan Bulls vann 15 og tapaði 2 af sínum 17. Það gerði það að verkum að Chicago Bulls stal efsta sæti deildarinnar af Spurs með einum sigri. Spurs var þó enn í 1. sæti í vesturdeildinni.

Á þessum tíma, jafnvel fyrr, var Valur farinn að halda því fram að Spurs myndi tapa gegn Memphis Grizzlies í fyrstu umferð úrslitakeppninnar. Ég bauð honum annað veðmál, upp á 5 þúsund kall, um að það myndi ekki gerast. Hann tók því ekki.

Í fyrstu umferð úrslitakeppninnar þá sigraði Bulls Indiana Pacers frekar örugglega. Á sama tíma var Spurs lent undir á móti Memphis Grizzlies, liðinu sem lenti í 8. sæti í vesturriðlinum, 3-1 í leikjum. Í gær var staðan 3-2 fyrir Memphis og ég bauð Val aftur í veðmál. Í þetta skipti um það hvort Spurs myndu vinna leikinn og jafna 3-3. Hann tók því ekki.

Það er ágætt að hann tók ekki við aukaveðmálum þar sem Spurs tapaði leiknum og var þar með slegið út í fyrstu umferð í úrslitakeppninni. Það er hægt að telja það á fingrum annarrar handar hversu oft í sögu NBA liðið sem vinnur sinn riðill dettur út í fyrstu umferð.

"Can you buy some lipstick? I'd at least like to look pretty when I get fucked"

Núna skulda ég Val NBA treyju sem hann mun eflaust klæðast miskunnarlaust í minni návist í framtíðinni.

Magavöðvaveðmál við Bjarka

Bjarki og ég þegar hvorugur okkar var eldri en 25

Hitt stóra veðmálið sem ég er enn með í gangi er gegn Bjarka. Það var einnig vel auglýst í færslu fyrir 2-3 mánuðum. Við náðum hvorugur sixpack fyrir 30. apríl svo að veðmálið framlengdist til 1. júní. Þetta veðmál á ég ennþá möguleika á að vinna. Ég gerði sjálfum mér þó erfitt fyrir með því að vera fullur um 2 síðustu helgar, fá mér bjór í gær og borða óhollt yfir sama tímabil.

Á sama tíma hefur Bjarki verið edrú, byrjaður í Cross fit og þykist ætla að vera búinn að ná sixpack 1. júní. Ef það gengur eftir hjá honum get ég í mesta lagi jafnað hann. Ég verð hinsvegar að vonast til þess að hann klúðri þessu og ég nái því á sama tíma. Svona upp á verðlaunin, sem eru gífurlega góð í þessu veðmáli.

Þetta er hinsvegar eina uppbyggjandi veðmálið sem ég hef staðið í og hefur virkað sem góður hvati í ræktinni. Það væri skelfilegt að tapa því þar sem verðlaunin eru frekar skelfileg fyrir þann sem tapar, en ef við náum báðir settu markmiði endar þetta á góðu nótunum fyrir okkur báða.

Boðskapur og niðurstaða

Veðmál eru góð og þú ættir aldrei að skorast undan veðmáli. Sérstaklega ekki gegn mér. Ég hvet ykkur til þess að kaupa lottómiða í hverri viku og eyða afgangspeningum í spilakassa. Í ástralska lottóinu voru til dæmis vinningsupphæðir allt upp í 3 milljarða króna í einum drætti. Ef þú keyptir lottómiða á þriðjudegi voru meiri líkur á því að þú myndir deyja fyrir fimmtudag þegar tölurnar voru dregnar út heldur en að vinna. En það vinnur samt alltaf einhver. Afhverju ekki þú?

Í íslenska lottóinu eru líkurnar á því að vera með allar tölur réttar ef þú kaupir eina línu 1 á móti 658.008. Ef þú kaupir 20 raðir, sem kosta 1.000 krónur, hefurðu því 0,00003% líkur á því að vinna í hvert skipti. Ef þú myndir kaupa lottó fyrir 1.000 kall á viku í 10 ár þá myndirðu örugglega vinna að minnsta kosti einu sinni. Jafnvel oftar. Ef þú settir sömu upphæð inn á lokaðan reikning í sama tíma, þar sem verðbólga + vextir myndu vera í kringum 7% að meðaltali þá myndiru enda með skitnar 700.000 krónur. Þetta er no brainer.

Öll þessi veðmálsumræða hefur kveikt í mér og vonandi eru menn til í póker um helgina. Ég finn það á mér að ég verði heitur og í góðu stuði. Gæfan mun fara að snúast mér í hag enn á ný.

P.s. Fyrsta málsgreinin í færslunni virðist vera öll í rugli. Lærði í Ástralíu að ef maður les hratt yfir vitlausan texta, á meðan fyrsti og síðasti stafur orðsins eru á réttum stað, þá nær maður honum. Það er hinsvegar erfiðara ef maður les hann hægt yfir. Ef þið náið honum ekki eruði líklega bara vitleysingar.

later

2011-04-11T21:26:00.007Z

Rétt hilla

Hvar er hún eiginlega?

Lífið getur verið flókið.

Það hefur ekki legið vel á mér undanfarið og því hef ég ekki bloggað. En það gengur ekki til lengdar. Ég skulda ennþá fullt af ferðafæslum og þangað til þeim er öllum lokið get ég ekki dregið árar í bát. En þær eru þó ekki á dagskrá í kvöld.

Það er óhætt að segja að NBA hafi tekið óvænta stefnu eftir að ég og Valur ákváðum að fara í Veðmál. San Antonio Spurs tóku sig til og töpuðu einhverjum 7-8 leikjum í röð á meðan Chicago Bulls voru á sigurgöngu. Núna eru 2 leikir eftir á hvort lið í deildinni og Spurs eru efstir, með einn sigur á Bulls menn. Hinsvegar eiga Spurs eftir að spila við Lakers á meðan Bulls á eftir minni spámenn. Svakalegt. Það sem er öruggt er sú staðreynd að Bulls munu ekki þurfa að spila við Miami og Boston, heldur bara annað þeirra. Gefið að þeir sigri Orlando í 2. umferð sem ágætis útlit er fyrir. Ég sá nefnilega Chicago spila áðan, í fyrsta skipti í mörg ár, og það er óhætt að segja að þeir eru komnir með gríðarlega skemmtilegt og hættulegt lið.

Ég verð að vona að Spurs taki Lakers. Ósennilegt en mögulegt. Grunar að Valur eigi eftir að klæðast sigurtreyjunni oftar en einu sinni í mínum félagsskap ef hann vinnur þetta veðmál.

Annars úr lífinu er það að frétta að ég og Bjarki erum ennþá að vinna í magavöðvunum og mér sýnist þetta vera að koma hægt og rólega. En nema ég taki mig stórlega á er 1. júní líklegri komudagsetning heldur en 30. apríl. Það verður bara að hafa það. Fínt að mæta í ræktina og djamma í hófi.

Ég kíkti þó á gott fyllerí með Rekstrarverkfræðinni um daginn, en er enn að melta hvort ég þori að setja myndir og lýsingu af kvöldinu á bloggið. Það var frekar tryllt og gott kvöld. Síðan fór ég á árshátíðina í Íslandsbanka um þarsíðustu helgi. Hún var á Nordica Hótel eða Hótel Hilton, man ekki alveg hvað það kallast í dag. Þetta var standandi árshátíð, sem ég hafði mínar efasemdir með fyrirfram, en það fyrirkomulag er hrikalega fínt. Er mjög ánægður að vera að vinna þarna, góður mórall og skemmtilegt fólk. Það er búið að vera ágætt að still djamminu í hóf líka. Maður kann að meta fylleríin betur ef maður sparar sig aðeins á milli.

Vinnan er farin að verða helvíti fín. Fólkið gott og ég er að komast dýpra í verkefnin. Mikið af verkefnum og enn meira af fundum. Sem betur fer borgar Íslandsbanki fundarlaun.

Fékk góðan tölvupóst í dag frá Össur. Þeir sögðu mér að þeir væru búnir að skoða umsóknina frá mér en þar væri enga vinnu að fá fyrir mig. Ég sótti um hjá þeim fyrir hálfu ári svo ég var ekkert að spæla mig mikið yfir þessu.

1. apríl breyttust opnunartímar í sundlaugum. Aðalbreytingin var kannski um helgar þar sem er bara opið til svona 19 á flestum stöðum. Svo var stytt þessa helstu staði um 30-90 mín. Ég græt þetta frekar mikið þar sem við Bjarki erum búnir að vera að kíkja svona 2-3 sinnum saman í sund í viku, auk þess sem ég hef kíkt í pottinn með Herði Inga eftir bolta öðru hvoru. Ég veit ekki alveg hversu mikið þetta sparar, en þetta breytist vonandi aftur einhverntímann.

Annars þá var mikið vera að pressa á mann að kjósa í Icesave. Sumir vildu að maður segi já og aðrir nei. Ég skoðaði rökin fyrir báðum kostum og var svona mitt á milli eins og flestir. Ég ákvað því bara að reikna út væntigildi út frá fastri krónutölu og slumpaði á útkomuna úr þessum réttarhöldum. Ég veit það svosem ekki betur en næsti maður hvernig þau fara svo ég ákvað bara að gefa ágætis líkur á sigur úr málinu.

Miðað við mitt slump þá var samningur í dag bara fínn kostur, plús að þá myndi óvissan hverfa og fólk gæti farið að skipuleggja fram í tímann. Gera kjarasamninga og svona til lengri tíma. Þannig að ég sagði Já. Ekki að það skipti neinu máli núna. Ef einhver skilur ekki hvað ég gerði í töflunni þá er þetta bara einföld tölfræði, ekkert fancy. Þetta er hægt að nota á t.d. fjárhættuspil:

Segjum að Pálmar vinni 500 þúsund kall á lottómiða. Þegar hann fer að sækja vinninginn segir Jafet lottósali við hann:

"Þú getur annaðhvort fengið 500 þúsund kallinn eða kastað tenging. Ef þú færð 5 eða 6 þá færðu milljón, en ef þú færð lægra færðu ekki neitt"

Tölfræðin virkar þannig að þú átt alltaf að velja þann kost sem hefur hæsta væntigildið. Væntigildið er í þessu tilfelli reiknað svona:

5 og 6 eru 2 útkomur af 6 mögulegum úr teningakasti. 2/6 = 33%

Þ.a. þú hefur 33% líkur á því að vinna milljón og 67% líkur á því að fá ekki neitt.

1.000.000 x 0,33 + 0,67 x 0 = 330.000 krónur

Þar sem væntigildið á teningnum er lægra en 500.000 kallinn sem þú getur fengið tekurðu 500.000 kallinn.

Mínir Icesave reikningar voru í raun bara svona, nema að ég valdi lægstu upphæðina þar sem um skuld er að ræða.

Veit ekki afhverju ég datt í svona dead boring umræðu. Biðst afsökunar á þessu.

Þrátt fyrir reglulega snjókomu finnur maður að sumarið er á leiðinni og það eru góðar fréttir. Ég hef verið að hugsa um að taka 2 vikna ferðalag í kringum landið í sumar, en er ekki alveg búinn að festa það ennþá. Fer líklega bara eftir framboði af ferðafélögum, veðri og kostnaði. Er ekki alveg viss um að ég leggi í þetta einn, en maður sér til.

Ég er spenntur fyrir því að kíkja jafnvel á Hornstrandir og taka svona "Into the Wild" pakka í skamman tíma. Þræða síðan meðfram landinu þegar það á við í ystu útnárana og hafa það á hreinu hvar markverða hluti má finna. Maður gæti jafnvel séð einhver dýr á vappi ef maður fylgist vel með umhverfinu. Það væri ekki amalegt. Hef verið spenntur eftir öll ferðalögin í Indónesíu og Ástralíu að skoða Ísland og gera það almennilega.

Þessi partur af Íslandi er nokkurnveginn óbyggður og vegalaus

Hrikalegt að gægjast þarna fram af

Trúi ekki öðru en það sé massíft að tjilla þarna í smá tíma

Furðulegt hvað það er utan áhugasviðs manns að ferðast um landið þegar maður er svona 15-25 ára gamall. Maður fór alveg hingað og þangað, en vanalega bara á útileigudjömm eða í keppnisferðir með körfuboltanum. Það er svo langt síðan ég var að ferðast með fjölskyldunni að ég hef í raun gleymt flestu sem ég hef séð sem er lengra en klukkutíma frá Reykjavík. Ég er búinn að prenta út kort af Íslandi og hef verið að skoða "Lost in Iceland" bókina sem er truflað flott auk þess sem ég er með Íslands Handbókina á gólfinu í herberginu.

Reikna með að þurfa að undirbúa mig vel ef ég fer í þetta. Kaupa góða skó, redda mér góðri myndavél, tjaldi og jafnvel almennilegum bakpoka. Svo er spurning hvort maður þurfi einhvern extreme síma ef maður ætlar sér í óbyggðirnar á Vestfjörðum. Svona ef það er mikið um ísbirni sem reka á land yfir sumartíman. Ekki viss um að sixpackinn stoppi þá.

Mæli eindregið með að kíkja á þessar myndir og frásögn af ísbjarnarárás sem gerðist einhverntímann í Kanada. Þó ekki fyrir viðkvæma, þetta er eins haardkóóóó og það gerist.

Held nú samt að ég skelli mér í rúmið og gluggi aðeins í "Down Under" bókina eftir Bill Bryson. Ekkert verra en að hugsa með fortíðarþrá til Ástralíu fyrir svefninn. Býður upp á skemmtilega drauma samt. Vona að sumarið verði samkeppnishæft.

later

2011-03-13T20:15:00.008Z

NBA Veðmál

Laukrétt kæru gestir. Það eru annað veðmál komið á borðið. Í þetta skipti við stóran fuglmann sem telur að hann viti hvaða lið mun vinna NBA titilinn í ár. Þar er ég honum að sjálfsögðu ósammála. Annað væri mjög einkennilegt í okkar samskiptum.

Þeir sem föttuðu ekki að gera spegil þegar þeir skoðuðu þessa mynd töpuðu fyrir Val í fuck leiknum

En ég og Valur höfum semsagt ákveðið að fara í veðmál sem snýr að okkar liðum í NBA, Chicago Bulls og San Antonio Spurs. Valur trúir í blindni á Bulls á meðan ég er Spurs maður.

Veðmálið snýst einfaldlega um það hvort liðið nær lengra í úrslitakeppninni. Ef bæði lið falla út í sömu umferð sigrar liðið sem kemst í fleiri leiki í lokarimmunni.

Í verðlaun er Swingman NBA treyja sem við munum panta brakandi nýja frá landi tækifæranna. Taparinn borgar treyjuna en sigurvegarinn sendingarkostnaðinn. Treyjan má kosta að hámarki 90 dollara og sigurvegari velur hvaða treyju hann vill fá.

Þar sem mig langar helst ekki í neinn núverandi San Antonio Spurs leikmann á treyju þegar ég vinn þetta veðmál þá hef ég verið að velta því fyrir mér hvern Valur hatar mest.

Lebron James

Svarið er einfalt. Lebron James. Þar af leiðandi mun hann verða fyrir valinu ef ég finn enga góða David Robinson treyju. Valur segist hafa litlar áhyggjur af þessu þar sem hann trúir því að Bulls muni verða meistarar.

Mest væri ég þó til í að finna góða Robinson treyju

Kíkjum aðeins á stöðuna í deildinni, mögulega andstæðinga og vangaveltur tölfræðispekinga.

Leikjauppröðun

Í NBA virkar úrslitakeppnin þannig að hún er útsláttarkeppni fyrir 8 efstu lið hvors riðils og leikjauppröðun er eftirfarandi:

Myndin er frá 2010

Samkvæmt þessari uppröðun þá lendir liðið sem vinnur sína deild á móti 8. sæti deildarinnar og lendir síðan á móti liðunum sem voru í 4.-5. sæti, o.s.frv.

Staðan í deildunum

San Antonio trónir öruggt á toppi Villta Vestursins

Á meðan Chicago er í harðri rimmu við Boston og Miami í toppslag Austursins

Það eru ennþá 16 leikir eftir í deildinni, sem geta breytt miklu. En það verður að teljast líklegt að Spurs taki vestrið og að Chicago haldi sér í efstu 3 sætunum í austrinu. Það hinsvegar skiptir töluvert meira máli fyrir Chicago, að mínu mati, að lenda í efstu 2 sætunum heldur en í sæti númer þrjú. Mun útskýra það hér að neðan.

Tölfræðisérfræðingar

NBA spekingar eru auðvitað alltaf með puttann á púlsinum þegar kemur að tölfræði og Valur sýndi mér síðu í gær sem reiknaði út úrslitaviðureign og sigurvegara, miðað við núverandi stöðu í deildinni.

Það eru 39,4% líkur á því að Bulls komist alla leið í úrslit og 21,6% líkur á því að þeir verði meistarar.

Það eru 24,6% líkur á því að Spurs komist alla leið í úrslit og 13,3% líkur á því að þeir verði meistarar.

Lakers eru líklegastir að mati spekinga eins og er, með 22,4% líkur. En næst á eftir koma Bulls og Spursararnir. Nánari útskýringar á þessari ört breytilegu tölfræði má finna hér.

Mögulegir Andstæðingar

Ég geri ráð fyrir að bæði Spurs og Bulls komist bæði áfram í aðra umferð, þó Valur sé harður á því að mínir menn í Spurs detti út strax á móti Memphis Grizzlies, eða því liði sem vermir botnsætið þegar deildin klárast. En kíkjum aðeins á þetta.

San Antonio Spurs

Hér má sjá Tony Parker, Tim Duncan og Ginobili missa af Steve Nash

Spurs endar í efsta sæti svo ég ætla ekkert að ræða aðra möguleika. Miðað við núverandi stöðu í deildinni þá setja þeir bjarnarkjöt á samlokuna sína í 2-3 vikur eftir að hafa misþyrmt Memphis Grizzlies í fyrstu umferð.

Í næstu umferð mæta þeir síðan sigurvegara Oklahoma Thunder og Denver Nuggets. Þar sem Denver eru vængbrotnir án Carmelo Anthony hef ég enga trú á því að þeir hafi það í sér að sigra Oklahoma með Durant í fararbroddi. Í einvígi á milli Spurs og Oklahoma tel ég að Spurs taki þá á stöðugleikanum og reynslunni. Oklahoma er hinsvegar ákveðið wildcard þar sem foringinn Durant er hrikalega mikið efni og búinn að vera stigahæstur í deildinni síðustu 2 ár. En allavega, eftir mikið rúst mun Spurs komast áfram.

Þá vandast málin. Þá taka þeir á móti Lakers, sem gerði sér lítið fyrir og rústaði bæði Portland og Dallas í samtals 8 leikjum. Til þess að vera raunsær þá er hægt að nefna að Lakers eru núverandi meistarar og með hrikalega góða leikmenn. Þeir eru viljandi búnir að vera að hvíla Kobe alltaf þegar þeir geta og eru með hrikalegt lið. Auðvitað rústar San Antonio þeim í 7 leikjum, ég segi það ekki. En það eru ákveðin áhætta komin í spilið á þessu stigi. Versta niðurstaðan væri 4-1 fyrir Lakers, sem vonandi gerist ekki. Hinsvegar þarf ég ekki að greina þetta frekar, þar sem Bulls mun ekki ná svona langt sín megin.

Augljósir veikleikar San Antonio Spurs eru þeir að bensíntankurinn hjá núverandi liði hlýtur að vera að fara að klárast. Síðustu ár hefur vantað allt hungur í þá, sérstaklega í úrslitakeppninni. Á þessu tímabili hafa þeir verið að spila mikið á breiddinni, sem er mjög góð hjá þeim. Leikmenn í liðinu hafa unnið úrslitakeppnina áður svo að reynsluna skortir ekki. En ég er hræddur um að þá skorti samt leikmann sem getur tekið leikinn í sínar hendur alltaf þegar þess þarf.

En snúum okkur að bulls.

Chicago Bulls

Svona myndir minna mann bara á körfuboltamyndir og gömlu góðu tímana

Að halda með Chicago Bulls er svipað og að halda með Liverpool. Liðið er búið að vera í mikilli lægð síðustu 10 ár líklega og áhangendur þess lifa á fornri frægð þess tíma þegar Jordan, Pippen, Horace Grant og Rodman að ógleymdum Einnar-Körfu-John Paxtons klæddust rauðu treyjunni. Hinsvegar þá hefur gengið verið að batna og Bulls komnir með leikmanninn sem Liverpool taldi sig hafa í Torres. Uppáhaldið þeirra Vals og Kidda hann Derek Rose verður að teljast einn af bestu leikmönnum deildarinnar. Fyrir utan hann eru þeir með Joakim Noah og Carlos Boozer sem einnig eru gríðarlega góðir. Ég þekki lítið til Bulls fyrir utan þessa þrjá, en þess má geta að þeir hafa sjaldnast verið heilir á sama tíma á þessu leiktímabili og staða þeirra í deildinni undirstrikar kannski hversu gott lið Bulls er komið með. En þeir eru ekki eina liðið sem hefur styrkt sig í austrinu.

Ef Bulls endar í 1. sæti munu þeir byrja á því að valta yfir Charlotte, sem hefur ekkert til brunns að bera nema Chris Paul, sem færir sig eflaust um set áður en langt um líður (Leiðrétting: Chris Paul er auðvitað í New Orleans Hornets - mikill feill af minni hálfu). Næst munu Bulls fá í heimsókn sigurvegarann úr Orlando - Atlanta. Það eru bara 2 ár síðan Orlando spilaði til úrslita svo að ég tel að súpermaðurinn Dwight Howard og Orlando mæti nautunum í þessari viðureign. Þessari viðuregin getur Bulls hæglega tapað. En segjum að Bulls komist alla leið í úrslit austursins. Þá erum við að tala um að þeir mæti annaðhvort Boston Celtics eða Miami Heat. Hérna er Bulls að fara að tapa. Boston kallarnir eru kannski á síðasta snúning, en þeir eru með rísandi stjörnur, sérstaklega Rajon Rondo. Miami Heat eru síðan kannski ekki búnir að smella fullkomlega saman, en ég tel að Lebron James, Dwayne Wade og Chris Bosh séu jafnvel að fara alla leið í úrslitin þetta árið.

Ef Bulls endar í 2. sæti munu þeir lenda á móti Miami eða Boston strax í annarri umferð. Ef þeir enda í 3. sæti munu þeir síðan hugsanlega lenda á móti New York í 1. umferð, sem er orðið nokkuð sterkt lið eftir komu Amare Stoudemire og Carmelo Anthony. Ég myndi halda að New York séu orðnir nokkuð skeinuhættir og liðið verður að teljast vera ákveðið wild card í austrinu eftir að karmelan bættist í hópinn. Ef þeir ynnu NY myndu bulls lenda á móti Miami eða Boston í annarri umferð.

Eins og ég sé þetta þá geta toppliðin í austurdeildinni orðið stór hindrun fyrir Bulls. Á meðan Spurs þarf aðallega að hafa áhyggjur af Lakers EÐA Dallas þá eru allar líkur á því að Bulls lendi í því að þurfa að vinna bæði Orlando OG Miami eða Boston. Í versta falli þrjú ef þeir fá Knicks í fyrstu umferð. Þetta myndi örugglega skila sér í þreytu hjá liðsmönnum Bulls sem vonandi yrði til þess að þeim yrði slátrað sem fyrst.

Rose er rísandi stjarna

Að mínu mati býr Bulls hinsvegar yfir gríðarlegum styrkleika. Þeir eru með ungt og ferskt lið og eru virkilega hungraðir í úrslitakeppninni. Áttu líklega eina skemmtilegustu rimmu fyrr og síðar fyrir 2 árum þegar þeir töpuðu fyrir Boston í 7 leikjum, þar sem einn leikurinn var þríframlengdur. Síðan eru þeir auðvitað komnir með mikinn liðsstyrk í Boozer sem gæti reynst dýrmætur ef þeir ná að halda lykilmönnum meiðslalausum þegar úrslitin byrja.

Líkleg Niðurstaða

Líklegasta niðurstaðan í þessu öllu er sú að Lakers vinni Spurs í 6 leikjum í vestrinu á meðan Chicago endar í 2. sæti í austrinu og lendir þar af leiðandi á móti Miami Heat í annarri umferð þar sem þeir tapa í 6 leikjum. Dwayne Wade mun gera út um þetta einvígi, enda mun ég klæðast treyjunni minni á meðan á því stendur.

Þetta gerir það að verkum að Valur mun tapa fyrir mér líkt og í öllu öðru og ég mun klæðast nýrri NBA treyju í byrjun sumars.

NBA Fantasy deildin verður að sjálfsögðu á sínum stað þegar úrslitakeppnin byrjar svo að nóg er nú hægt að veðja í kringum NBA.

Ef þið hafið skoðun á þessum málum hvet ég ykkur eindregið til þess að brydda upp á umræðu hérna í kommentunum. Held það séu hvergi jafn fjölbreyttir aðdáendur liða og þegar kemur að NBA.

Þess má geta að myndirnar í færslunni voru í boði Vals.

later

2011-03-12T11:03:00.007Z

Shiiiiit

Ég las grein um daginn eftir Ólínu Þorvarðardóttur. Hún var að tala um að þingið þyrfti nauðsynlega að setja frumvarp um 70-80% tekjuskatt á "ofurlaun" yfir 1.200 þúsund á mánuði. Ég reyni eftir fremsta megni að sneiða framhjá allri pólitík en ég komst eiginlega í uppnám við að lesa þetta. Ég varð eiginlega sorgmæddur yfir því að svona öfgalið væri á þingi starfandi sem fulltrúar þjóðarinnar. Ég var búinn að skrifa heilt blogg um þetta mál en ég hætti við að setja það inn. Maður gerir sér samt betur grein fyrir því að þessir þingmenn þekkja ekkert inn á rekstur fyrirtækja þegar maður les svona kommúnistaöfgar. Setjandi hærri skatta á fyrirtæki svo þau þurfi að verðleggja vörur hærra. Fólk tímir ekki að kaupa svona dýra hluti lengur svo það seljast færri vörur og fyrirtækin fara á hausinn. Meina hversu margar hverfisverslanamiðstöðvar hafiði séð veslast upp undanfarið? Svo á að skattleggja fólkið meira sem þýðir að minni peningur fer í umferð. Það er ekki eins og þetta hafi bara áhrif á bankastjóra. Læknar, sjómenn, verkfræðingar, stjórnendur í litlum- og meðalstórum fyrirtækjum og hellingur af virðisaukandi liði er í þessum flokki. Hagfræðin segir að þegar þú eyðir 1000 kalli í nammi í Hagkaup þá hefur þessi 1000 kall ákveðin margföldunaráhrif í samfélaginu. Margföldunaráhrif neyslunnar minnka því smátt og smátt þegar fólk heldur að sér höndum bæði þegar kemur að neyslu og fyrirtækjarekstri.

Það sorglegasta er að við sitjum líklega uppi með þetta lið í 2 ár í viðbót og það er eiginlega bara frekar líklegt að þau nái að hrekja burt allt menntafólk, sem er einn af styrkleikum Íslands í dag, áður en Sjálfstæðisflokkurinn vinnur yfirburðasigur í næstu kosningum. Ég hef ekkert á móti launaþrepum, þau eru notuð í flestum löndum í kringum okkur. En hvernig væri að fara varlega í skilgreiningarnar. Það ætti að taka þessa Ólínu af launaskrá undir eins og henda mánaðarlaunum hennar í Icesave í staðinn. En nóg um þetta kjeeeeftæði!

Það hefur ákveðið bakslag komið í magavöðvakeppnina hjá mér. Fyrir rúmri viku síðan í fótbolta þá byrjaði ég að sálast í bakinu á meðan ég var að hlaupa í bolta. Þrjóskan varð samt auðvitað til þess að ég hélt áfram og kláraði boltann. Daginn eftir gat ég ekki staðið, legið eða setið útaf sársauka í bakinu. Komst ekki í vinnu og var á verkjalyfjum alla helgina. Síðan þá hef ég ekki stundað neina hreyfingu en er að vona að ég geti farið að taka á því eftir helgi aftur. Ætla að gera ráð fyrir að þetta hafi verið útaf einhverju svindli í ræktinni, eða ójöfnu hlutfalli á milli magaæfinga og bakæfinga.

Þetta er samt kannski allt í lagi því Bjarki fór á fyllerí síðustu helgi.

Annað í fréttum er það að eftir þrjár vikur án þess að eiga bíl þá er ég búinn að fjárfesta í nýju stykki. Eftir frekar mikla leit og skoðun þá ákvað ég að fara aðeins hærra í verði en ég hafði hugsað mér þar sem það var lítið nothæft á bilinu 400-800 þúsund. Ég endaði á því að kaupa mér Subaru Impreza á tæpa milljón.

Hérna er kagginn

Ánægður með gripinn

Ég er búinn að fá einhver Selfoss skot í vinnunni útaf týpunni. En ég held að sá gaur sé bara súr því ég rústaði honum um daginn. Síðan hefur Boggi ljóti fóstbróðir líka kallað mig Selfyssing og aumingja. Sem er svosem ekkert óeðlilegt í okkar samskiptum.

Eftir að hafa skoðað bíla í þennan tíma þá er voðalega lítið úrval af fólksbílum með skotti á ágætis verði, a.m.k. ef þú ætlar ekki að borga alltof mikið fyrir þá. Ráðgjafarnir mínir, Pabbi, Stebbi fósturpabbi og Boggi eru allir sammála um að Subaru bili lítið og sé góður í endursölubíll svo ég varð frekar heitur fyrir þessari týpu. Prufukeyrði annan sem var aðeins eldri sem var hrikalega gaman að keyra svo ég ákvað að kýla bara á þennan þegar ég sá hann. Nýlega búið að skipta um tímareim, olíu á sjálfsskiptinguna, allan bremsubúnað og smurbókin hans er mjög góð. Sem þýðir að það eru engar sjáanlegar viðgerðir á næsta leiti. Fór með hann í ástandsskoðun þar sem ekkert slæmt kom fram nema nokkrar dældir og smá rispur á lakkinu við handföng. Hann er 2002 árgerð, keyrður 110 þúsund, með ný dekk og 2000 vél. Mjög skemmtilegur í akstri og fjórhjóladrifið kemur sér vel á vetrartíma.

En nóg um bíla. Eins glatað og mér finnst að vera bíllaus þá veit ég að eftir nokkrar vikur á ég eftir að taka þessum bíl sem sjálfssögðum hlut. Reyni nú samt að fara vel með hann þennan. Þetta þýðir að ég get farið að borða annað en Boost og Cheerios í kvöldmat aftur.

En svona til að leyna ekki heimskupörum mínum þá átti ég stórleik um daginn í bílamálum. Rúnar var svo góður að lána mér sendibíl í smá tíma eftir að ég klessti Lancerinn. Eitt kvöldið var ég að brumma á honum í mikilli rigningu og hann fór eitthvað að hiksta. Ég sagði Rúnari frá þessu og fannst þetta svipað tilfelli og þegar rafgeymirinn í gamla Mitsubishi Coltinum mínum var að gefa sig. Daginn eftir tala ég síðan við Stebba fósturpabba og hann spyr mig út í þetta. Þá kemur í ljós að ég hafði sett bensín í staðinn fyrir dísel á kaggann.

Það hafa því verið stöðug skot á mig heima frá Rúnari og Jóa, í vinnunni frá vinnufélögum og frá Stebba og Bogga varðandi árekstra og bensín síðustu 3 vikur. Ég er hinsvegar enginn sakleysingi þegar kemur að skotum. Gott saying er "If you can dish it out, you can take it" þannig að ég læt breitt og tognað bak móttaka þessar andlegu barsmíðar.

Annars þá er Rúnar búinn að vera mjög traustur í bílleysinu, lánaði mér fyrst sendibílinn og er búinn að skutla mér í vinnuna eftir að við skiluðum honum. Ég þakka honum kærlega fyrir hjálpina.

Ég og Rúnar að lenda í ævintýrum á báti sem var staddur töluvert nálægt Suðurpólnum

Einnig hafa Massa-Bragi og Bjarki tekið á sig skutl auk vinnufélaga sem voru nógu ólánsamir að búa í Grafarvogi og Grafarholti. Ég get sagt stoltur að ég tók ekki einu sinni strætó í bílleysinu. Enda er ég mikill hatursmaður íslenskra strætóbílsstjóra.

Á þessum tíma prufuðum við Bjarki að fara í sund til að synda fyrir vinnu einn daginn. Það endaði að sjálfsögðu á því að við fórum bara í gufu og pott. Daginn eftir beiluðum við báðir á sundinu. Held það sé best að halda sig bara við daginn. Maður skoðar þetta kannski aftur í sumar.

Eftir þessa helgi þá hef ég verið djammlaus og áfengislaus í mánuð. Allt útaf þessu átaki sem er í gangi. Um næstu helgi breytist það hinsvegar þegar ég fæ góða gesti úr gamla Rekstrarverkfræðibekknum í HR. Ég ætla að drekka frá mér allar leifar af þessum magavöðvum sem eftir standa og gott betur. Segi svona, kannski tími ég ekki að drekka neitt af ráði ef ég verð kominn af stað aftur. Sjáum til.

later

2011-03-01T20:43:00.005Z

Veðmál & Magavöðvar

Um daginn fór ég út á land og veiddi hangidýr. Síðan eldaði ég hangikjöt. Daginn eftir setti ég rauðrófu ofan í jörðina. Hún kom hvít upp. Ég gaf Val hana. Hann valdi að gangast ekki við henni svo hann gekk frá henni. Síðan flaug hann í burtu. Ég fílaði hvítrófuna í ræmur. Fílar nýtast vel í nákvæmnisvinnu. Ég ákvað í skyndi að gerast uppgefinn. Svo komst ég ekki aftur niður. Ég var sofandi þegar þyrla þyrlaði upp leikfangaþyrlu sem var undir þyrlu sem ég svaf í á þyrlupalli. Ég beið ekki boðanna sem voru á leiðinni í pósti og fór út á tún. Þar sá ég fisk sem var á þurru landi. Túnfiskur. Ég hitti kláran mann á túninu. Hann var ekki vitlaus. Hann var vitfastur. Hann sagðist vera Prófastur. Hann sagði mér sögu frá því þegar hann læsti sig inni í prófi. Þá var hann próffastur. Það rann á hann kjaftæði. Það sem hann sagði var kjaftæði. Hann talaði hátt. Ég hlustaði lágt. Ég náði honum ekki. Hann náði mér ekki. Ég komst því undan. Dyrum á neðri hæðinni var rétt í þessu lokið upp. Á borðinu er gosdós með lokið niður. Þessu er lokið.

Ég vona að Chelsea skori 5 mörk á United menn á meðan ég skrifa þessa færslu. Hvers vegna er Drogba ekki inná annars? Hvað hefur Torres gert? Hver er núverandi markakóngur deildarinnar? Að sjálfsögðu hinn margslungni refur hann Drogba. En nóg um enska.

Ég og þöngulhausinn hann Bjarki ákváðum að fara í veðmál til þess að hvetja okkur áfram í ræktinni. Hingað til er það að virka mjög hvetjandi. Ég hef mætt í fótbolta eða rækt á hverjum degi í tvær vikur í röð, ekkert djammað og ég vona að þessi dugnaður haldi áfram í tvo mánuði í viðbót.

Ég, Bjarki og Gulli í 'gamla daga' þegar við Bjarki drukkum ennþá bjór

Veðmálið snýst um það að vera kominn með sixpack 30. apríl árið 2011. Sixpackinn verður að vera sjáanlegur og það er leyfilegt að spenna magann. Við höfum ekki alveg ákveðið hvort það verði dómnefnd eða ekki en við erum búnir að taka "fyrir" myndir sem verða sýndar ef ég næ sixpack. Annars verða þær ekki sýndar. Bjarka myndir verða sýndar hvernig sem fer.

Til þess að skjalfesta þetta allt saman þá verða verðlaunin eftirfarandi:

Enginn Sigurvegari

Keppnin mun halda áfram til 1. júní 2011.

Tveir Sigurvegarar

Sigurvegarar munu fara saman í baðstofuna og gera sér glaðan dag.

Einn Sigurvegari

Sigurvegara skal vera boðið í baðstofuna í World Class Laugum af tapara. Taparinn skal borga inn í baðstofuna og splæsa mat og 3 bjórum á sigurvegara.

Sigurvegari mun fá að skrifa þrjá statusa á Facebook taparans undir nafni taparans.

Sigurvegari mun fá að hringja í taparann þrisvar sinnum og biðja hann um að koma að sækja sig í bæinn. Engu máli skiptir hversu margt klukkan er orðin, taparinn mun einfaldlega þurfa að fara á fætur og sækja sigurvegarann. Ef svo fer að tapari og sigurvegari verði ávallt djammandi á sömu tímum þá munu reglurnar breytast 1. september. Þá má sigurvegari hringja í tapara og skipa honum að hitta sig í bænum og láta sig fá pening fyrir leigubíl heim. Upphæðin skal vera rúmlegt fargjald svo hún dugi örugglega heim.

Ég hef í gegnum tíðina ekki verið með nammiþörf. Þegar ég var yngri keypti ég vanalega helling af nammi í fríhöfninni þegar ég kom frá útlöndum en endaði á því að láta vini mína éta það frá mér hægt og rólega. En strax á mánudeginum fyrir viku, degi eftir að veðmálið byrjaði, þá langaði mig hrikalega í nammi. Það er einhver einföld sálfræði á bakvið þetta.

Ég hef aðeins einu sinni verið með sjáanlegan sixpack á ævi minni. Það var minnir mig rétt fyrir jólin 2005. Það varði ekki í langan tíma. Á þeim tíma var ég að lyfta í Sporthúsinu með Jóa og Kidda. Ég var búinn að vera duglegur í einhvern tíma í ræktinni og eitt kvöldið leit ég í spegil og sá að ég var með sixpack í slökun. Ég var endanlega sáttur. Þetta var á fimmtudegi. Ég tók tvöfalda helgi og hef ekki séð hann aftur.

Ég er nokkuð bjartsýnn á það að ég geti náð honum tilbaka. Ég er í tveimur fótboltum í viku, hita upp í 10-20 mínútur fyrir hverja æfingu og hef merkt samviskusamlega hversu margar magaæfingar og bakfettur ég hef tekið hingað til. Einnig er ég að vinna í mataræðinu þar sem hollt fæði er sífellt að koma í stað óhollara fæðis.

Mikilvæg spurning er líklega þessi. Geta hlutir breyst?

Ég er fullviss um það. Því til stuðnings eru næstu tvær myndir.

Einu sinni var ég ekki með hár

En Bjarki var með hár

Við vitum nú flest hvernig það hefur þróast. Þannig að já. Hlutir geta breyst.

Eins og staðan er í dag er Bjarki með 16% fituprósentu og ef ég ætti að giska þá held ég að ég sé með í kringum 10-15%. Ef ég skil þetta rétt þá þarf ég að passa mig að borða aðeins færri hitaeiningar yfir daginn en ég brenni. Þá mun líkaminn ganga á fituforðann. Á sama tíma þarf ég að vera duglegur að hlaupa/brenna og mæta í ræktina. Fólk hefur náttúrulega hundraðþúsundmilljón mismunandi skoðanir á öllum þessum hlutum sem snerta á líkamsrækt, en ég held að þetta sé hlutur sem er bara staðreynd. Fleiri leiðir til þess að lækka fituprósentuna kann ég ekki.

Ég held að Chelsea hafi án gríns skorað 5 mörk á meðan ég skrifaði þessa færslu. Þetta veit ég því Jói er að gera sitt besta til þess að brjóta húsið í sundur á neðri hæðinni á meðan hann spyr einhvern, sem ég veit ekki hver er, hvort hann sé að grínast.

later

2011-02-19T22:54:00.009Z

Árekstur

Var á leiðinni heim úr vinnunni á fimmtudaginn. Ég hafði farið af Lynghálsinum niður á Kirkjusand á fundi og til að fylgja eftir notkun kerfis sem ég hannaði ásamt öðrum. Á leiðinni niðureftir mældi ég kílómetrafjöldann á Miklubrautarleiðinni. Ég ætlaði að athuga hina leiðina núna. Ég keyrði austur á Sæbrautinni og við ljósin á Shell stöðvuðu bílarnir á undan mér á grænu ljósi. Ég var ekki að fylgjast með á því augnabliki sem þeir stoppuðu og þegar ég leit upp var óhemju stutt í næsta bíl. Of stutt.

Búmm

Allt sem var laust í bílnum tók sér stöðu í framrúðunni. Hausinn á mér reyndi að komast þangað en beltið bannaði honum það. Sólgleraugun skiluðu sér samt á áfangastað. Hurðin vildi ekki opnast almennilega og það var ekkert rafmagn á bílnum. Sóun að tapa "Rólegt Rokk" geisladisknum mínum. Hann er solid. Get alltaf skrifað nýjan.

Einkennilegt að í þessa einu sekúndu sem ég var að negla á bremsuna, vitandi að ég væri að fara að lenda aftan á jeppanum þá sá ég fyrir mér bílaviðgerð og tryggingarfélag. Í gegnum huga minn þaut orðið "VEEEEEEEESEEEEEEN" ótrúlega hægt.

Jæja, illu er best af lokið. Ég lendi á jeppanum harkalega. Ég er nokkuð góður fyrir utan smá dofa í brjóstkassanum og hausnum auk þess að hálsinn er stífur. Ég hefði kannski átt að taka háls í ræktinni daginn áður. Þetta var einhvernveginn of lítilvægt atriði til þess að hugsa of mikið um það. Nóg annað til að hugsa um í lífinu. Nóg af alvöru vandamálum. Bíll er bíll og ég er ennþá sprelllifandi. Ég stíg út úr bílnum og spjalla við kallinn í hinum bílnum. Það er allt í lagi með hann sem betur fer. Það væri leiðinlegt að slasa einhvern annan útaf sínu eigin einbeitingarleysi. Hlutirnir gerast hratt í umferðinni. Það verður vesen fyrir hann að fá sanngjarna meðferð hjá tryggingarfélögum með þennan gamla jeppa. Ég hringi eitt símtal, sest inn í bíl og byrja að fylla út skýrslu. Hún er síðan óþörf þar sem Árekstur.is er á leiðinni. Þvílík snilldarhugmynd að fyrirtæki.

Ég lít vestur í átt að Laugarásbíó. Þvílík umferðarteppa. Það er ekki hægt að segja að maður láti lítið fara fyrir sér. Bíll við bíl eins langt og augað eygir. Ég forðast að horfa í augu ökumanna sem eru misánægðir með þróun mála. Bíllinn minn er í rúst. Ég mun sakna hans. Þetta var góður bíll. Þægilegur í akstri og lúmskt kraftmikill. Ætli ég mæli ekki Sæbrautarleiðina bara seinna.

Núna er ég með höfuðverk sem stigmagnast. Ég er sitjandi við tölvuskjáinn tveimur dögum eftir áreksturinn. Ég hugsa "Afhverju sprakk ekki loftpúðinn? Voru Japanirnir í Mitsubishi eitthvað að spara?"

Kannski hefði það ekki verið betra að fá hann framan í sig. Þetta er líklega í fyrsta og eina skipti sem ég hugsa þetta, en ég hálfvona að ég sé að fá flensu.

Mun ég fá mér fimmta Mitsubishi-inn eða er tímabært að skoða fleiri valmöguleika? Þetta mun allt skýrast betur á næstu vikunni geri ég ráð fyrir. Ég ætla að leggjast upp í rúm með góða bók og sjá hvort höfuðverkurinn hverfi ekki. Það er eins gott að ég vakni á morgun.

Hvíl í friði MI 050.

later

2011-02-14T23:48:00.009Z

Justin Bieber

Eins og þið hafið eflaust öll lesið þá voru að berast skelfilegar fréttir af stórvini okkar allra honum Justin Bieber. Bíbzen er að detta í mútur og getur víst ekki náð þessum glimrandi háu tónum sem eru búnir að bleyta ungbarnap***r um alla heimsbyggð undanfarin misseri. Það er hægt að lesa nánar um þessa hluti hér.

Það vita það líklega allir líka að lagið hans Jay-B með Ludacris, sem heitir auðvitað Baby, er mest spilaða myndband ALLRA TÍMA á youtube. Það undursamlega lag má nálgast hér. Hann á einnig lag sem er númer 6 á þessum lista og það heitir einfaldlega "One Time", sem fjallar um það hversu oft hann ríður sömu stelpunni áður en hann kippir næstu spangarstelpu úr biðröðinni sem er fyrir utan herbergið hans.

Ég hef orðið vitni að því ótalmörgum sinnum að frægt fólk og fólk almennt sé með eitthvað skítkast út í þennan gullmola af manneskju og ég skil það ekki. Það er ekki hægt að finna neina rökrétta útskýringu á því nema bara að fólk sé öfundsjúkt. Meina, hver myndi ekki skipta um stað við Bieberinn?

En það að hann sé að fara í mútur er mikið áhyggjumál fyrir okkur aðdáendur hans og hefur leitt til þess að ég hef farið að hugsa aðeins um framtíð vinar míns.

Ég og J-Dawg bara að hanga og tjilla

Nú vitum við öll um nokkrar barnastjörnur sem hafa gert það mjög gott síðar á lífsleiðinni.

Justin Timberlake, Britney Spears og Christina Aguiliera voru til dæmis öll í Mikka Mús klúbb Disney á sínum yngri árum.

J.T. er augljóst dæmi um velgengni. Hann hefur haldið sig á beinu brautinni alveg eftir N*Sync tónlistarlega séð, sullandi í hágæða leikkonuskinkum og svo framvegis. Líka leikið í góðum myndum á borð við Alpha Dog og náði almennt að snúa pussulegum bakgrunni mjög vel yfir í það að vera mjög svalur.

Sjáiði hvað hún er dirty??

Britney Spears er svipað dæmi. Átti marga hittara þegar hún var ung og saklaus. Ég fór einu sinni á svona "State fair" sem er í raun bara Tívolí í Bandaríkjunum þegar ég var í sumarbúðum í New York fylki. Ég fjárfesti í einni mynd af henni sem var ítrekað notuð í almenningssturtuklefanum þegar fáir voru á ferli. Strákar í 10. bekk hafa sínar þarfir. Síðan fór hún auðvitað í ruglið en var að senda töff lög frá sér á meðan. Plús að hún varð mellulega heit. Hún er klárlega í hópi svalra tónlistarmanna.

Rólex vinkona!!

Þá erum við komin að Christina Aguiliera. Það muna náttúrulega allir eftir laginu Genie in a Bottle. "I'm a Genie in a bottle, you've gotta rub me the right way". Það gefur auga leið hvað þetta þýðir. Eina spursmálið er hvort það eigi að nota tungu, putta eða getnaðarlim í þetta rub sem hún vill að sé gert rétt. Hún stóð sig líka í Let's get dirty með Redman á sínum tíma. Hitt dótið hennar og myndirnar hafa reyndar farið vel á mis við mig en það er ekki hægt að deila um það að hún er stórstjarna sem hefur notið velgengni.

Elijah Wood

Ef við lítum síðan á aðra barnastjörnu úr leikaraiðnaðinum sem hefur gert það gott er það auðvitað hann Elijah Wood. Sem barnastjarna stóð hann alltaf í skugga annarrar stjörnu sem fellur ekki í sama flokk og fyrrnefndir. Elijah hinsvegar var í besta kvikmyndaþríleik sem gerður hefur verið, já ég sagði það, Lord of the Rings. Fyrir utan þær snilldir var hann eitraður í Sin City og síðast en ekki síst Green Street Hooligans sem er virkilega góð.

Næsta stjarna á listanum er stærsta barnastjarna allra tíma, fyrir utan kannski Michael Jackson sem virðist hafa alveg gleymst á þessum lista. Það er líka allt í lagi, hann er dauður og svartur.

Djók þetta með svartur. Ekki samt því hann var hvítur. Æ fokk it.

Hver man ekki eftir Macaulay Culkin?

Culkarinn flottur

Gaurinn lék að sjálfsögðu í Home alone 1 & 2, Richie Rich og My Girl (sem ég samþykki að hafa fellt tár yfir sem krakki). Auk þess lék hann í þrillernum The Good Son á móti Elijah Wood. Hversu mikill evil bastard krakki sem hann var í henni þá var hann skugglega svalur líka. En Home Alone er mynd sem jafnvel börn í svörtustu Afríku hafa séð (gef mér það bara).

Hver getur samt sagt mér hvað hann er að gera í dag?

Nákvæmlega. Hérna kemur smá reality check. Augljóslega er hann hættur að leika í vinsælum kvikmyndum. Hann er leikandi í einhverjum no-name loser-ass leikritum sem enginn heyrir um. Ofan á það er gaurinn orðinn ljótari en svartsýnustu spámenn þorðu að spá fyrir um og til að kóróna allt saman þá hætti Mila Kunis, sjóðandi heit leikkona, með honum um daginn. Culkin er bara fokking aumingi í dag.

Mila Kunis... Flugvélin er á leiðinni! Upp í munn og ofan í maga!

Serial Grapist

Ok, ok, ég er kannski fullharður við hann. Culkin er frægur, moldríkur og hefur líklega riðið Milu Kunis margfalt oftar en hann reið Michael Jackson í Neverland búgarðinum í den. En ef maður lítur á ferilinn þá varð ekkert úr honum. Gaurinn bara hvarf.

Og núna 17 árum eftir að ferillinn fór í vaskinn hjá Macaulay Culkin hefur heimsbyggðin loksins eignast ámóta skæra barnastjörnu sem glímir við það stóra vandamál að vera byrjuð í mútum.

Hvert liggur leiðin eiginlega fyrir okkar ástkæra Bieber? Mun hann feta sömu slóð og Culkin. Ekki séns Jens! (e. No Way Jose!)

Það er vandi að spá fyrir um þetta en ég reikna með að tíminn muni leiða þetta í ljós. Áfram J.B.!

later

2011-02-10T04:30:00.005Z

Furðulegt

Ég sofnaði greinilega um hálf níu í gær, eftir að hafa verið hálf sofandi í rúminu frá svona hálf sjö. Ég vaknaði síðan aftur tæplega fjögur. Þar sem ég er búinn að sofa í allavega 7 tíma samfellt þá veit ég ekki alveg hvernig ég á að túlka þetta. Er skíthræddur við að vera að fá þessa flensu sem hefur verið að ganga. Það er að sjálfsögðu ekki í boði þar sem það er bolti í kvöld. Síðasti fimmtudagsbolti var einn sá hrikalegasti sem ég man eftir svo að ég mun gera mitt besta til að komast í hann.

En ég var að velta einu fyrir mér um daginn. Í gamla daga þegar ég var á bilinu 18-22 ára var fólk oft að benda mér á það að ég ætti tvífara. Fólk skiptist í satt að segja í tvo hópa, segjandi að ég liti út eins og þessir tveir.

Robbie Willams

Ben Stiller

Ég fékk oft að heyra þetta og oft labbaði fólk upp að mér sem ég þekkti ekki og sagði að ég líktist þeim. Hinsvegar þá virðist síaukið hár hafa breytt þessum samlíkingum. Núna hef ég fengið að heyra að ég líkist þessum þremur gaurum oftar en einu sinni, þó ekki í sama mæli og Stiller og Robbie á sínum tíma.

John Krasinski sem leikur Jim í The Office

Zachary Levi sem leikur Chuck, úr sjónvarpsþáttunum Chuck

Enginn annar en Michael C. Hall úr Dexter

Ég er ekki alveg dómbær um það hvort ég líkist þessum mönnum eitthvað af ráði. Pálmar vildi á sínum tíma líka meina að ég og Erik vinur hans værum tvífarar. Svo vill Valur líka meina að ég og Justin Bieber séum tvífarar. En ég fer varlega í að trúa því sem Valur segir um mig. Það sem ég tel að þessir menn eigi sameiginlegt meira en allt annað er að þeir eru allir með ágætlega stór eyru. Ég dreg því þá ályktun að það sé nóg að vera með nokkuð stór eyru til þess að fá samlíkingu við einhverjar hetjur. Það er gott að þau þjóna einhverjum tilgangi, þar sem ég virðist ekki heyra neitt betur en hver annar.

Talandi um fræga meli þá hef ég verið að hlusta á einn umdeildan rappara undanfarið, hann Kanye West. Þó hann hafi skitið á sig á verðlaunahátíðum, í ræðum og verið tekinn fyrir í South Park þá er sú staðreynd um það hvort hann sé virkilega góður tónlistarmaður hinsvegar ekki umdeild. Hann gaf út disk seint á síðasta ári sem er eiginlega allt öðruvísi en rapp hefur verið hingað til. Hann er farinn að blanda electro töktum við rappið hjá sér auk þess að nota sound fx á röddina á sér og diskurinn er vægast samt funky. En ég er að fíla hann vel. Diskurinn er persónulegri, myrkari og grófari textalega en hinir diskarnir sem fjölluðu fullmikið um peninga og upptalningu á tískufatamerkjum sem fóru í innkaupapokann hans. Mæli með lögunum Gorgeous, Runaway og Blame Game sérstaklega.

Ég ætla að gera tilraun til þess að sofa aðeins lengur. Ég skil ykkur eftir með teaserinn sem ég gerði af ferðalagi okkar strákanna í Ástralíu. Ég elska þetta myndband þar sem það vekur upp hrikalega góðar minningar. Þar sem ég er kominn með gott kvikmyndaforrit má búast við því að ég fari að vinna fleiri myndbönd á næstunni.

later

2011-02-05T16:09:00.003Z

Djammsögur

Ég lenti í fyndnu atviki í gær. Ég kíkti á Bjarka, Gulla og Pálmar á Zimsen um ellefu. Ég byrjaði að fá mér nokkra drykki þar með þeim. Bjarki var vel sósaður og hvarf eftir svona 2 tíma. Ég var nýbúinn að kaupa drykki fyrir okkur báða sem ég auðvitað þurfti þá að klára sjálfur.

Ég, Pálmar og Gulli kíktum síðan á B5 þar sem við fundum Bjarka aftur. Hann var jafnvel hressari en áður. Ég rölti með honum niður á klósett þar sem hann var með hrikalega stæla út í allt og alla, kennandi fólki á lífið. Eftir að við erum búnir að pissa þá öskrar hann allt í einu á einhvern svertingja upp úr þurru og neglir síðan Smirnoff Ice flösku í hornið á innréttingunni sem mölbrotnar. Síðan strunsar hann út. Ég náði ekki alveg hvað það var sem hann sagði, en það var ekki kurteist.

Ég vissi ekki alveg hvað ég átti að gera svo ég labbaði upp að svertingjanum.

Ég: Hey man! Sorry about my friend, he's just very drunk right now.

Svertinginn: Ha? Hvað meinaru?

Ég: Uhh

Síðan labbaði svertinginn með dyraverði og lét henda Bjarka út.

Fáránlega gott kvöld samt.

later

2011-02-01T22:16:00.006Z

Samansafn

Ég er ekki búinn að setja neitt inn í langan tíma á þessa netdagbók mína. Það er mikið búið að ganga á síðan síðast. Ég er kominn með vinnu, ég er fluttur á nýjan stað, vinir komu og fóru í jólafríinu og ég er búinn að kynnast nýju fólki.

Það voru góð jól þetta árið. Díana systir mín og Kath kærastan hennar komu í heimsókn og eyddu hátíðinni með okkur. Pabbi sýndi mér að hann tekur mig ennþá auðveldlega í skák þegar hann er ekki fullur. Mamma klikkar ekki frekar en fyrri daginn í eldhúsinu. Díana gjörsigraði okkur systkinin og Kath í The New World. Við gáfum Írisi litlu systur mjög flott hljómborð saman og ég held að hún sé mjög ánægð með gjöfina. Jónas kom til landsins líka og hitti okkur strákana í póker, guitar hero og bjór auk þess sem hann tók góðan hádegismat með atvinnulausu verkfræðivinum sínum, mér og Kidda. Ástralíu-Bjössi mætti til að vera viðstaddur jarðarför NHL-ferils síns. Gajen, vinur okkar Kidda frá Ástralíu, kom líka með Ásgerði kærustu sinni til landsins og við Kiddi tókum hann á bæjarrölt einn daginn og fyllerí annan.

Ég hugsa ennþá til Ástralíu á hverjum degi. Vinirnir, fjölskyldan, staðirnir sem maður ólst upp á og umhverfið sem maður þekkir er hér. Samt er ég farinn að efast um Thule auglýsingarnar. Er Ísland virkilega besta land í heimi? Kannski hefði verið betra að alast upp og festa rætur annarsstaðar. Ef ég hefði engar rætur hér myndi ég kaupa mér miða aðra leið tilbaka. Að labba út í myrkur á hverjum degi og fara heim í myrkri hefur ekki góð áhrif á sálina. Kuldinn virðist hafa þau áhrif á mann að maður verður ofvirkari, stressaðri og keyrir hraðar en maður myndi gera þar sem birtan og hitinn tekur á móti manni í morgunsárið. Handboltalandsliðið, góða vatnið, mengunarleysið og lauslátar stelpur eru ákveðið sérkenni fyrir Ísland hef ég lært, en þeir hlutir eru oft skammgóður vermir. Hérna heima virðist maður alltaf fá það á tilfinninguna að maður hafi sóað deginum ef maður gerir ekki eitthvað af viti eftir vinnu. Ég held það sé myrkrið. Það lokar þig inni. Úti var nóg að taka stutt rölt um hverfið undir sólinni til að vera sáttur með að hafa áorkað einhverju. Dýralífið var líka einn af hlutunum sem ég elskaði mest. Þó ég hafi aðallega klófest snigla og kakkalakka var úr nógu að taka þarna úti.

Mynd segir meira en þúsund orð. En að vera þarna var umfram allt annað.

Ég hef ekkert á móti Íslandi. Ég myndi búa hér frekar en á mörgum stöðum í heiminum. Ég elska alla kosti landsins og marga af göllunum. Annað væri fáránlegt. Maður hefur alist upp með góðan bita af þjóðerniskennd. En hvort ég elski Ísland meira en Þjóðverji elskar Þýskaland er ekkert víst. Maður skilur að minnsta kosti betur hvers vegna fæstir flytjast búferlum þegar rætur eru festar. Þetta er eflaust einhver áunnin víðsýni sem kemur með því að búa erlendis.

Hversu fallegur er þessi dagur?

Um áramótin lenti Pétur, kærasti Önnu sem er dóttir Stebba og Signhildar, í skelfilegu slysi. Hann féll niður af bjargi í skíðafjalli í Austurríki og lamaðist fyrir neðan mitti. Þau eru komin heim núna og eru jákvæð á framhaldið. Hann er byrjaður í endurhæfingu og hún er farin að leita sér að vinnu. Þau eru sterkir persónuleikar og ég vona að þeim eigi eftir að vegna vel. Ég hef ekki trú á öðru.

Um miðjan janúar flutti ég út frá Stebba og Signhildi. Þau eru frábær. Ég hef ekki kynnst neinum stað þar sem báðir fætur eru á jörðinni eins og þar. Mér hefur sjaldan eða aldrei liðið jafn vel og þessi tvö skipti sem ég hef búið hjá þeim. Án þess að aðrir sem ég hef búið með þurfi að taka það til sín. Það er heldur ekki leiðinlegt að eiga góðan vin sem er eldri og feitari en maður sjálfur. Kisan þeirra, Cameron Dísa, tók sérstöku ástfóstri við mig á meðan ég var hjá þeim. Síðast þegar ég fór í heimsókn lagðist hún á bakið með útglennta fætur. Þá hætti mér að lítast á blikuna. En ég fer frá þeim sáttur og þakklátur.

Ég flutti ekki á síðri stað. Nú bý ég í Grafarvogi með Rúnari og Jóhanni Braga í stóru parhúsi. Ég og Rúnar deilum stórri efri hæðinni á meðan Jói ræður yfir neðri hæðinni. Af hræðslu við innbrotsþjófa ætla ég ekki að fara nánar út í þessa fáránlegu aðstöðu sem við erum búnir að koma okkur upp. Ef Rúnar hefði ekki gert samning við Bjössa (sem þeir skrifuðu báðir undir) varðandi ræktarátak sem takmarkar drykkju beggja aðila væri eflaust gubbudjamm hérna um hverja helgi. En það er kannski ágætt. Ég mætti alveg vera duglegri að hreyfa mig sjálfur. Ég var reyndar að koma úr ræktinni og er kominn í tvo vikulega fótbolta, en ég held ég reyni að auka þetta jafnt og þétt. Heitur matur í hádeginu er hættulegur til lengdar.

Eins og ég sagði þá er ég kominn með vinnu. Ég byrjaði fyrir stuttu hjá Íslandsbanka og er að vinna þar í Fjármála- og viðskiptagreindarlausnum. Starfstitillinn lýsir starfi mínu sem ráðgjafa í viðskiptaforriti sem heitir SAP. Starfið virðist felast svolítið í því að gera þarfagreiningu hjá þeim sem nota forritið innanhúss, hugsa hvernig hlutir megi betur fara og búa til lausnir við þeim vandamálum eða hlutum sem þau vilja gera betur í forritinu. Þetta er ekki forritun þó þetta sé tengt inn á IT sviðið (Information Technology). Ég reikna með að það verði lengri lærdómstími í þessu starfi heldur en í lyfjageiranum þar sem starfið er mjög sérhæft. Síðustu vikur hef ég verið frekar búinn á því andlega eftir vinnu, enda mikið af upplýsingum að taka inn á meðan maður er ennþá að læra. Ég er meira að segja farinn að sofa tiltölulega snemma á kvöldin. Ég reikna með að það sé ásamt annasömu jólafríi og flutningum ein af ástæðunum fyrir því að ég er búinn að vanrækja síðuna.

Laugardaginn eftir að ég hóf störf var Stefnumótunardagur bankans, sem er árlegur viðburður, þar sem fólk gerði ýmis verkefni, horfði á Ísland-Þýskaland og fór síðan út að borða eftir á. Þar náði ég að kynnast liðinu aðeins betur og það er óhætt að segja að mér lítist vel á fólkið sem ég vinn með og starfið sem ég er í. Bankinn virðist líka koma mjög vel fram við starfsfólkið sitt svo að ég hef ekkert nema góða tilfinningu fyrir framhaldinu. Það sakar +ekki að það sé fótbolti í hádeginu á þriðjudögum. Var valtað yfir mitt lið í fyrsta boltanum reyndar, en í dag náðum við að klóra fram 5-3 sigur þar sem ég náði meira að segja að pota tveimur mörkum inn.

Ég er búinn að lesa nokkrar bækur síðan í jólafríinu. Ég las Morgunengill eftir Árna Þórarinsson, Ódáðahraun eftir Stefán Mána, Harðskafa eftir Arnald Indriða, Desperation eftir Stephen King, Ég man þig eftir Yrsu Sigurðar og The Pelican Brief eftir John Grisham. Af þessum mæli ég eiginlega mest með Ég man þig eftir Yrsu Sigurðar. Ég var á köflum skíthræddur einn í rúminu mínu og átti erfitt með svefn eina nóttina. Ég er ekki vanur að lesa hrollvekjur en ég reikna með að setja þær inn í prógrammið héðan í frá. Ég er núna að lesa Skipið eftir Stefán Mána sem ég hef heyrt góða hluti um og stefni á að taka Svartur á leik eftir hann næst. Hún er víst hrikalega öflug. Ég er einnig með The Stand eftir Stephen King sem ég tók eiginlega bara því kvikmyndin er á topp 250 á imdb. Býst við miklu.

Ég fékk sendan playlista frá vinkonu minni um daginn og í kjölfarið sótti ég disk með hljómsveit sem heitir Two Door Cinema Club. Þó þetta sé ekki tónlist sem ég hlusta á öllu jöfnu þá get ég ekki neitað að hann er gríðarlega góður. Diskurinn heitir Tourist History og er svona indie, electro. Annar góður er diskur sem Kiddi spilaði mikið í Ástralíu. Hann er með The Roots og heitir How I got over. Svona þægilegur hip-hop diskur með góðum töktum, textum og viðlögum. Mæli með þessu.

Fortíðarþráin er að gera útaf við mig!

Mig langaði til þess að koma með trailer fyrir Ástralíuferðina með þessari færslu en það eru tæknilegir örðugleikar að koma í veg fyrir að ég nái að klára hann. Ég hlakka hinsvegar rosalega til að klára hann. Þvílík ferð. Þvílíkt magn af efni sem við eigum úr henni. Hápunkturinn er líklega Drop Bear efnið, sem er eitt hættulegasta dýr Ástralíu og jafnframt það sem drepur flesta menn þar á ári hverju. Síðan á ég ennþá eftir að klára smíðamyndbandið sem ég lofaði Jónasi fyrir 4 mánuðum.

Þar sem ný rútínan fer að venjast býst ég við því að hafa aðeins meiri tíma til að setja inn hluti hingað. Einnig vona ég að nýja xbox tölvan hafi hvetjandi áhrif á vinahittinga. Og síða hárið hafi góð áhrif á stelpurnar. Segi svona.

later

2010-12-14T18:40:00.004Z

WikiWikileaks

Þetta Wikileaks mál er allt saman mjög áhugavert og skemmtilegt. Það teygir þó anga sína víðar en fólk veit.

Þannig er mál með vexti að okkar Kiddi heitir réttu nafni Kristinn Friðrik Hrafnsson. Á sama tíma er maður til sem heitir Kristinn Hrafnsson, sem er einn af aðaltalsmönnum Wikileaks. Sá maður hefur verið endalaust í fréttunum undanfarið. Pálmar vissi samt ekki hver Kristinn Hrafnsson væri.

Þetta er Kristinn Hrafnsson

Þetta er Kristinn Friðrik Hrafnsson

En þar sem það ríkir mikið fjölmiðlafár yfir Kristni Hrafnssyni þessa dagana hefur það atvikast þannig að fólk hefur haft samband við Kidda, Kristinn Friðrik Hrafnsson, fyrir mistök. Hann áætlar í kringum 15-20 skipti þar sem einhver hefur haft samband við hann í gegnum Facebook, email eða síma. Þar af leiðandi setti hann inn nýja display mynd á Facebook.

Nýja Display myndin hans Kidda

Um daginn vorum við Kiddi síðan að spjalla um þessi mál eftir að hann fékk tölvupóst frá einhverjum fréttamanni þar sem hinn raunverulegi Wikileaks-Kristinn var áfastur, auk þess sem fréttamenn frá Morgunblaðinu, Fréttablaðinu og Egill Helgason úr Silfri Egils voru áfastir.

Ég lagði til að best væri að hóta þeim að setja á laggirnar síðu sem héti Wikiwikileaks þar sem hann myndi leka þeim upplýsingum sem hann væri að fá fyrir slysni á netið. Hann gæti þá komið með yfirlýsingu í fjölmiðlum um að "Wikiwikileaks myndi opinbera 15 skjöl á netinu þann 20. desember 2010". Ég gæti síðan jafnvel lekið þeim upplýsingum sem hann væri að sýna mér á síðu sem yrði kölluð Wiki-wiki-wikileaks.

Við vorum síðan sammála um það að ef hann myndi hóta einhverju útaf þessum upplýsingaleka þá þyrfti það að vera frekar fáránlegt svo að Kiddi myndi ekki fá fjárkúgunarákæru sér á hendur í kjölfar svarsins.

Þannig að Kiddi setti saman gott email sem hann sendi á alla sem voru í mailinu og ég ætla að sýna það í heild sinni hér að neðan:

Sælir drengir

Gaman að segja frá því að þetta er í svona fimmtánda skipti (ekki það að ég sé að telja eða eitthvað) sem það er haft samband við mig út af WikiLeaks einungis vegna þess að ég ber hið kyngimagnaða nafn, Kristinn Hrafnsson. Ég heiti í raun Kristinn Friðrik Hrafnsson og er ekki fréttamaður, ég á þó vin sem að er fréttamaður. Vil ég samt meina að það sé ekki næg ástæða til að hafa samband við mig út af hinum sívinsælu WikiLeaks mönnum, og þá sérstaklega hæstvirtum Assange og hans meintu strákapörum...Auðvitað sleppiru smokkinum ef þú hefur val. Róleg Svíþjóð segi ég nú bara.

Annars ætla ég nú ekki að hafa þetta miikið lengra en ég vona að WikiLeaks menn standi sigurreifir yfir rotnandi hræjum fyrirtækjanna sem að nú skilja þá útundan vegna pólitísk þrýstings. Ef að ég hefði einhverja hackara hæfileika þá myndi ég líka ráðast til atlögu á þessi dusilmenni.

Eina sem að ég sæi mér fært að gera væri jafnvel að stofna aðra síðu í ætt við hina mikilsvirtu WikiLeaks síðu og myndi hún heita WikiWikiLeaks. Þar gæti ég jafvel birt efni sem að mér hefur verið sent frá mönnum sem að hafa verið að reyna að hafa samband við Kristinn Hrafnsson en fengið óvænt samband við nafna hans Kristinn (Friðrik) Hrafnsson. Ef að þetta skýtur mönnum skelk í bringu þá má auðvitað ræða hlutina. Það myndi ekki þurfa mikið til að ég hætti við þessi áform mín (þó það væri auðvitað í andstöðu við vilja allra réttsýnna fréttamanna um "full disclosure" á upplýsingum).

Mín fyrsta krafa væri: 1) Kristinn Hrafnsson skuli skipta um nafn og heita Kristinn Fréttamaðurinn Hrafnsson og þar með væri ekki hægt að villast á mér, Kristini F Hrafnssyni og honum.

2) Ég fengi 5 mín í hverjum Silfur Egils þar sem að ég færi með íþróttafréttir. Innsk. ekki fréttmanns: Eins gott að ehelgason@simnet.is sé Egill Helgason

3) Ritara til að svara tölvupóstum, símhringingum og facebook skilaboðum frá erlendum fréttamönnum sem eru að reyna að ná í Kristinn Fréttamann Hrafnsson.

Annað væri það ekki.

En svona án gríns þá varð þetta miklu lengra en ég ætlaði mér en ég vona að WikiLeaks haldi velli og sigrist á þessum leiðindum sem það gengur í gegnum núna. Auk þess vona ég að þú, Kristinn Hrafnsson, standir þig og skítir ekki á þig á einhvern hátt, við viljum nú ekki óhreinka þetta frábæra nafn.

Skál fyrir ykkur.

Ykkar einlægur

Kristinn Friðrik Hrafnsson

Ekki fréttamaður

p.s Já og punkturinn með þessum tölvupósti var sem sagt að láta ykkur vita að þið senduð póstinn á vitlausan mann. Bara svona ef það fór framhjá einhverjum.

Ég veit ekki til þess að Kiddi hafi fengið svar við þessu. En líkur eru á því að annaðhvort hætti þeir að hafa samband við hann eða að andlitið á Kidda sjáist í 5 mín í hverjum Silfri Egils næstu árin.

Hvort sem það verður þá vonum við öll það besta.

later

2010-12-03T18:02:00.011Z

Sjaldan við sama heygarðshornið

Ég er orðinn ástfanginn af Photoshop. Að maður hafi ekki byrjað að leika sér með þetta fyrr er eiginlega bara fáránlegt. Það verður mikið af myndum í þessari færslu. Bara smá viðvörun.

Eins og ávallt er Gulli mér ofarlega í huga þrátt fyrir lítið magn af vinnsluminni og lítinn harðan disk sem svo margir í litlu-hausa-bandalaginu glíma við. En núna ætla ég að vera góður við kallinn. Svo það sé á hreinu þá voru allar þrjár myndirnar af Gulla í síðustu færslu photoshoppaðar. Ég veit ekki hvort þið hafið áttað ykkur á því, vegna undursamlegra hæfileika minna í myndvinnslu, en myndin sem ég sagðist hafa notað til að búa til stóra hausinn á Gulla var líka stækkuð.

Hér er sú mynd

Hér er síðan upprunalega myndin

Það að Gulli sé með stóran haus er ég ekki alveg viss um, þar sem ég hef sjaldan velt mikið fyrir mér hausstærðum vina minna. Mig minnir að þetta hafi byrjað fyrir svona 6 árum þegar Pálmar sagði "Hey Gulli, djöfull ertu með stóran haus" og sett síðan (illa) breytta mynd af NFVI.is af Gulla með stóran haus inn í samtalið. Eftir það hefur þetta verið einkahúmor.

En þar sem að Gulli hefur verið reglulegur skotspónn á síðunni undanfarið þá hef ég haft sívaxandi áhyggjur af því að hann muni slíta lummunni á milli okkar. Því mun ég eingöngu birta jákvæða hluti um hann í framtíðinni. Byrjum núna. Hér er óður til Gulla sem ég samdi.

Óður til Gulla

Þú ert ekki með stóran haus,
Ég vill verða samviskubitslaus,
Fyrirgefðu að ég gerði grínmynd af þér,
Viltu, viltu, fyrirgefa mér?

Húmorinn getur verið skæður,
En við erum sveittir lummubræður,
Verum það áfram, lengur en eyðni,
Þetta er einlæg afsökunarbeiðni.

Höfundur: Sveittur Lummubróðir

Ég vona að Gulli taki þessa afsökunarbeiðni gilda og fyrirgefi mér fyrir ofsóknir mínar í hans garð á netinu. Þetta er beint frá hjartanu.

En ef þetta skyldi ekki vera nóg þá gerði ég svolítið aukalega til að bæta líkurnar á syndaaflausn. Ég tók mynd af Gulla og breytti honum í strák sem ég hef heyrt að sé vinsælastur og frægastur af öllum í Sálfræðinni (fyrir utan Ásgeir Kolbeins).

Heyrði by the way að Ásgeir Kolbeins baðaði stelpur áður en hann riði þeim. Sel það ekki dýrara en ég keypti það, en það er frekar hardcore. En að myndinni.

Þessa vill ég kalla Gullmar

En áður en að hausinn á mér overloadast af því að hugsa um Gulla ætla ég að snúa mér að næsta viðfangsefni/fórnarlambi.

Bjarkamynd

Ég var lærandi með Bjarka fyrir tölfræðiprófið hans þrjú kvöld í þessari viku. Á þeim tíma ávann hann sér þann heiður að vera á minni næstu mynd.

Í tímunum undanfarið er verið að kenna okkur að setja margar myndir saman í eina. Allar eftirfarandi myndir notaði ég til þess að búa til smá hasar á bakgrunnsmyndinni.

Ég tók þessa og notaði sem bakgrunn

Setti inn sprengingu

Strandarpíu
Valla

Súperman

Geimskip

Independence day geimskip og þyrlur

Orrustuskip

Mount Rushmore

Vonda kalla úr Halo

Góða kallinn úr Halo

Grindverk

Robert De Niro

Og síðast en ekki síst, Bjarka

Hérna er síðan lokamyndin (Smella til að sjá stærri)

Eins og þið sjáið er nóg að gerast á Norðurpólnum þó það sé ekkert alltaf sagt frá því í fréttunum. Ég vil helst kalla þessa mynd Hetjur vs. Skúrkar. Eins og sjá má þá er aðalkallinn í Halo að fara að bjarga píunni frá vondu köllunum. Súperman er síðan að fara að redda þessu geimskipi sem er að sprengja móður jörð. Þyrlurnar eru að sjá um Independence day geimskipið og Robert De Niro er að fara að skjóta Bjarka í hausinn. Skipið, Mount Rushmore og Valli eru síðan bara að tjilla.

Á þessari mynd vandaði ég mig ekkert sérstaklega að klippa allt út og setja inn, en það eru hlutir sem ég er búinn að læra betur á síðan þá. Aðalhausverkurinn var að reyna að samræma skugga og liti úr Mount Rushmore þannig að það myndi falla inn í bakgrunnsmyndina. Það fór langmest vinna í það, þó það sé ekki beint raunverulegt ennþá.

Ef ske kynni að Bjarki kunni ekki að meta þessa mynd þá samdi ég óð til hans líka.

Óður til Bjarka

Fokkaðu þér.
Helvítið þitt.

Höfundur: Óvinur

En að sjálfsögðu er ég með fleiri myndir sem ég vil sýna ykkur.

Stebbamynd

Í tímanum á eftir vorum við að prufa að búa til hluti úr nokkrum myndum, í þessu tilfelli útblástur og reyk frá geimflaug. Ég talaði við Stebba um boltann fyrr um daginn og að hans beiðni skellti ég honum inn í lærdóm dagsins. Ég notaði eftirfarandi myndir:

Þessa notaði ég sem bakgrunn
Setti inn broskall, sem ég tók seinna út

Geimflaug

Ísland

Notaði reyk úr þessari

Eldsútblástur héðan

Og setti svo að sjálfsögðu Stebba inn líka

Hérna er myndin sem ég notaði broskallinn í

Hérna er síðan Stebbi í stað broskallsins

Það var mikið maus að setja saman raunverulegan reyk og útblástur, en ég held að það hafi tekist bara nokkuð vel þegar ég lít á lokamyndina. Að setja Stebba inn á hnöttinn var svolítið erfitt þar sem að húðliturinn kom frekar illa út á plánetunni. Ég þurfti því að breyta allri litasamsetningu sem var frekar mikið hnoð því ég vildi hafa andlitið hans þekkjanlegt.

En við skulum kíkja á lokamyndina sem ég gerði í dag.

Stebbi og Úlli

Ég mætti í fyrsta skipti í 5 eða 6 vikur í fótbolta í gær. Ég er búinn að vera með tognað liðband og það sem betur fer tók sig ekki aftur upp í gær. En fyllerí, munntóbak og hreyfingarleysi hefur greinilega tekið sinn toll af þolinu. Ég, Brynjar, Hörður og Hjörtur byrjuðum vel og komumst í 2-1 í leikjum. En þá var það líka bara búið. Úlli, Stebbi, Robbi og Ísak völtuðu yfir okkur þrisvar á meðan við sátum móðir eftir. Að sjá lipurðina í hreyfingum þeirra var eins og að horfa á dans. Þess vegna fannst mér vel við hæfi að gera dansmynd í dag.

Þessa notaði ég sem bakgrunn

Setti svo inn svarta dansara

En svo fólk myndi ekki kalla mig rasista setti ég mynd af svörtum og hvítum líka

Og einn hvítan

Þessa setti ég inn fyrir Mac-fíklana (Valur, Rúnar, Jói, Hjörtur Hvíti)

Svo má ekki gleyma Úlla..

..og Stebba

Ég er eiginlega frekar stoltur af þessari mynd. Það var verið að kenna okkur að "ljúka" myndum þannig að þær myndu allar falla betur saman og litu út eins og ein heild. Ég vandaði mig mikið við að klippa út dansarana, Stebba og Úlla svo að þeir kæmu vel út miðað við bakgrunninn.

Hérna er lokaafurðin

Ég speglaði dansarana á Mac skjánum til að fá skuggann, gerði skugga á svörtu dansarana og helling fleira á þessari. Á námskeiðinu er oftast búið að gefa manni einhverjar myndir sem þægilegt er að setja saman og ég reikna með að aðalvandamálið þegar maður er að gera svona myndir heima hjá sér sé að finna bakgrunnsmynd sem hentar hinum myndunum sem þú setur inn. Eftir því sem þær eru betra fit, því minna þarftu að gera og því raunverulegri verður myndin.

Stebbi og Úlli fá engan óð þar sem að ég er aðallega óður út í þá eftir niðurlæginguna í bolta. En þeir líta samt vel út á myndinni. Ef þið hafið áhuga á kennslu þá eru þeir með sérstakt númer sem ég veit ekki hvernig þeir fengu, S: 2625-739 (Anal sex). Hefnd mun koma næsta fimmtudag.

En til þess að blogga og Photoshoppa ekki hálfan vinahópinn í burtu þá er ég að spá í því að koma mér í ferðasögugírinn á næstunni og fara að segja frá ævintýrunum sem áttu sér stað í Ástralíu og London.

Óska skólafólki góðs gengis í prófunum en hinum góðrar helgar!

later

2010-12-01T00:47:00.012Z

Íris leikkona, helgin, slappleiki og photoshop

Íris litla systir átti stórleik á mánudaginn þegar öll fjölskyldan mætti í Borgaleikhúsið til að horfa á sýningu sem hún og leikhópurinn hennar voru búin að undirbúa síðustu mánuði.

Íris lék ásamt 3 öðrum stelpum gelgjur sem voru að tala um kærastana sína og sungu lög. Íris söng Vetrarsól og stóð sig eins og hetja. Þetta er síðan allt til á vídjó núna. Ég er stoltur af þér Íris, þú varst og ert frábær!

Hérna er ég með uppáhaldssystur minni (Írisi) og næstuppáhaldssystur minni (Díönu)

Mig grunar að jólin verði ansi góð þetta árið þar sem að Díana og Kath munu kíkja í heimsókn. Á þeim tíma getur Díana reynt að vinna sig upp í fyrsta sæti. Sem eini bróðirinn er ég í bestu stöðunni og er því 100% uppáhaldsbróðir þeirra beggja.

Síðasta helgi sem leiddi að mánudeginum var mjög góð. Á föstudeginum fór ég í matarboð hjá Kidda, þar sem foreldrar hans, Tommi bróðir hans og konan hans og Tóti Hauks mættu á svæðið. Gréta gerði hvítlauksrækjur, svínalundir og skyrís með þeyttum rjóma í eftirrétt. Á meðan var dælt í okkur bjór og Grand Marnier. Höfðinglegt matarboð sem ég þakka fyrir með þökkum.

Þórarinn Hauksson er bæði leiðinlegur og illa lyktandi. Þið sjáið bara á þessari mynd að hann er að fara segja eitthvað óáhugavert og pirrandi.

En það erum við Kiddi ekki

Og enn síður foreldrar hans Kidda, Hrafn og Gréta.
(Eruði að sjá allt tanið á þessari mynd!!!)

Þegar matarboðinu var lokið og við vorum sáttir og komnir í glas fórum við þrír til Einars vinar hans Kidda. Við spiluðum að sjálfsögðu tölvuleiki og ég tapaði í svona 8 Buzz leikjum í röð. Djöfull var ég orðinn pirraður á þessum Buzz gaur. Hann er pirrandi hvort sem þú vinnur eða tapar. Þegar ég var orðinn þreyttur á að tapa fór ég einn með leigubíl í bæinn til að hitta Jafet (sem talaði við mig í svona 3 mínútur samtals) og borgaði 3.740 krónur fyrir. Hrikalega dýrt.

Þessi mynd er þakklætisvottur til Jafets fyrir að nenna að hanga með mér

Balli

Á laugardeginum fór ég síðan til Balla, gamallar kempu úr Versló, þar sem Brynjar, Bogi Kóngur, Addi B, Jón Ingi og fleiri góðir voru mættir. Bogi var í vondu skapi allan tímann þó hann héldi öðru fram.

Addi B, Jón Ingi, Siggi, Brynjar og Bogi í vondu skapi

Við tókum FIFA mót í PS3 tölvunni hans Balla (umhugsunarefni hvað tölvuleikir eru samtvinnaðir drykkju hjá mér) þar sem ég sló Boga út með ótrúlega asnalegri og óverðskuldaðri vítaspyrnu á 88' mínútu leiksins. Ég mætti Balla í úrslitum sem gjörsigraði mig þó hann væri Fulham og ég Spánn.

Eftir þann leik vildi Bogi fá rematch. Ég var Arsenal og hann var Liverpool. Þegar staðan var orðin 2-0 fyrir mér labbaði Bogi hinsvegar í burtu. Hýr á brá.

Bogi hýr á brá

Eftir drykkjuna hjá Balla kíktum við allir í bæinn og áttum næstum því Kaffibarinn. Það getur samt verið að Bogi hafi ekki verið í vondu skapi. Það var bara fyndnara að skrifa færsluna þannig. Það segja sumir að hann sé eins og egg. Harður að utan en mjúkur að innan. Hverju sem því líður þá er hann gæðablóð hið mesta og bestur í hófi. Ekki láta neinn segja ykkur annað.

Ég hitti Gulla, Versló- og HR félaga, sem er einnig tvífari David Arquette í bænum

Hér er David.... Þeir eru hriiiiikalega líkir

Góð af Brynjari og Boga

En þó að helgin hafi verið mjög góð þá voru samt sem áður aukaverkanir sem biðu mín þegar ég vaknaði á sunnudeginum. Upphaflega taldi ég þær vera þynnku en hugsanlega er það rangt hjá mér.

Á þessum 2 mánuðum sem ég hef verið á Íslandi er ég í þriðja skipti orðinn svona frekar slappur. Með kvef og almenna vanlíðan.

Ég er að velta því fyrir mér hvort þetta sé

A) Útaf tvöföldum helgum, tvö tilfellin byrjuðu í kjölfar slíkra.
B) Útaf breytilegu hitastigi (6° einn daginn og -6° næsta) og að maður klæði sig ekki í samræmi.
C) Útaf því að ég er búinn að vera með stíflaða ennisholu í hálft ár sem fer í ruglið ef ég fæ kvef.
D) Allt ofantalið.

Ég veit ekki svarið svo að það þýðir víst lítið fyrir mig að fara að breyta einhverju á þessum lista. Það er heldur ekki eins og ég geti breytt veðrinu. Þetta mun að eilífu vera óljóst.

En snúum okkur að því sem ég lærði í síðustu viku. Þegar maður er atvinnulaus er maður 'skyldaður' til að skrá sig á 3-4 námskeið. Ég byrjaði á einu slíku um daginn sem heitir Grafísk Vinnsla og Vefsíðugerð. Á námskeiðinu mun ég læra á Photoshop og fleiri hluti. Námskeiðið er tvímælalaust að byrja vel

Í fyrsta tímanum í Photoshop þá vorum við búin með öll verkefnin snemma og kennarinn spurði hvort það væri eitthvað sérstakt sem við vildum læra. Mér varð að sjálfsögðu strax hugsað til Gulla og spurði hvernig maður gæti stækkað haus á einhverjum. Við enduðum því á því að finna mynd af google af einhverjum gaur og stækkuðum hann.

Ég fór að sjálfsögðu inn á Facebookið hans Gulla, sótti eina mynd og gerði smá tilraun. Hér má sjá afraksturinn.

Giggidy

Ég fór síðan að fikta aðeins á meðan ég var að bíða eftir kvöldmat og ákvað, þar sem Valur var að útskýra fyrir mér í smáatriðum hvers vegna ég ætti skilið lægri atvinnuleysisbætur en ég fengi, að prufa að setja Val af einni mynd inn í aðra mynd. Þið getið séð allar myndirnar hér að neðan stærri ef þið smellið á þær.

Þessar myndir passa kannski ekkert rosalega vel saman, en listamannseðlið í mér fannst þetta skapa ákveðnar andstæður.

Annars vegar sólsetrið, sem er einn af fallegri hlutunum í lífinu, og hinsvegar uppáhaldsstellinguna hans Vals úr Ástralíuferðinni, sem var að gefa mér fingurinn.

Ég tók því þessa mynd af sólsetrinu

Og þessa mynd af Val að fokka mér

Þetta er fyrsta myndin sem ég gerði. Hún er svona svolítið eins og að upplifa eitthvað skemmtilegt eða fallegt og síðan kemur einhver og skemmir það fyrir manni.

Þessi mynd sýnir síðan hvað gerist þegar maður reynir að hunsa neikvæðu atriðin, þau einfaldlega dofna og þú tekur ekki jafn vel eftir þeim.

Þetta er síðan lokamyndin sem ég gerði af Val. Ég kalla hana FuckFest.

Ég ákvað að sjálfsögðu að fara enn lengra með þetta allt saman og leika mér aftur að myndum af Gulla.

Ég tók því þessa mynd af Gulla og bjó til...

The Ultimate Headmaster

Svona verður hausinn á Gulla ef hann heldur áfram að læra hvern bókstaf í sálfræðinni nógu vel til að vitna í hann þegar færi gefst.

Þetta er auðvitað allt á mjög basic photoshop getustigi en það er greinilega hægt að gera hrikalega margt ef maður kann aðeins á forritið. Ég hlakka til að sjá hvað maður lærir fleira.

P.s. ég ætlaði að skrifa djók á eftir að ég sagði að Tóti væri leiðinlegur og illa lyktandi en ég virðist hafa gleymt því.

later

2010-11-23T01:07:00.004Z

Come and see, how the wind in your hair will feel differently

Ég tók mig til og labbaði í kringum Garðabæ í dag. Ég fór út að ströndinni fyrir neðan Arnarnes og labbaði meðfram henni að Olís. Ég fór síðan að læknum þar sem ég, Steinar og Birkir lékum okkur sem krakkar. Man að einu sinni um vetur þá brotnaði ísinn undan mér og ég þurfti að synda að bakkanum. Fékk ofurhugastigin þann daginn. Ég sá hylinn þar sem annaðhvort minkur eða fiskur beit mig í puttann þegar ég var að teygja mig í golfkúlu. Ég labbaði síðan yfir gömlu skíðabrekkuna þar sem stelpa dó 1989 þegar hún hengdist í skíðalyftunni. Skrýtið hvað maður bindur minningar við marga staði þegar maður hefur átt heima í helming hverfanna á höfuðborgarsvæðinu. Ég hef búið í Laugarneshverfinu, þremur stöðum í Árbæ, tveimur stöðum í Grafarvogi, í Grafarholti, tveimur stöðum í Garðabæ og í Kópavogi. Fyrir utan þetta hef ég líka búið í Danmörku, á Egilsstöðum og í Ástralíu. Held það sé ljóst að ég skuldi nokkra upprifjunargöngutúra í viðbót.

Ætli það sé ekki kominn tími á ælu vs. drepast könnunina. Það virðist vera að 16 vilji æla frekar en að drepast, sem fjórir völdu. Ég er sérstaklega ánægður með þátttökuna í bíómyndakönnunninni. Ég er nú þegar búinn að kúra með Rúnari og horfa á Into the Wild og stefni á að taka flestar myndirnar af þessum lista sem fá góð meðmæli. Held henni inni aðeins lengur.

Nýja myndin er mætt í bíó

Ég og Valur kíktum á Harry Potter áðan. Ég er ekki frá því að þetta sé bara langbesta Harry Potter myndin. Þær hafa eiginlega batnað samhliða aldri leikaranna og peningum sem lagðir eru í myndirnar. Hún var eiginlega bara spennandi og hrollvekjandi. Dimm og drungaleg. Mæli með henni fyrir þá sem hafa lesið bækurnar. Þið sem hafið ekki lesið bækurnar, eftir hverju eruði að bíða?

En um helgina tók ég meðvitaða ákvörðun um að vera edrú.... til að byrja með. Á föstudaginn voru ég, Valur, Kiddi og smá-Pálmar í góðu xbox-tjilli. Guitar Hero, NHL, Halo og FIFA voru spilaðir. Í NHL voru held ég skoruð 23 mörk í 3 leikjum. Ég átti 20. Ég ætti að íhuga að spila þennan leik fyrir peninga. Af hræðslu við að Valur leyfi mér ekki að koma oftar í heimsókn, sem er algeng hótun eftir Xbox spilun, þá ætla ég líka að reyna að útvega mér eins og einu stykki af xbox. Þá mun ég bjóða Arne í heimsókn og sýna honum hver ræður.

Ég að rústa Pálmari í NHL

Ég endaði samt á því að fara á djammið á laugardaginn. Ég, Kiddi, Steinar, Dabbi og Tóti sötruðum heima hjá Nonna. Við áttum nokkrar góðar umræður, t.a.m. var ein um það að stelpur á okkar aldri væru farnar að hugsa um það að næla sér í menn sem væru í góðu starfi eða með mikla framtíðarmöguleika.

Dabbi setti dæmið upp þannig að ef stelpa væri að velja á milli tveggja gaura, annar væri kannski menntaður lyfjafræðingur í vinnu á meðan hinn væri ómenntaður verkamaður þá væri þetta stór þáttur í ákvörðunni ef þeir væru svipað myndarlegir.

Ég sagði að þetta gæti bara virkað ef þetta væru gaurar sem væru tiltölulega ókunnugir stelpunni. En þetta gæti kannski verið rétt. Eru 25 ára stelpur komnar í Gold Digger hugsunarháttinn? Maður hefur svosem heyrt að menntafólk sækist oft í annað menntafólk, en ég hugsaði að það væri örugglega vegna þess að það fólk ætti kannski fleiri hluti sameiginlega í gegnum svipaða reynslu. Er Ísland ekki of lítið fyrir einhverjar alvöru gullgrafarastelpur? Ég veit það ekki. Ef ekki, þá skulum við bara hafa það á hreinu að ég á ógeðslega mikinn pening inni á banka og endalausa framtíðarmöguleika. (Score).

Umræðurnar voru síðan stoppaðar af þegar Kiddi ákvað að sýna okkur hinum 300 youtube myndbönd.

Við fórum síðan í bæinn. Við fórum á Prikið þar sem ég hitti Kidda sem var með mér í íþróttanefndinni í Versló.

Við stóðum á miðri efri hæðinni að spjalla þegar stór og vígalegur tattú-tappi labbar inn í gifsi. Kiddi segir við hann "Hva! Kallinn bara handarbrotinn?"

Steratattúmassinn: Viltu reyna á það?

Kiddi: Ha? Neeei, ég var bara að grínast maður, rólegur

Þá ýtir gaurinn Kidda. Ég labba á milli og ætlaði að reyna að aftengja uppákomuna. Þá hrindir gaurinn okkur með sitthvorri hendinni. Ég flýg eftir ganginum og Kiddi lendir á borði sem dettur á hliðina. Síðan ræðst gaurinn bara á Kidda og tekur einhverju hálstaki utan um hann. Þá koma tveir dyraverðir og ég hugsa bara "hjúkk".

Þróunin varð síðan sú að þeir tóku Kidda föstum tökum og fara af stað með hann niður til að henda honum út. Ég spyr hvort þeir séu að grínast, hann hafi ekki gert neitt af sér. Þeir svöruðu litlu svo ég spurði hvort að þeir væru að taka Kidda út því þeir þyrðu ekki í hinn gaurinn.

Þá segir dyravörðurinn að hinn gaurinn hafi verið að vinna þarna og svona. Tattú-gaurinn kemur síðan og segir "Já, hann sagði við mig að ég væri handarbrotinn faggi svo að ég gerði bara það sem ég þurfti að gera". Ég spurði þá hvort þeir væru að grínast og sagði að Kiddi hafi ekki kallað hann fagga.

En þeir hentu Kidda bara út og málið var dautt.

Ég kíkti síðan út og þá var Kiddi að tala um að hann hafi verið með eitthvað grip á annarri hendinni á gaurnum og það hefði ekkert getað gerst fyrir hann á meðan hann héldi gripinu. Nokkuð ljóst að maður þarf að fara að æfa Jú Jitsú til að læra svona grip. Þessi steragaur hefði getað kramið á Kidda andlitið með vinstri held ég.

Ég er kannski með brenglaða siðferðiskennd en, þrátt fyrir digurbakmannlegt tal Kidda eftir á með þetta grip sitt, var þetta þá rökrétt útkoma úr þessu máli?

Djöfulsins skítapakk þarna á Prikinu.

later

2010-11-19T12:04:00.006Z

Madness Miðvikudagur

Ég lenti í virkilega furðulegu atviki í nótt. Ég var sofandi í rúminu mínu þegar ég hrökk allt í einu upp. Þegar ég opnaði augun sá ég einhverja manneskju eða skepnu vera að skríða í átt að andlitinu á mér frá gólfinu. Ég byrjaði að öskra móðursýkislega og fór að sparka út í loftið í áttina að þessu fyrirbæri en það hvarf ekki. Eftir kannski svona 5 sekúndur sem leið eins og eilífð fór fyrirbærið að leysast upp og hvarf síðan á endanum. Þetta voru ofsjónir. Ég held að ég hafi upplifað algjöra ofsahræðslu á þessu augnabliki. Ég hef aldrei lent í þessu áður. Hjartað var á fullu og það tók mig langan tíma að ná mér niður aftur. Síðan fór ég að spá hvort ég hefði nokkuð vakið Stebba. Djöfull var þetta óþægilegt. Ég vona að ég lendi aldrei í þessu aftur.

Fyrir utan blóðið leit fyrirbærið ekki út ósvipað þessu

En að léttara hjali.

Á miðvikudaginn fór ég að tjilla með Bjarka eftir að hafa gert dýrindis taco máltíð fyrir mig og Stebba fósturpabba. Við Bjarki höfðum það mission að finna gamlar stærðfræðiglósur og formúlublöð sem ég átti í einhverjum kassa sem ég vissi ekki alveg hvar var staðsettur.

Við byrjuðum á því að fara heim til mömmu og pabba í Árbæinn og litast um í geymslunni. Geymslan er um það bil 2 og hálfur fermeter á stærð og inni í henni eru líklega í kringum 5 rúmmetrar af drasli. Það er semsagt erfitt að komast að á milli staða. Af fimm kössum þá var einn á gólfinu þar sem auðvelt var að komast að honum. Í honum var glæsilegt Playboy tímarit ásamt öðru drasli.

Hinir fjórir kassarnir voru í sérsmíðaðri hillu sem var meðfram veggnum yfir hurðina. Það var í raun ekki hægt að standa á neinu nema einhverju litlu verkfæraboxi sem var bæði lágt og óstöðugt. Bjarki fékk snilldarhugmynd á þeim tímapunkti. Hann benti á þá staðreynd að hann væri hærri en ég og að kannski ætti hann að taka kassana niður. Ég tók því þegjandi og hljóðalaust þó ég vissi vel að sköllótti mörðurinn væri búinn að koma sér í ömurlegt verkefni.

Við tókum alla fjóra kassana niður og fundum ekkert nema gamla loftbyssu og fjögur hundruð Casa glös. En í öllu baslinu þá náði Bjarki að reka höndina í hillu, fá gardínur í hausinn og reka höfuðið í hornið á hillu, sem skilur pottþétt eftir myndalega kúlu (sem er ekki hulin með hári).

Eftir þessi átök gjörsamlega heimtaði Bjarki að við færum og keyptum ís. Hann var ekkert smá ánægður þegar ég sagði já. Greinilegt að Rúnar og Bjössi halda uppi ströngum aga þegar hann hangir með þeim. Við fórum á Grensásveginn og fengum okkur ‘Þeyting’ í gömlu ísbúðinni. Ég bauð Bjarka að sjálfsögðu ekki upp á ísinn, enda kostar bragðarefur tugi þúsunda þessa dagana. Á meðan við sátum í mestu makindum að borða ísinn komu þrjár stelpur upp að einhverjum vinkonum sínum og öskruðu alveg fáránlega hátt. Við hrukkum við og stelpunni sem var brugðið var ekki skemmt. “Ég trúi ekki að þið séuð 19 ára stelpur” sagði hún með þjósti. “Viðurkenndu þegar þú ert tekin, Mjeeeallla”. Hugsuðum við Bjarki í sameiningu.

Eftir ísinn sóttum við lykla heim að geymslu sem ég er með í gegnum Stebba niðri í hundrað og fjórum. Þar á ég fleira drasl sem var undir stigagangi í góðum fúkkalyktandi poll. Þar fundum við draslið sem ég var að leita að og fórum sigri hrósandi út í bíl.

Við kíktum síðan á Gulla Breiða og bönkuðum á rúðuna hans á meðan hann var að rúnka sér. Hann spurði okkur hvað í andskotanum við værum að gera heima hjá sér en hleypti okkur samt inn. Hann sagðist hafa verið að ‘gera æfingar’ og neyddist í raun til þess að halda því áfram fyrst við vorum þar. Eftir gott tjill hjá mér og Bjarka á meðan Gulli var á hjólinu, bókstaflega fossandi blautur af svita, ákváðum við að halda heim á leið.

Gott lummutjill átti sér stað hjá okkur þremenningunum

Á leiðinni út úr dyrunum heyrðum við frekar háan dink. Gulli var á tánum og spáði í því hvað þetta væri. Kannski árekstur eða eitthvað. Bjarki sagði að þetta væri eflaust bara enn ein helvítis skotárásin í Fossvoginum. Ég sagðist vona að enginn hefði klesst á bílinn minn. Þegar Bjarki kemur fyrir hornið segir hann:

“Hey Óli, mér sýnist einhver hafa klesst á bílinn þinn”

Ég labbaði fyrir hornið og sá að það var rétt hjá honum. Uppvið bílinn minn var stór Hyundai Terracan jeppi og lítil stelpa að skottast fram og tilbaka á milli bílanna.

Stelpa + Jeppinn hans pabba = You're gonna have a baaad time

Bíllinn hennar hafði semsagt runnið til í hálkunni, lent með hliðina framan á bílnum mínum og rústað stuðaranum, vinstra framljósinu og vinstra frambrettinu. Eftir að hún hafði sagt sorry þrisvar í röð sögðum við henni að slaka bara aðeins á, þetta væri ekkert mál, gripum tjónaskýrslu og fórum að fylla hana út.

Stelpan dró upp bráðabirgðaskírteinið sitt og byrjaði að skrifa skýrsluna. Hún var búin að vera með bílpróf í tvær vikur. Þegar við vorum nokkurnvegin búin að fylla hana út þurfti hún að hringja í pabba sinn, klukkan 10 mínútur yfir tólf, til að fá upplýsingar um kennitölu og tryggingarfélag. Ég sat við hliðin á henni þegar hún hringdi og heyrði hvert einasta orð:

Mamman: Halló
Stelpan: Hæ, er pabbi farinn að sofa?
Mamman: Ert þú á bílnum? (líklega lítandi út um gluggan)
Stelpan: Já
Mamman: Þá er hann farinn að sofa
Stelpan: Get ég fengið að tala við hann
Mamman: VARSTU AÐ KLESSA BÍLINN?
Stelpan: Jaaaá, hann er samt ekkert skemmdur. Hann rann bara á annan bíl í hálkunni og sá bíll er ekkert mikið skemmdur.
Mamman: OG ÆTLAR ÞÚ AÐ BORGA HÆKKUNINA Á TRYGGINGUNUM???
Stelpan (skömmustuleg): Já

Svo kom pabbinn í símann og hún kláraði að fylla út sinn hluta. Á meðan ég fyllti út minn hluta fórum ég og Bjarki að tala um gamlar áreksturssögur til að reyna að lífga aðeins upp á greyið stelpuna. Við sögðum henni svo að taka því bara rólega og hafa ekki áhyggjur. Sögðum henni líka að láta mömmu sína ekki vera með neitt helvítis múður, þetta væri ekkert alvarlegt og kæmi fyrir alla.

En talandi um röng viðbrögð. Ef ég ætti dóttur sem lenti í árekstri væri það fyrsta sem ég myndi spyrja: “Er allt í lagi með þig?”. Gerir hún sér grein fyrir því hversu margir deyja og slasast alvarlega í umferðinni? Þvílík trunta. Dóttir þín er dóttir þín. Bíll er bara málmklumpur sem kemur þér á milli staða. Fuuuuuck that shit.

Þakka Bjarka fyrir mikið negravinnuframlag og þeim Gulla fyrir gott tjill.

later

2010-11-17T00:20:00.012Z

Þróun

Á ég að trúa því að ég sé sá eini sem getur ekki sleppt djammi og drykkju í heilan mánuð? Kannski svolítið vanhugsað val hjá manni, en ég bjóst við að einhver fyllibytta myndi taka í sama streng.

Ég er ekki mikill application maður á facebook, en ég addaði einu sem heitir twofifty um daginn. Þar merkir maður við allar myndir sem maður hefur séð af topp 250 einkunnahæstu myndunum á Internet Movie Database. Ég hef séð 97. Sem ég veit ekki hvort sé mikið eða lítið. Í leiðinni gerði ég lista yfir myndir sem ég hef ekki séð, hugsanlega aldrei lagt í, en væri alveg til í að sjá. Ég setti inn nýja könnun og hvet ykkur til að merkja við þær myndir sem þið hafið séð og mælið með.

Ég var að lesa gamlar færslur um daginn og rakst á gömul kommentsamskipti á milli mín og Gulla Breiða:

Gulli
Sorry að ég henti þér í pollinn á menningarnótt.. Mér er búið að líða illa út af því í tvo daga.
22. ágúst 2005, 11:55:00

Jónas Oddur
Hvílíkt rugl sem þessi ferð var, ég kannast ekki við helminginn af því sem þú ert að tala um!!
22. ágúst 2005, 14:23:36

Óli Palli
Gulli ertu að meina eftir að þú hrintir mér út í horn þar sem 100 manns voru búnir að pissa um kvöldið eða áður en þú slökktir næstum því í sígarettunni þinni á enninu á mér? Nei það var sama skiptið.. Ég var nefnilega næstum því búinn að gleyma því, eini hluturinn sem kemur í veg fyrir það er verkurinn í hnénu sem að ég fæ við hvert fótspor.

Þér er fyrirgefið

Kiddi kallaðu það tilviljun, en það er eitthvað sem er að segja mér það sama

P.s. Valur, ert það þú sem berð ábyrgð á byssukúlum í dekkjunum á bílnum mínum?
23. ágúst 2005, 00:50:57

Gulli
ahahahahahaha.. ég neita að kannast við rettuna. og já þetta var frekar ógeðslegur pisspollur
23. ágúst 2005, 11:38:34

Óli Palli
hehe, neitar að kannast við rettuna. Þú ert nú meiri melurinn þarna ultramelurinn þinn.
25. ágúst 2005, 18:18:01

Þetta er atvik sem gerðist niðri í bæ fyrir meira en fimm árum. Þá stóð ég upp við grindverk fyrir utan Grand Rokk (á móti Hverfis) þegar Gulli mætir allt í einu blekaður á svæðið. Ekki nóg með að hann hrindi mér af grindverkinu sem ég stóð upp við ofan í þvagpoll fyllibyttna þá slökkti hann líka í sígarettu á enninu á mér. Þegar ég las þessi komment var mér auðvitað hugsað til Awesom-O reynslunnar sem er brennd í sál mína.

Það er einhver púki sem leynist í þessum stóra haus

En förum nokkrar vikur tilbaka.

Ég hitti Ástralíu-Íslendinga fyrir nokkrum helgum. Ég, Kiddi, Himmi og Logi vorum allir í skóla úti og fannst tilvalið að eiga góðan hitting. Við hittumst heima hjá Himma sem ásamt Tómasi gaf okkur indverskan mat og eftir á tóku frekar djúpar samræður völdin. Sem lifðu auðvitað í mesta bróðerni með bjórum og skotum úr áfengiskistunni hans Himma.

Himmi Klifurköttur

Feðgarnir Himmi og Tómas

Umræðurnar voru sérstaklega góðar. Þær voru góðar að tvennu leyti. Í fyrsta lagi þá vorum við að ræða frekar skemmtilega hluti mest af tímanum. Í öðru lagi þá vorum við alltaf með mismunandi póla á allar umræðu sem áttu sér stað (Ekki óalgengt í hópsamræðum með K-Fred). Ég og Himmi vorum vanalega öðrum megin. Kiddi hinum megin.

Þröngsýni, víðsýni. Þetta eru tveir frekar ólíkir hlutir. Kiddi var tiltölulega þröngsýnn á meðan ég og Himmi vorum frekar víðsýnir. Ég er svosem ekkert að segja að annar hluturinn sé endilega mikið betri en hinn. Ég held að öfginn í báðar áttir sé slæmur, en ég tel að á eðlilegu stigi séu báðir nytsamlegir að einhverju leyti.

Við fórum að tala um þróun. Umræðan byrjað á því að Himmi var að tala um nanótæknina sem fór út í umræður um sameiningu á símum, tölvum, sjónvarpi og öllu því dæmi. Ef við lítum á þróunina þá er þetta í raun ekkert óraunhæft. Lítið myndavélakort tekur margfalt meira af gagnamagni í dag heldur en feitur harður diskur gerði fyrir 15 árum.

Þú fokkar ekki í Nanó-Bots

Umræðan leiddi síðan út í það hvaða fyrirtæki yrðu ennþá til í framtíðinni. Við ræddum mest um Coca Cola. Kiddi var mjög fastur á þeirri skoðun að Coke væri það rótgróið merki að það myndi aldrei hverfa. Að það yrði alltaf stórt. Á meðan vorum við Himmi á því að hlutir breytast alltaf, það þyrfti ekki nema 2-3 lélega stjórnendur, heimstyrjöld þar sem vestræni heimurinn myndi tapa eða einfaldlega einhvern snilling til að finna upp gosdrykk sem væri betri en kók til þess að kók myndi falla af stalli hægt og rólega. Kók er ekki fullkominn drykkur en það er klárt mál að það er örugglega þekktasta vörumerki í heiminum. Það gefur fyrirtækinu auðvitað gríðarlegt samkeppnisforskot á allt annað og tækifæri til þess að aðlaga sig að breytingum. En ef nokkrir hlutir klikka er kannski Pepsi orðið stærst og eftir 20 ár á toppnum gæti það verið orðið sterkasta vörumerkið í heiminum.

Coke heldur Pepsi þó í skefjum eins og er

Kennari minn í Ástralíu talaði um að af topp 100 fyrirtækjunum á Forbes listanum 1980 væru 20 af þeim ennþá á listanum í dag. Ef þau voru á þeim lista þá hafa þau líklega verið nokkuð rótgróin og sterk á sínum markaði. Ekki satt? Mér finnst áhugavert að líta til hinna 'dimmu miðalda' sem voru fyrir líklega svona 400 árum. Maður hugsar vanalega "hvernig gat fólk lifað á þessum tíma?". Hver segir að við séum ekki stödd á 'dimmum miðöldum' akkurat núna fyrir þá sem fæðast 400 eða 1000 árum á eftir okkur? Það er ekki eins og tækni- og vöruframför hafi staðnað þegar við komum í heiminn. Ég held að hlutir séu að færast áfram endalaust. Einhverntímann munum við ferðast til London neðansjávar á 2000 km/klst og kannski eftir 100-300 ár verður sá ferðamáti orðinn hagstæðari heldur en að fljúga á milli landa. Það er engin leið til að sjá fyrir um hvað gerist næst í þessari tækniþróun. Fyrir 30 árum voru eflaust ekki til almenningstölvur, internet, stealth þotur, facebook, farsímar, vetnisbílar o.s.frv.

Næsta umræðuefni var um það hversu mikið fólksfjölgun mun gera út af við heiminn í frekar náinni framtíð. Þegar við hugsum til þess að frá árinu 1900 þá hafi mannkynið fjölgað sér fjórfalt, úr tæplega 2 milljörðum upp í tæplega 7 milljarða þá eru horfurnar ekki góðar. Er til nóg af ferskvatni, ökrum, dýrum og öðru til að lifa af ef þetta heldur áfram? Er hringrás lífsins að fara að plögga þessu?

Fáránlega graðir gaurar í þróunarlöndunum

Það er auðvelt að detta í panikk út af svona hlutum án þess að hugsa þá í gegn. Maðurinn hefur alltaf aðlagast aðstæðum. Hvort sem að það verður fundin upp lítil tafla sem nægir til að fæða mann í heilan dag, heimurinn ákveði í sameiningu að eignast færri krakka, fólk flytji til Mars eða það brjótist út heimstyrjöld þar sem allir verði drepnir þá kemur sá tímapunktur þar sem eitthvað breytist. Og maðurinn mun aðlagast en ekki deyja út.

Ég held persónulega að það muni koma að því að 'survival of the fittest' máltækið muni eiga við og það verði ekki fallegt.

BÚMM!!

En mikilvægasta umræðuefni kvöldsins er eftir.

Við Kiddi drekkum oftast bjór, borðum góðan mat og erum tanaðir í staðinn fyrir að þræta.
Ísland er að fokka þessu upp.

Í leigubílnum á leiðinni heim, stuttu áður en að Kiddi ætlaðist til að ég myndi borga ALLAN leigubílinn þegar við komum í Garðabæ frá Hafnarfirði, ræddum við Kiddi um það hvort væri betra að æla eða drepast á fylleríi. Ég æli oft en drepst aldrei. Kiddi ælir aldrei en drepst oft. Ég hélt með því að æla því þá getur maður haldið áfram að djamma eftir á, jafnvel ferskari fyrir vikið. Kiddi hélt með því að drepast og sagði að menn sem væru búnir að æla hefðu ekkert að gera á djammið (hann sagði samt puhh einhversstaðar þarna á milli).

Þar sem við Kiddi höfum eldað grátt silfur varðandi sum lykilatriði í lífinu, t.d. hvort Will Smith sé svalur eða ekki, þá set ég þetta mál í nefnd hjá ykkur lesendum.

later

2010-11-09T00:44:00.005Z

Atvinnuleysi

Langtímaatvinnuleysi er sagt geta valdið þunglyndi og vanlíðan. Ef þú missir ástvin, fellur á prófi eða kærastan hættir með þér þá kemur áfallið strax. Það er öfug þróun þegar þú ert atvinnulaus. Áfallið kemur hægt og bítandi. Félagi minn frá Ástralíu var atvinnulaus í 3-4 mánuði áður en að hann loksins fékk vinnu. Hann talaði um það á þeim tíma að honum hefði sjaldan liðið jafn illa og þegar hann var þrjá mánuði inn í atvinnuleysið. Endalaus vinna í að sækja um vinnur og engin niðurstaða, oft ekki einu sinni svar. Ég get skilið að það sé auðvelt að fara þá leið ef illa gengur. Það er hætt við að fólk sem býr yfir hæfileikum og gæðum fari að missa trú á sjálfu sér og getu sinni ef það fær ekkert nema hafnanir eða engin svör frá fyrirtækjum sem það sækir um hjá. Að sækja um vinnur er einn af leiðinlegustu og mest andlega þreytandi hlutum sem ég veit um, sérstaklega ef þú reynir að gera það vel. Aðalvandamálið fyrir umsækjendur á Íslandi er kannski sú staðreynd að það er mikið af reyndu fólki að sækjast í sömu störfin og þeir sem eru að skríða úr skóla. Ef það eru 150 umsóknir um gott starf eru líkur á því að 40 ára maður með B.Sc. gráðu og 15 ára starfsreynslu sé valinn framyfir 26 ára pjakk eins og mann sjálfan. Þetta snýst um þolinmæði eins og staðan er í dag.

Það er enginn atvinnulaus í 70 ár

Ég er dæmi um einstakling sem hefur fulla trú á sjálfum sér (fullmikla segja sumir). Vinir mínir andmæla því eflaust ekki. Það er nauðsynlegt að hafa sjálfstraust og smá hégóma til að komast í gegnum lífið, nauðsynlegt að hafa húmor fyrir sjálfum þér líka ef þú ert egó. En sjálfstraust eitt og sér er ekki nóg ef þér finnst þú vera að upplifa ítrekaða höfnun. Sjálfstraust fer upp og niður. Nú er ég ekki búinn að vera atvinnulaus lengi og aðstæður mínar eru góðar í augnablikinu svo að ég er að tala almennt frekar heldur en eingöngu út frá minni eigin reynslu. Ég held ennþá að ég sé bestur.

Það eru ákveðin gildi og eiginleikar sem ég held að sé mjög mikilvægt að tileinka sér og halda í þegar þú ert atvinnulaus. Sem einstaklingur þarftu að vera bjartsýnn, jákvæður og duglegur. Það er hægt að líta á allar aðstæður á tvo vegu.

Ástæðulaust að bugast

Ef þú ert bjartsýnn og trúir því að eitthvað gott sé á leiðinni þá ertu í leiðinni að gefa þér von. En ef þú ert svartsýnn þá sérðu í raun ekkert gott framundan og það leiðir á endanum til uppgjafar. Raunsæi er millistigið en kemur málinu í raun ekki mikið við þegar hlutirnir framundan eru óskýrir, þó að það sé auðvitað gott að taka það ekki alveg úr jöfnunni.

Jákvæðni er nauðsynlegur eiginleiki þar sem að hún er uppbyggjandi. Að geta litið á eitthvað og dregið jákvæða ályktun eða fundið jákvæðan punkt í slæmu máli er hæfileiki sem ég virði. Hún ýtir undir frumkvæði og getur drifið bæði sjálfan þig og aðra áfram. Að sama skapi virkar neikvæðni á hinn veginn. Hún er fráhrindandi fyrir aðra í kringum þig, verst fyrir þig sjálfan og þegar allt kemur til alls þá er það niðurdrepandi að líta alltaf á slæmu hliðarnar á málum. Góð leið til að lágmarka neikvæðni er til dæmis að sleppa því að horfa á fréttirnar á Íslandi. Umræðurnar sem fylgja kreppunni eru líka endalausar og án niðurstöðu. Í Ástralíu var maður laus við þetta og saknaði þess heldur ekki.

Þegar þú ert með mikið af frítíma sem þú baðst ekki um, eins og þegar þú ert atvinnulaus, þá er hætt við því að þú verðir eirðarlaus. Ég held að það sé geti verið einn erfiðasti hluturinn sem þú glímir við. Á meðan aðrir vinir þínir eru í skóla eða vinnu og þú ert ekki með dagskrá þá leiðist þér. Þú ert búinn að sækja um allar vinnurnar og sjónvarpsþættir og kvikmyndir eru ekki jafn aðlaðandi lengur. Þar kemur dugnaðurinn inn í þetta. Til þess að forðast eirðarleysið er gott að finna eitthvað uppbyggilegt til þess að gera við daginn. Hvort sem það er að fara í ræktina, hádegismat með vin, lesa bók eða í heimsókn til ömmu og prjóna. Það eitt að koma sér upp einhverri ákveðinni dagskrá þar sem þú gerir eitthvað uppbyggilegt við daginn heldur þér frá því að detta í lægð og leggjast upp í rúm seint að kvöldi líðandi eins og þú hafir sóað deginum í ekki neitt.

Þegar þú ert atvinnulaus þá ertu stöðugt minntur á það. Fjölskyldumeðlimir og annar hver vinur spyr hvernig leitin gangi, hvort það séu einhver svör komin og hvort þú hafir sótt um hér eða þar. Þetta er auðvitað allt gert með góðum hug og umhyggju en þú neyðist til að endurtaka sömu svörin. Þetta minnir þig jafnframt á það að það eru 20 fyrirtæki sem hafa ekki enn sent svar við umsókninni þinni og að þú þurfir að brainstorma fleiri fyrirtæki á næstu dögum. Ég hef í raun bara beðið fólk um að hætta að spyrja út í þetta og ég skuli gefa því fréttir þegar það eru einhverjar. Óþarfi að taka þetta umræðuefni í félagslegum aðstæðum og skemma fullkomlega góða afþreyingu með vinum. Fjölskyldan gefst náttúrulega aldrei upp.

En með þessari töfralausn, þessum eiginleikum sem ég ræddi um, bjartsýni, jákvæðni og dugnaði er þetta ekki svo erfitt. Þessir eiginleikar eiga líka eftir að nýtast þér út lífið ef þú tileinkar þér þá. Það tók mig langan tíma að átta mig almennilega á þessu. Það var ekki fyrr en ég fór að skoða sjálfan mig. Hvernig ég kem fram við aðra, hvaða ályktanir ég dreg, skoðanir ég mynda mér og hvernig ég bregst við erfiðleikum eða aðstæðum þar sem þessir eiginleikar eru mikilvægir.

Það eru líklega 1-2 ár frá því að ég byrjaði meðvitað að reyna að tileinka mér þessa jákvæðu eiginleika. Ég stimplaði inn í mig ákveðið hugarfar og reyndi að fylgja því. Þetta er ekki ferli sem gerist yfir nóttu en ég er frekar ánægður með árangurinn og finnst hann vera að hjálpa mér til dæmis í dag þegar maður er án vinnu og í hálfgerðri biðstöðu með framhaldið. Með atvinnuleysisbætur og frítt húsnæði vantar mig ekkert. Ég held að dugnaðurinn sé eitthvað sem ég hef átt í mestum vandræðum með, minn alræmdi sólarhringur að koma sterkur inn. Ég reyni ekki að fylgja þessu blint, það eru auðvitað línur. Stundum þarftu að stíga upp fyrsta þrepið til að komast á það næsta. Það er ekkert að því að hrauna yfir Liverpool þegar þeir skíta á sig, gera grín af félögunum, sofa út eftir djammið og svo framvegis.

Viðkvæmt jafnvægi á Íslandi eins og stendur

Það er auðvelt að láta dagana líða og gera það sem maður þarf að gera. Maður stoppar of sjaldan til þess að hugsa. Ég mæli með því að þið takið smástund, þess vegna núna, til að líta í eigin barm og hugsa út í það hvaða eiginleika þið hafið. Hugsið út í þetta næst þegar þið gagnrýnið eitthvað eða einhvern. Dragiði fram jákvæðu eða neikvæðu atriðin fyrst? Eru eiginleikarnir sem þú ert með þeir sem þú vilt hafa? Því það er hægt að hafa áhrif á það hvernig þú ert. Hvernig þú hugsar. Ef þú vilt það.

Ég geri mér grein fyrir því að þessi umræða er líklega ekki sú hressasta en þetta er eitthvað sem ég hef verið að velta fyrir mér og rætt um við suma undanfarið. Ég tel að það sé hollt að skoða sjálfan sig og móta gildi til þess að lifa eftir og reyna að hafa áhrif á það hvernig persóna þú ert. Ekki gera það til að geta sagt að þú lifir eftir einhverjum ákveðnum gildum. Gerðu það vegna þess að þú trúir því að þau geti bætt sjálfan þig og hvernig þér gengur í lífinu. Eftir allt þá fylgir enginn þér í gegnum lífið lengur heldur en þú sjálfur og ef þú ert sáttur við sjálfan þig verður samfylgdin góð.

later

2010-11-03T23:31:00.010Z

Ónauðsynlegu hlutirnir fyrst

Bjarki er alltaf að kvarta yfir því hvað bloggin mín eru stutt textalega svo að ég ætla að koma með þessa ónauðsynlegu umfjöllun um Facebook.

Facebook virkar illa hjá mér af einhverjum ástæðum þessa dagana. Ég er greinilega einn af 'heppnu' aðilunum sem eru notaðir til að skoða hvernig nýja myndakerfið sem Facebook er að fara að setja af stað virkar. Það virkar illa. Myndirnar eru oft minni og birtast í sér glugga með svörtum bakgrunn. Maður getur síðan ekki afritað þær heldur þ.a. partýmyndirnar í þessari færslu eru í boði Gulla. Hann downloadaði þeim fyrir mig og sendi þær. Hann passaði sig þó á því að láta það bersýnilega í ljós að 2 mínútna vinna í smá reddingu fyrir mig væri gríðarlega mikið á hann lagt. Þrátt fyrir allt sem gerðist síðustu helgi.

Við munum koma að því.

En eins og ég ræddi um Facebook þá er nýja myndakerfið mjög slakt að mínu mati. Ég hálf vona að Zuckerberg ofurnördinn átti sig á því og hætti við þessa breytingu. Hann er svosem örugglega ekki með puttana í þessu lengur. Líklega lifandi lífinu með alla milljarðana sína. Ég veit ekki hvort þetta tengist nýja myndakerfinu en það hafa komment á statusa og myndir, myndirnar sjálfar, einkaskilaboð og statusar horfið af prófílnum mínum, birst aftur og horfið aftur.

Mér er ekki skemmt. Facebook er skemmtilegasti hluturinn sem ég veit um og ég mun ekki sætta mig við þetta mikið lengur. Þegar ég hugsa man ég eiginlega ekki hvað maður gerði þegar Facebook var ekki til.

Eða jú. Þá var það Myspace. Þar áður var það NFVI.is (fyrir útvalda). Með þessu öllu fylgdi MSN og á undan því var það Ircið. Ef það væri til leið til þess að reikna út nákvæmlega hversu mikill tími hefur farið í þessa hluti samanlagt væri ég ekki til í að kunna hana. Þó einhver væri með útreikninginn fyrir framan mig myndi ég ekki vilja vita svarið.

Þetta er bara tölfræði sem kemur sér ekki vel að vita. Manni liði bara illa. Ef einhver gæti sagt mér nákvæmt play count á 1000 mest spiluðu lögunum sem ég hef hlustað á frá því að ég byrjaði að hlusta á tónlist (plötur, kasettur, geisladiskar, í bílnum, winamp, windows media player, allir ipodar, dj-gigg, öll itunes) og til dagsins í dag þá myndi ég borga honum megnið af atvinnuleysisbótunum fyrir það. Svona 4-5 kúlur. Hversu nice playlista gæti maður gert úr því?

En nú er nóg komið. Ég er farinn úr einu í annað og aðalefni færslunnar er eftir. Þetta er vonandi nógu mikill aukatexti fyrir helvítið hann Bjarka.

Um helgina voru tvö góð kvöld. Föstudagskvöldið var Ástralíuhittingur sem ég mun skrifa um í næstu færslu. Laugardagurinn var síðan Hrekkjarvakan.

Halloween 2010

Þessi Hrekkjarvaka var líklega sú fyrsta þar sem ég fer all-in og klæðist einhverju öðru en víðum bol, skopparabuxum með gullkeðjur og derhúfu. Negri semsagt. Sumir rapparar klæða sig líka þannig.

Já, það er óhætt að segja að þessa hrekkjarvöku hafi ég tekið með trompi og það er enginn sem getur haldið öðru fram. Meira að segja Valur var sáttur og hann er svo mikill hater á mig að hann er nánast byrjaður að gagnrýna það sem ég gerði áður en ég kynntist honum. Líklega bara til að hafa meira af hlutum til að gagnrýna í fari mínu. Það kom þó í ljós síðar þetta kvöld að Valur er ekki eini vinur minn sem hatar mig. Hann er bara sá sem er mest hreinskilinn og opinn með það.

En snúum okkur að búningnum.

Ég var A.W.E.S.O.M.-O

Flestir hugsa "ÓÓÓMÆÆÆGAD, TÖÖÖFFF"

Sumir hugsa samt "Hver er Awesom-O?"

That makes A.W.E.S.O.M.-O a Saaad Panda

Awesom-O er semsagt karakter úr South Park (Bestu þáttaröð allra tíma samkvæmt marktækri könnun frá þessu bloggi). Hann kom fyrir í öðrum þætti í áttundu seríu (hægt að horfa á South Park hér). Að mínu mati er þetta einn af betri þáttunum á seinni árum South Park og karakterinn algjört gull fyrir þá sem hafa séð þáttinn.

Ég ákvað því að fara all-in. Enda fátt annað að gera hjá mér þá dagana. Hérna er hráefnislýsingin:

Hauskassi - Bónus - Ókeypis
Búkskassi - Kassagerðin - 988 krónur
Þurrkarabarki - Húsasmiðjan - 4.480 krónur
Fjarstýring - Tiger - 990 krónur
Reiknivél - Tiger - 300 krónur
Prentuð augu, munnur, takkar og fleiri - Litaprentari - Ókeypis fyrir mig, nýtt litahylki fyrir Stebba ljóta fósturpabba
Batterí, Hanskar, Bílaloftnet, Símahleðslusnúra og ljós - Héðan og þaðan - Stebbi ekki jafn ljóti fósturpabbi og áðan var virkilega góður reddari

Samtals: 6.758 krónur, hellings tími í reddingar og vinnu + Stebbi biður mig örugglega einhverntímann um greiða sem ég vil ekki hjálpa honum með

Tæki og tól á borð við vírklippur, skæri, hnífa, límband, ofurlím og mikil ást voru notuð í búninginn. Stebbi var gríðarlega öflugur í hjálparstarfinu og það er nokkuð ljóst að búningurinn hefði ekki verið sá sami án hans. Þegar búningurinn var til þá fórum við Stebbi af stað, sóttum Kidda og fórum í Halloween partý hjá Dabba Stóra og Ritu.

Kiddi var pappakassi

Í partýinu var bolla. Ekki Dabbi, heldur svona áfengisbolla. Dabbi var samt líka þarna. Við mættum frekar seint (held ég) því að helmingurinn af liðinu var orðinn blekaður í teitinu. Fyrsta klukkutímann spilaði Dabbi 'Allir eru að fá sér' með Rottweiler og Ragga Bjarna svona tíu sinnum. Næsta klukkutímann tókst honum að skemma myndavél Ragnheiðar systur sinnar.

Dabbi var Ron Burgundy úr Anchorman og slökkviliðsmaðurinn sagðist vera einhver leiðinlegur gaur sem ég man ekki hver var

Gulli var Flugmaður. Álíka frumlegt og ef ég hefði mætt sem Rekstrarverkfræðingur.

Pálmar sagðist vera fréttamaður. Margir hafa nefnt að búningurinn hans Pálmars hafi verið ömurlegur og lélegt effort. Margir hafa sagt að hann sé HRIKALEGA ÖMURLEGUR líka. Fáeinir sagt að þetta sé lélegasti búningurinn sem þeir hafi nokkru sinni séð á Hrekkjarvöku. Ég er samt ekkert sammála því.

Þetta er samt tæmandi listi yfir myndirnar sem ég er með (því að Gulli vildi ekki senda mér fleiri, greinilega nóg að gera á youtube á movie-theme-song channelinu). Partýið hjá Dabba og Ritu var frábært. Það voru fleiri góðir búningar á svæðinu. Ragnheiður var Djöfull, Ármann var kúreki, Hrafn Davíðs var John Travolta í Grease, Viddi var John Travolta í Pulp Fiction og Rita var Galdrakona. Svo voru 1-2 stelpur í svona slutty búningum. Semsagt góð stemmning, góð bolla, nett fólk, góð tónlist og ekki annað hægt að segja en að Dabbi og Rita hafi skilað vel af sér partýinu sem þau skipulögðu með 5 vikna fyrirvara. Ég þakka þeim kærlega fyrir gott kvöld.

Ég, Kiddi og Ármann skelltum okkur saman í bæinn eftir partýið. Ég var mjög hreyfihamlaður í búningnum sem þýddi að þeir klæddu mig í og úr hönskunum og hausnum þegar ég tók 'pásu' til að fá mér einn eða tvo drykki. Þeir meira að segja hertu beltið á mér þegar við röltum í gegnum bæinn. Mikið team effort og nettleiki þar á ferð. Almennt séð þá var fólkið í bænum ótrúlega nett og gott á því, gaf manni High Five, tók í höndina á manni, talaði við mann og öskraði á mann hinummegin við götuna. Allir nema einn, en við komum betur að því seinna.

Við þrír fórum á Næsti Bar sem er fyrir neðan Sólon og vorum þar til lokunar. Ármann blæddi á mig og Kidda á barnum mikið af kvöldinu og staðurinn var hæfilega pakkaður og fólk mjög hresst. Þegar ég fór úr búningnum sagði fólk "Heyyyy, ert þú ekki gaurinn í búningnum???".

Ég fékk svo mikla athygli að ég ætti eiginlega að skoða það að klæðast búningnum daglega. Prufa kannski 1-2 atvinnuviðtöl í honum. Lífið er ekki slæmt sem A.W.E.S.O.M.-O.

En þegar staðurinn lokaði þá rölti ég fyrir utan Ellefuna þar sem Kiddi og Ármann höfðu farið aðeins á undan mér. Þegar þeir komu út var allt að loka og við splittuðum liði.

Ég fór að huga að brottför og byrjaði að rölta mína leið. Þar sem ég sá ekki mikið í gegnum búninginn einbeitti ég mér að því að horfa niður svo ég myndi ekki detta og vera fastur einhversstaðar í nístingskulda. Þegar ég var röltandi í sakleysi mínu fann ég allt í einu högg í vinstri hliðina á mér. Ég hentist smá tilbaka og heyrði að eitthvað datt af búningnum.

Ég hugsaði með mér "Hvað í helvítinu.... er einhver að fara að lemja mig á meðan ég er fastur í þessum búning?". Ég sé að fjarstýringin og festingin sem ég bjó til fyrir hana liggja á jörðinni fyrir framan mig. Síðan lít ég upp. Það er þá sem ég sé hann.

Gulla Breiða.

Hann var með hræðilegt glott. Andlitið var rautt og allt skakkt vegna ofurölvunar. Augun hrópuðu á eitthvað slæmt og ég fann skrítna lykt koma frá honum. Keimur af einhverju sem ég get ekki útskýrt.

Ég: "Gulli, hvað ERTU að gera?"
Gulli: "Hehe, þú átt þetta bara skilið þarna melurinn þinn"
Ég: "Ha?"
Gulli: "Já maður, ég er búinn að sjá FULLT af öðrum Awesom-O í kvöld!"
Ég: "Og ætlaru þá bara að skemma búninginn minn?"

Gulli svaraði engu. Hann horfði á mig með brjálæðislegu augnaráði og hoppaði síðan með báða fætur ofan á fjarstýringuna sem var á jörðinni. Fjarstýringin brotnaði í tætlur.

Ég: "Gulli, ertu að grínast? Hvað ertu að hugsa?"

Hann hló kvikindislega í smástund og þagnaði síðan. Hláturinn hljómaði eins og þegar illmenni sem er að kvelja saklaust fórnarlamb hlær. Þögnin var samt verri. Ég fór að hugsa hver þessi maður væri. Hvað kæmi næst. Síðan leit hann á mig einu sinni enn með þessu sama leiftrandi augnaráði, snéri sér síðan við og labbaði í burtu.

Ég stóð agndofa á staðnum í nokkra stund. Ég get ekki sagt hvort það hafi verið 10 sekúndur eða tvær mínútur. Síðan tók ég það sem ennþá var heilt af búningnum af jörðinni og fór af stað heim.

Tíu mínútum seinna hringir síminn. Það var Gulli.

Gulli: "Hey, ég var að hugsa. Kannski var þetta ekkert nett sem ég gerði áðan. En ég meina, ég sá FULLT af öðrum svona gaurum í kvöld og mér fannst einn bara eiga skilið að vera laminn"
Ég: "Ég nenni ekki að tala við þig um þetta Gulli"
Gulli: "Hvað meinaru maður, þetta var bara djók!!"
Ég: "Heyri í þér seinna"

Þegar ég kem heim og sé tölvuna eru þessi skilaboð bíðandi á MSN:

Gulli Gestss says:
okei
m´´er til varnar
þá var ég búinn að sjá nokkrasvnoa gæja
mér fannst einn þerira bara eiga þtta skilið

Síðan kom nóttin.

Dimm nóttin leið hægt fyrir A.W.E.S.O.M.-O

Daginn eftir fæ ég síðan símtal frá Gulla þar sem hann er mjög miður sín yfir þessu öllu saman og skilur ekki hvað hafi komið yfir hann. Hann hafi bara verið svo glaður að sjá mig að hann hafi greinilega bara tekið karatespark í mig. Hann hafði þó enga útskýringu á því hvers vegna það hafi orðið fyrir valinu frekar en heilsa eða faðmlag. Hann lofaði að reyna að finna nýja fjarstýringu til að koma í stað hinnar og var almennt nettur. Hrekkjarvöku-Gulli semsagt búinn að þynnast úr blóðinu og gamli góði Sveitti lummubróðirinn búinn að taka yfir. Ég sagði honum að þetta væri ekkert mál og að búningurinn væri ekki jafn skemmdur og leit út fyrir í fyrstu. Við erum enn vinir í dag.

Köttur útí mýri, sett'upp á sig stýri, úti er Ævintýri.

A.W.E.S.O.M.-O fílar góðan endi og kveður í bili

later

2010-10-27T20:12:00.008Z

Þriðju persónu skólalærdómur

Þetta er ömurlegur titill á bloggi. Ætla að reyna betur.

Píkusafasundlaugin

Þetta er betra.

Samkvæmt skoðanakönnunninni sem var "Er gaman að ég bloggaði aftur?" þá voru tvo atkvæði sem sögðu "Já" og þrjú sem sögðu "Mjög gaman". Ég átti öll atkvæðin. Djók. En fyrst það var svona ógurleg þátttaka og bara jákvætt feedback þá hef ég ákveðið að halda áfram að búa til bloggfærslur.

En ég er að reka mig á það þessa dagana að það er ekki jafn ótrúlega ljúft að vera atvinnulaus og enginn hefur sagt mér að það sé. Ef ég væri ekki nýbyrjaður á The Wire þá væri það allavega ekki ljúft, The Wire eru svo góðir þættir að ég uni mér vel með allan þennan frítíma. Verst kannski að The Wire er aðallega sýndur á flakkaranum mínum eftir að allir eru farnir af msn (SkólaÓlaSólarhringur semsagt í gangi).

Talandi um MSN þá er Gugga búin að vera með spurningu í MSN-línunni sinni sem hljómar svona:

"Er msn alveg búið eða?"

Við þessu vil ég segja nei. Ég fordæmi hér með Facebook spjall á milli aðila sem eru báðir staðsettir á msn á sama tíma. Afhverju? Lítum á rökin.

1) Allir sem nota Facebook virðast vera á ömurlegu þráðlausu neti sem dettur út á þriggja sekúntna fresti. Það skilar sér ítrekað í eftirfarandi skilaboðum:

"Your chat message wasn't sent because Pamela Anderson is offline."

Þá þarf maður alltaf að skrifa helvítis skilaboðin aftur. Svo kemur þetta líka stundum:

"An unexpected error occurred. Please try again."

Á MSN kemur einstaka sinnum eftirfarandi villumelding:

"The following message could not be delivered to all recipients:"

En hún kemur nánast aldrei.

2) MSN glugginn er miklu þægilegri en Facebook chat boxið. Bæði þar sem að þú ert með sérstakan flipa fyrir hvert msn-samtal í stað þess að boxið sé inni í vafranum og líka vegna þess að þú getur stækkað og smækkað MSN gluggann í nákvæmlega þá stærð sem þú vilt.

3) Hópsamtöl. Nettasti hluturinn á MSN by far. Ekkert þannig á Facebook. Í síðasta hópsamtali fannst þessi linkur.

4) Ég er eiginlega ekki með fleiri rök.

En út frá þessum rökum þá vinnur MSN að mínu mati. Nema kannski að þú sért að leita að aðgangsmiða til að sulla í píkusafasundlauginni hjá einhverri tussumellu sem þú vilt ekki adda á msn. Þessir hlutir eru samt hrikalega mikil tímasóun sem maður fellur fyrir á hverjum degi. Grátlegt eiginlega þegar ég hugsa um það. Ég er hér með hættur að nota þá. Og munntóbak líka.

En aðalkvörtunin sem ég hrópaði út áðan um atvinnuleysið tengist því hvorki að hafa mikinn frítíma eða enga vinnu. Hún beinist að öllum þessum skólavinum sem maður á þessa dagana. Þeir eru bara lærandi alla daga og öll kvöld. What up sko? Þegar ég var í Versló, HR, HÍ, HR (aftur) og UTS þá var ég ekki í sama pakka. Ég lærði þegar ég vildi pásu frá Xbox og Harry Potter. Samt gekk alltaf nógu vel. Núna er maður bara heppinn ef maður nær 10 bíó með einhverjum "skólafélaga" (kalla þá félaga þar sem þeir uppfylla ekki vinahangsmætingarskylduna). Ég segi samt bara svona. Ég er ánægður með að fólk geti sýnt þolinmæði, seiglu og gefið náminu tíma. Allir með sína eigin forgangsröðum og ekkert að því að miða hátt. En ég er þó áhyggjufullur yfir því að þegar náminu lýkur hjá öllum þessum kumpánum þá verði þeir hálfgeðveikir, sálgreinandi eða endurskoðandi allar ákvarðanir sem eru teknar.

En ég sá sögu á blaði um daginn. Ég þóttist kannast aðeins við söguna en henni hafði verið breytt svo að hún var orðin ótrúverðug og ekki jafn góð. Því ætla ég að deila með ykkur lagi vikunnar hjá mér, sem mér finnst geðveikt. Lagið heitir Mr. Writer og er með Stereophonics. Þar eru þeir að syngja um blaðamann / gagnrýnanda sem fór rangt mér staðreyndir. Þetta lag var líka á Topp 10 listanum hjá Pálmari úti í Ástralíu, en meira um það síðar. Njótið vel:

Hvernig ætlar fólk annars að vera á Hrekkjarvökunni? Ég er að spá í að vera Will Smith eða þessi hérna.

later